The Mirror დიდი ბრიტანეთი
ნიამ კირკი
თვითგამოცხადებული ექსტრასენსი – გამოვიდა საგანგაშო გაფრთხილებით ბრიტანელების მიმართ. მან განაცხადა, რომ ბრიტანეთის გაერთიანებული სამეფო უახლოვდება „სახიფათო გლობალურ კრიზისს“ – ბალტიის ზღვაში არსებული „უხილავი ომის“ გამო
ატოს სალომემ, რომელიც ინტერნეტში ცნობილია, როგორც „ცოცხალი ნოსტრადამუსი“, გაგვიზიარა თავისი სულისშემძვრელი მოსაზრება მოსალოდნელი III მსოფლიო ომის შესახებ და გააფრთხილა ბრიტანელები, რომ მოემზადონ ფრონტის ხაზზე გაგზავნისთვის. ბრაზილიელმა ივარაუდა, რომ კონფლიქტი „გაჩაღდება ჰიბრიდული საბოტაჟის“ მოტივით, რის პროვოცირებასაც მოახდენს 2023-25 წლების მოვლენები.
„ნოსტრადამუსი“ და თვითაღიარებული ექსტრასენსი ამტკიცებს, რომ ადრე განჭვრიტა COVId-19, დედოფალ ელისაბედის სიკვდილი და რუსეთის შეჭრა უკრაინაში. ის თვლის, რომ თვეების განმავლობაში, ჩვენს პლანეტაზე შეიქმნა „საშიში გლობალური კრიზისი“ – მან მოუწოდა ადამიანებს „ყურადღებით მოეკიდონ ნიშნებს.“
მან ასევე გაგვაცნო თავისი ხედვა გლობალური კრიზისის შესახებ და შენიშნა, რომ ცალკეული გეოპოლიტიკური მოძრაობები „აყალიბებს ერთიან სტრატეგიულ მოდელს“.
საკუთარი მოსაზრების დასტურად, სალომეს მოჰყავს წყალქვეშა ოპტიკურბოჭკოვანი კაბელის დაზიანების ფაქტი – დანიასა და შვეიცარიის შორის ტერიტორიაზე, რომელიც იანვარში მოხდა. ამან აიძულა შვედეთის ხელისუფლება, დაეწყო მოკვლევა შესაძლო საბოტაჟის შესახებ. „ნოსტრადამუსი,“ ამ ფაქტს განიხილავს იმის საფუძვლად, რომ კონფლიქტი გარდაუვალია.
კაბელთან დაკავშირებული ინციდენტი, მოხდა ერთი თვის წინ. ფინურმა პოლიციამ დააპატიმრა ტანკერი, რომელსაც რუსული ნავთობი გადაჰქონდა. ძალოვანებმა გამოთქვეს ეჭვი, რომ ხომალდმა განგებ დააზიანა ფინეთ-ესტონეთის ელექტროგადამცემი ხაზი Estlink-2 და 4 ტელეკომუნიკაციური კაბელი მაშინ, როცა ღუზა ზღვის ფსკერზე გაათრია.
სალომემ ამგვარი კომენტარი გააკეთა: „ბალტიის ზღვაში გაჩაღდა უხილავი ომი. 2023 წელს მოხდა შეფერხება კაბელურ ქსელში, რომელმაც მწყობრიდან გამოიყვანა ფინეთის კავშირის სისტემები. მსგავსი თავდასხმები გრძელდება, რამაც აიძულა ნატო, რომ გაემკაცრებინა უსაფრთხოების ზომები ამ რაიონში. ევროკავშირში მიმდინარეობს საგანგებო პროცედურების შემუშავება კრიტიკული ინფრასტრუქტურის დასაცავად.“
„წყალქვეშა კაბელები უზრუნველყოფს კავშირის თანამედროვე ინფრასტრუქტურის მუშაობას – ისინი წარმოადგენს საკვანძო ელემენტებს. როცა ეს სტრუქტურები ირღვევა, ეს იწვევეს ციფრულ წყვეტას, რაც საფრთხეს უქმნის სამხედრო საშუალებებს, ასევე იწვევს სერიოზულ ეკონომიკურ დესტაბილიზაციას“ – დაასკვნის „ნოსტრადამუსი.“
„ნოსტრადამუსი“ ამას „დომინოს პრინციპს“ უწოდებს. დაძაბულობის ესკალაციას ბალტიისპირეთში, შეიძლება მოჰყვეს მწვავე კონფრონტაცია: ჯერ კიდევ 2023 წელს ის წინასწარმეტყველებდა, რომ ჩინეთისა და აშშ-ს დაპირისპირება სამხრეთ ჩინეთის ზღვაზე, სამომავლოდ გაძლიერდებოდა. „ისტორია ადასტურებს, რომ მასშტაბური კონფლიქტები შეიძლება დაიწყოს, ერთი შეხედვით ერთმანეთისგან დამოუკიდებელი მოვლენებისგან. პირველი მსოფლიო ომი დაიწყო ერცჰერცოგის მკვლელობით, მეორე მსოფლიო ომი კი მოჰყვა პოლონეთში შეჭრას“ – პარალელს ავლებს ატოსი.
„დღეს ჩვენ ვცხოვრობთ ჰიბრიდული ომების ეპოქაში, როცა ინტერნეტკაბელის დაზიანებამ, შეიძლება გამოიწვიოს დამანგრეველი შედეგები, ისე, როგორც სამხედრო შეტაკებები. თუ ბალტიისპირეთში კაბელების დაზიანება საბოტაჟის აქტი გამოდგა, მაშინ როგორი იქნება ნატოს პასუხი? რა რეაგირება ექნება რუსეთს ამგვარ ოფიციალურ ბრალადებაზე? და რაც მთავარია, სადამდე მიგვიყვანს ასეთი ესკალაცია“ – ამ კითხვებით ამთავრებს თავის პუბლიკაციას ბრაზილიელი ნათელმხილველი.