The Guardian დიდი ბრიტანეთი
ჩვენ არ უნდა გავჩუმდეთ იმ ძალადობაზე, რომელიც ჩვენს ქვეყანას ანაწევრებს. დროა მხნეობა მოვიკრიბოთ და ვთქვათ ის, რაც სათქმელია, უზრუნველვყოთ ამერიკის მოქალაქეების უსაფრთხოება.
ამერიკის ისტორიაში ხდება ის, რაც ადრე არ მომხდარა. ჩვენ ვართ ვალში მსხვერპლის წინაშე (იგულისხმება – ქუჩაში ძალადობა), ჩვენი ოჯახებისა და ქვეყნის წინაშე. დროა მოვიქცეთ მართებულად. მოძრაობის – „დავუბრუნოთ ამერიკას ძველი დიდება“ – მონაწილეებს სჯერათ, რომ ამ გაურკვევლობაში, ყოველ მოქალაქეს უნდა შეეძლოს, ნებისმიერ დროს და ნებისმიერ ადგილას, მშვიდად იაროს ამ ქვეყანაში და უნდა გამოირიცხოს მის მიმართ ძალადობის მცირე ალბათობაც კი. არ არის უსაფრთხოება – არ არის თავისუფლება – არ არის ქვეყანა.
თუ დავანებებთ ადამიანთა ერთ ნაწილს, დიდი ქალაქებისა და სხვა დასახლებების ქუჩები შპრიცებითა და ნარკოტიკებით გაავსონ, მაშინ კარგი არაფერი გველის. ქვეყნის საკეთილდღეოდ – უსახლკაროები უნდა გადავიყვანოთ თავშესაფრებში, ფსიქიკურად დაავადებულები – სპეციალურ დაწესებულებებში, ხოლო მიუსაფარი ნარკომანები – სარეაბილიტაციო ცენტრებში, განსაკუთრებულ შემთხვევაში კი ციხეში. მათ დაიპყრეს არაერთი ქალაქი და ამ კატასტროფის მასშტაბები ბევრს არ ესმის. შეურაცხადებსა და დაავადებულებს მისცე უფლება, მიიტაცონ პარკები და ფეხით სავალი ნაწილი, ეს საშინელი გადაწყვეტილებაა. ეს არის პრობლემა, თანაც უზარმაზარი.
საზოგადოება, რომელიც უარს ამბობს დაიცვას საკუთარი შვილები, ვერ შეძლებს ვერავის დაცვას. ეს არის კულტურული და სოციალური დაკნინების გამორჩეული ნიშანი და ამას მკაცრად უნდა ვებრძოლოთ. იდოტები, რომლებიც სექსუალური კონტენტს ჩრიან საბავშვო ბაღის აღსაზრდელებს და სქესობრივი მომწიფების ბლოკატორებით ჭყიპავენ არასრულწლოვნებს, წარმოდგენა არა აქვთ, თუ რას წარმოადგენს ეს პრეპარატები. არ ვიცი მეც. თუ თქვენი ღიმილით ვიმსჯელებ, არც თქვენ იცით. მოკლედ რომ ვთქვათ, ეს ადამიანები სჩადიან ბოროტებას. მოსახლეობის გარყვნაში მონაწილეობით, ისინი არღვევენ კანონს, ამდენად პასუხი უნდა აგონ მთელი სიმკაცრით.
აქვე უნდა ითქვას, რომ საჭიროა აიკრძალოს მამაკაცების – ქალთა სპორტულ გუნდებში გამოსვლა. ეს ქალების დიდი უპატივცემლობაა. პროგრესისტები ამგვარ მოსაზრებაზე ამბობენ, რომ ეს არ არის პოლიტკორექტული, მაგრამ სინამდვილეში საქმე გვაქვს ქალის უპატივცემულობასთან, მის შემაძრწუნებელ შეურაცხყოფასთან.
და კიდევ, ჩვენი ქვეყნის უსაფრთხოებისთვის, საჭიროა დამყარდეს წესრიგი საზღვრებზე. ახლა იქ ხდება გაუგონარი რამ. ღია საზღვარი – არის ღია ჭრილობა. ჩვენი ქვეყნის ტერიტორიაზე ხვდებიან ნარკოდილერები, ბავშვით მოვაჭრეები, კონტრაბანდისტები და ამერიკაში შემოდის ათეულ ათასობით საშიში დამნაშავე. როცა ვამბობ ათობით ათასს, ეს არის სულ რაღაც ერთი კვირის სტატისტიკა.
მე ვაკეთებ ყველაფერს ჩემი ქვეყნისთვის და ეს დიდი პატივია ჩემთვის. თუ ყველამ ასე არ გააკეთა, მაშინ ჩვენი ქვეყანა განწირულია საიმისოდ, რომ იქცეს კიდევ ერთ ვენესუელად ან კიდევ ერთ საბჭოთა კავშირად. სწორედ აქეთ მივექანებით. საკმარისია მოვუსმინოთ ახალ ამბებს. დიდია ალბათობა, გადავიქცეთ კუბად, მხოლოდ მასშტაბი იქნება უფრო დიდი. იქ ყველაფერი დაკარგულია და არ არსებობს მომავლის იმედი. რაგინდ გავლენიანი და ძლიერი არ უნდა იყვნენ კორუმპირებული რადიკალები, რომლებიც ჩვენ გვიპირისპირდებიან, რა საფრთხეც არ უნდა მომდინარეობდეს მათგან, უნდა გვახსოვდეს, რომ ეს ქვეყანა ეკუთვნის ამერიკელ ხალხს და არა მათ. ჩვენ გვერგო მემკვიდრეობა ამერიკელი პატრიოტების მრავალი თაობისა, რომლებმაც სისხლით, ოფლითა და ცრემლებით, ხშირად საკუთარი სიცოცხლის ხარჯზე ააშენეს ეს ქვეყანა და აქციეს ის თავისუფლების და სიკეთის ხატად, რომელსაც არ მოეპოვება ანალოგი მსოფლიოში.
ახლა ჩვენ ვიქეცით მომაკვდავ ქვეყნად, ხელმოცარულ სახელმწიფოდ, რომელშიც ყველაზე მაღალი ინფლაციაა – ბოლო 49 წლის მანძილზე და საფონდო ბაზრის ყველაზე უარესი წლიური მაჩვენებლები გვაქვს 1972 წლიდან მოყოლებული. ჩვენ დავკარგეთ ენერგოდამოუკიდებლობა და დომინაცია, რომლითაც თავი მოგვქონდა ჯერ კიდევ 2 წლის წინ. ეს დაუჯერებელია. ჩვენ ვართ ქვეყანა, რომელიც იძულებულია ეხვეწოს ვენესუელას, საუდის არაბეთს და ბევრ სხვას, მოგვცენ ნავთობი. „გემუდარებით, გთხოვთ, დაგვეხმარეთ“ – ამბობს ბაიდენი. არადა ფეხი გვიდგას მიწაზე, რომლის წიაღში იმაზე მეტი თხევადი ოქროა, ვიდრე რომელიმე ქვეყანაში. ჩვენ ვართ ქვეყანა, რომელიც შეპყრობილია „ახალი მწვანე კურსით“, რომელსაც ლობირებენ ულტრამემარცხენე იდეოლოგიის მიმდევრები, არადა ყველამ იცის, რომ „ახალ მწვანე კურსს“, განადგურებისკენ მივყავართ.
ჩვენ ვართ ქვეყანა, რომელმაც მიატოვა ავღანეთი ისე, რომ იქ დარჩა უამრავი მოკლული ჯარისკაცი, ამერიკის მოქალაქე და მსოფლიოში საუკეთესო – 85 მილიარდი დოლარის ღირებულების სამხედრო ტექნიკა.
ჩვენ ვართ ქვეყანა, რომელმაც დაუშვა, რომ რუსეთს კონფლიქტი გაეჩაღებინა უკრაინაში. ეს გამორიცხული იყო, როცა მე მთავარსარდალი ვიყავი. ეს არ მომხდარა ჩემი მმართველობის დროს. ახლა კი ჩინეთის რიგია, რომ ტაივანში იგივე ჩაიდინოს.
ჩვენ ვართ ქვეყანა, რომელმაც უპრეცედენტოდ შეაიარაღა საკუთარი სამართალდამცავი ორგანოები – ოპოზიციურ პოლიტიკურ პარტიასთან საბრძოლველად. ასეთი რამ, აქამდე არ მომხდარა.
ჩვენ ვართ ქვეყანა, რომელსაც აღარ აქვს თავისუფალი და სამართლიანი პრესა. ყველგან ფეიქნიუსია. სწორეს პრესის წარმომადგენლები არიან ხალხის ნამდვილი მტრები.
ჩვენ ვართ ქვეყანა, სადაც აკრძალულია სიტყვის თავისუფლება, ყვავის დანაშაული, ინგრევა ეკონომიკა, 2021 წელს კოვიდით იმდენი ადამიანი გარდაიცვალა, რამდენიც 2020 წლის განმავლობაში ერთად აღებული.
სულ რაღაც 2 წლის წინ, ირანი, ჩინეთი და ჩრდილოეთ კორეა, ვერ ბედავდნენ ჩვენთან დაპირისპირებას. ეს იცის ყველამ, მათ შორის ჩამოთვლილი ქვეყნების ლიდერებმაც. ახლა ეს ხდება იმიტომ, რომ ჩვენ ვიქეცით ქვეყნად, რომელსაც მსოფლიოში უკვე აღარავინ უსმენს და პატივს არავინ მიაგებს.
ჩვენ ვართ ქვეყანა, რომელიც მტრულად ეკიდება თავისუფლებას და რწმენას.
ჩვენ ვართ ქვეყანა, რომლის ეკონომიკა ორივე ფეხით კოჭლობს, რომლის საწყობები დაცლილია, მომარაგების ქსელები კი დაშლილი, ხოლო განათლების სისტემა ყველა სიაში პირველია, ოღონდ ბოლოდან. ჩვენ ვერ დავუშვებთ ამის გაგრძელებას. სულ რაღაც ორიოდე წლის წინ, ყველაფერი რიგზე იყო და მსგავს რამეს ვერც კი ვიფიქრებდით. ქვეყნის ძლევამოსილება იყო უპრეცედენტო. ჩვენ ვჯაბნიდით ჩინეთს, რადგან ვაღწევდით ისეთ სიმაღლეებს, როგორიც ჩინელებს ვერც წარმოედგინათ. ჩინეთი ფიქრობდა, რომ 2018-20 წლებისთვის, იქცეოდა მსოფლიოს უმსხვილეს ეკონომიკად. ისინი კი ახლოსაც ვერ მოდიოდნენ, მათ არ ეგონათ, თუ ასე წინ გავიჭრებოდით. მჯერა, რომ ჩვენ ისევ შეგვწევს ამის ძალა.
ჩვენ მალე დავიბრუნებთ ადრინდელ დიდებას. მთელი სულით და გულით მწამს, რომ ამერიკელი ხალხი, თავიდან აიცილებს დაკნინებული ქვეყნის ხვედრს, დემორალიზაციას და მარცხს ყველა ფრონტზე. მჯერა, რომ გავერთიანდებით და არჩევანს გავაკეთებთ განახლებისა და აღორძინების სასარგებლოდ, გადავაქცევთ ჩვენ ქვეყანას – რაღაც განსაკუთრებულად.“