ზელენსკი იმდენად შეიცვალა, რომ ვერც იცნობ: „გაცისკროვნებული სახის კომიკოსიდან, ომის მწუხარე გმირამდე“

Daily Star  დიდი ბრიტანეთი

ჰარი ტომპსონი

                         The Daily Star-ი ყურადღებით აკვირდება ვლადიმირ ზელენსკის – ვლადიმირ პუტინის მტრისა და რუსულ არმიასთან მებრძოლის – სახეს და პატივს მიაგებს მას, როგორც ომის გმირს

2019 წელს, როცა კომიკოსი და შოუმენი ზელენსკი სენსაციურად აირჩიეს უკრაინის პრეზიდენტად, ის ვერ წარმოიდგენდა, რა ელოდა მომდევნო 6 წლის განმავლობაში. იმ თავბრუდამხვევი დღიდან, ის იქცა სასტიკი კონფლიქტის სიმბოლოდ, კონფლიქტისა, რომელმაც შეიწირა 43 000 უკრაინელის სიცოცხლე – სინამდვილეში ეს ციფრი ბევრად მეტია. ზელენსკის გახდა საომარი ეპოქის სიმბოლო.

მას ყურადღებით აკვირდებოდა მასმედია, ზელენსკის ემუქრებოდნენ და უყვიროდნენ დონალდ ტრამპი და ჯეი დი ვენსი: მას მხრებზე აწევს პასუხისმგებლობა 38 მილიონ უკრაინელისა და თავისი სამშობლოს წინაშე.

ერთ დროს სიცოცხლითა და ხალისით აღსავსე ზელენსკის სახეზე, აღბეჭდილია გადატანილი ვაების კვალი – მასზე აღარ იკითხება ყმაწვილური აზარტი, ეს უფრო გმირული სახეა.

„ზელენსკის ჰქონდა ბავშვური გამომეტყველება, მისი კანი კი გაცილებით საღად გამოიყურებოდა, ახლა კი ელასტიურობადაკარგულ სახეზე იკითხება ასაკობრივი ცვლილებები. დღეს ზელენსკის ნაღვლიანი, მკაცრი და სერიოზული კაცის შესახედაობა აქვს, ზოგიერთ ფოტოზე კი თვალები აქვს ჩაცვენილი. ეს დაბერების ტიპური ნიშანია“ – ამბობს  „სუპერ- დიაგნოსტიკოსი“ – სიმონ მალიკი.

„საინტერესოა ზელენსკის მიმიკაზე დაკვირვება: გაქრა ბიჭური, ანცი ღიმილი, რომლის დროსაც ცხვირის წვერი არხეოდა – მას ჩაენაცვლა უფრო თავშეკავებული და სერიოზული კაცის იერი“ – დასძენს მალიკი.

დოქტორი გარეტ ნაი – სოლფორდის უნივერსიტეტიდან, იმ აზრს ეთანხმება, რომ პრეზიდენტობის განმავლობაში, ზელენსკი საგრძნობლად  შეიცვალა: „როგორც ამბობენ, ყველაფერი რაც არ გკლავს, გაბერებს!“

„სტრესი და ტრავმატული მოვლენები, უზარმაზარ გავლენას ახდენს ადამიანის ორგანიზმზე“ – დასძენს ის. სტრესი ცვლის ჰორმონალურ ბალანსს და ჩვენი ორგანიზმის ბიოლოგიურ სტრუქტურებს, უბიძგებს უჯრედებს განსხვავებული ქმედებისკენ. „როცა ორგანიზმში სტრესის მდგომარეობაშია, მასში იზრდება კორტიზოლის დონე“ – აღნიშნავს დოქტორი ნაი.

„ეს პირდაპირ კავშირშია დნმ-ისა და სხვა ბიოლოგიური სტრუქტურების დაზიანებასთან, რაც ხელს უშლის უჯრედების აღდგენა-განახლებას, საბოლოოდ კი ამას მივყავართ დაჩქარებულ დაბერებასთან. კორტიზოლი აძლიერებს ანთებას და დამატებით აზიანებს ორგანიზმის უჯრედებს. ის, რასაც ახლა ვხედავთ – არის სტრესი, შეწყვილებული წონის კლებასთან. ბუნებრივი ცხიმოვანი ფენა მცირდება; კორტიზალი და ანთება კი კანს ელასტიურობასა და პიგმენტაციას ამცირებს, ხელს უწყობს მცირე ნაოჭების გაჩენას, სახეს კი მომჩვარულს ხდის“ – ამბობს ის.