ISW აშშ
ეკატერინა სტეპანენკო, ლეინ ფილიპსონი, კაროლინა ჰირდი, ანჯელინა ჰოვარდი და ფრედერიკ უ. კაგანი
უკრაინა, როგორც ჩანს, ეუფლება სტრატეგიულ ინიციატივას და აიძულებს რუსეთს, გადაანაწილოს თავისი ძალები და შეცვალოს პრიორიტეტები უკრაინული კონტრშეტევის შესაბამისად. რუსული არმია სულ უფრო ხშირად ახდენს პირადი შემადგენლობისა და ტექნიკის გადასროლას ხერსონისა და ზაპოროჟიეს (დასავლეთი ნაწილი) ოლქებში, იმ ძალისხმევის საზიანოდ, რომელსაც ის იჩენდა სლავიანსკისა და სევერსკის დასაკავებლად – ეს ადგილები, როგორც ჩანს, მან დათმო. რუსებს ასევე გადააქვთ ტექნიკა, კერძოდ არტილერია და ავიაცია, ყირიმში – უკრაინის სხვა რეგიონებიდან. რუსეთის არმიამ, მანამდე შეწყვიტა თუ შეაჩერა შეტევითი ოპერაციები ხარკოვისა და სამხრეთის მიმართულებებზე, რათა პრიორიტეტი მიენიჭებინა ლუგანსკის ოლქისთვის. ეს მას არ გაუკეთებია საკუთარი ინიციატივით, ამას საფუძვლად ედო მეთაურების მხრიდან პრიორიტეტების ცვლა. ამ შემთხვევაში, რუსეთის არმია, როგორც ჩანს, რეაგირებს უკრაინული კონტრშეტევის საფრთხეზე ხერსონის მიმართულებით და გაუცნობიერებლად ირჩევს სამიზნეებს, რომლებისკენაც აპირებს – მიმართოს თავისი ძალისხმევა. ჯერ კიდევ მაშინ, როცა უკრაინელებმა აღკვეთეს რუსეთის მხრიდან კიევის აღების მცდელობა (ომის დასაწყისში), რუსებს თავისუფლად შეეძლოთ, გადაეწყვიტათ ქვეყნის აღმოსავლეთში თუ სად ჩაეტარებინათ ოპერაციები. უკრაინელების მზადებამ ხერსონზე იერიშისთვის, საამისოდ მოსამზადებელი ოპერაციების ჩატარებამ და რუსული ძალების დასუსტებამ, მთლიანობაში განაპირობა ის ვითარება, რომ უკრაინას პირველად მიეცა შესაძლებლობა, აქტიური ზეგავლენა მოახდინოს ომის მსვლელობაზე.
იმ დილემის სერიოზულობას, რომელიც რუსეთის მთავარსარდლობის წინაშე დგას, განსაზღვრავს ის ფაქტორი, რამდენად შეუძლია უკრაინას, მნიშვნელოვანი კონტრშეტევითი ოპერაციების ჩატარება ერთდროულად რამდენიმე მიმართულებაზე. თუ უკრაინა გააგრძელებს ძლიერ წნეხს იზიუმის გარშემო და იმავდროულად შეძლებს კონტრშეტევას ხერსონზე, მაშინ რუსები რთული არჩევანის წინაშე აღმოჩნდებიან. მათ სავარაუდოდ მოუწევთ: ან უარი თქვან მოპოვებულ პოზიციებზე იზიუმის დასავლეთით, ჩრდილოეთ და აღმოსავლეთ მიმართულებებზე თავისი სახმელეთო საკომუნიკაციო ხაზების დასაცავად, ან აქ უნდა გადაისროლონ მეტი პირადი შემადგენლობა და ტექნიკა, რათა შეინარჩუნონ ფრონტის ახლანდელი ხაზი და მაშინ ეს ძალები უნდა მოიხსნას სხვა ღერძებიდან, რაც საფრთხის ქვეშ დააყენებს რუსეთის სხვა მიღწევებს.
ბახმუტის გარშემო – რუსული ძალები მოქმედებენ, სავარაუდოდ 5-7 დამრტყმელი დაჯგუფების შემადგენლობით (თუ გავითვალისწინებთ უკრაინის გენერალური შტაბის ანგარიშს, ამ რაიონში განხორციელებული რუსული თავდასხმების შესახებ). იტყობინებიან, რომ რუსული დაგჯგუფებები მოქმედებენ პოკროვსკოეს, სტრეპოვკას, როტის, სემიგორიესა და უროჟაინოეს დასახლებული პუნქტებიდან.