ბასტილიის აღების ზეიმზე, მაკრონი აფრთხილებს საფრანგეთს გაზის მიწოდების პრობლემაზე და საპენსიო უზრუნველყოფის სფეროში – პროგრესის მიღწევის პირობას დებს

POLITICO  აშშ

              საფრანგეთის პრეზიდენტი ამბობს, რომ რუსეთი ენერგომატარებლებს „საბრძოლო იარაღად“ გამოიყენებს

სამშაბათს საფრანგეთის პრეზიდენტმა პირობა დადო, რომ მისი  პოსტზე მეორე ვადით ყოფნის განმავლობაში, რეფორმები გაგრძელდება. მან ეს განაცხადა იმისდა მიუხედავად, რომ გასულ თვეში სამარცხვინოდ წააგო საპარლამენტო არჩევნები. მაკრონმა ბასტილიის დღისადმი მიძღვნილი ყოველწლიური სატელევიზიო გამოსვლა, იმისთვის გამოიყენა, რომ ფრანგები გაეფრთხილებინა: უკრაინაში მიმდინარე ომის გამო, ქვეყანას მძიმე დღეები მოელის.

„ჩვენ უნდა ვემზადოთ იმ სცენარისთვის, რომ რუსეთი გაზის მოწოდებას სრულად შეწყვეტს“ – თქვა მაკრონმა ეროვნულ დღესასაწაულზე  TF1-სა და  France–2-სთვის მიცემულ ინტერვიუში: „ეს სავსებით შესაძლებელია“.

მაკრონმა განაცხადა, რომ მალე წარმოადგენს დეტალურ გეგმას, თუ როგორ უნდა შემცირდეს ენერგიის მოხმარება, ეს ხდება მაშინ, როცა ევროპის ლიდერები წუხან – რუსული გაზის გარეშე დარჩენის პერსპექტივის გამო.

ელისეს სასახლის მინდვრებზე გამოსვლისას, მაკრონმა თქვა, რომ საფრანგეთი ცდილობს, რაც შეიძლება მალე გათავისუფლდეს რუსული გაზისგან. მან რუსეთი დაადანაშაულა იმაში, რომ ეს უკანასკნელი, დასავლეთისთვის ენერგომატარებლების მიწოდებას, იყენებს „საბრძოლო იარაღად“ და დასძინა, რომ უკრაინაში ომს ბოლო არ უჩანს.

მაკრონმა განსაკუთრებული ყურადღება მიაპყრო შემწეობებისა და პენსიის რეფორმებს, რასაც შეიძლება მოჰყვეს საპენსიო ასაკის გაზრდა – მისი თქმით, კანონი ამოქმედდება 2023 წლის ზაფხულისთვის. ეს რისკიანი ნაბიჯია პრეზიდენტისთვის, თუ გავითვალისწინებთ – პარლამენტში უმრავლესობისა და საზოგადოებრივი მხარდაჭერის დაკარგვას.

განმეორებით არჩევნებზე გამარჯვებიდან 3 თვეში, მაკრონი დაეშვა პოპულარობის მინიმალურ დონეზე – 2020 წლიდან მოყოლებული. მისმა პარტიამ – La République en Marche – დაიკავა პირველი ადგილი ივნისის საპარლამენტო არჩევნებზე, მაგრამ ნაციონალურ კრებაში, უმრავლესობა დაკარგა, მემარჯვენე და მემარცხენე რადიკალური პარტიების წარმატების ფონზე.

სამშაბათს კანონმდებლებმა ჩააგდეს წინადადება, მთავრობას მინიჭებოდა უფლებამოსილება, ქვეყანაში დაშვებისთვის მოგზაურებისთვის მოეთხოვა COViD-19-ზე იმუნიტეტის ცნობა. ეს მიუთითებს, რომ მან პარლამენტში გავლენა დაკარგა.

მაკრონი, ერთსაათიანი ინტერვიუს განმავლობაში, იცავდა თავის პოზიციას. მან პირობა დადო, რომ გააგრძელებდა რეფორმებს დასაქმების სფეროში, რაც მოიცავს შემწეობების და უმუშევრობის კომპენსირების პრობლემებს – ეს კიდევ ერთი მგრძნობიარე პოლიტიკური საკითხია.

„მინდა, რომ ამ ზაფხულში, დაჩქარდეს რეფორმა დასაქმების სფეროში“ – თქვა მაკრონმა. ის, ამ კუთხით, პროგრესს მოელის სექტემბრისთვის. „სრული დასაქმება – არის პრიორიტეტი“ – ამტკიცებს პრეზიდენტი. ჟურნალისტები პრეზიდენტს ჩააცივდნენ ე. წ.  Uber Files-ის საქმეზე, რადგან მას შემდეგ, რაც გამოაშკარავდა მგზავრების გადამზიდავი კომპანიის შიდა დოკუმენტაცია, გაირკვა, რომ მისი ეკონომიკის მინისტრად ყოფნის პერიოდში (2014-16 წლები), მაკრონი – კონფიდენციალურ ინფორმაციას აწვდიდა კომპანიის ხელმძღვანელობას

მაკრონი იცავს საკუთარ პოზიციას და ირწმუნება, რომ არ ნანობს ტაქსის ბაზარზე გატარებულ ცვლილებებს და აცხადებს, რომ მთავრობის მოქმედებას – „მოჰყვა ბაზრის ბალანსირებული გახსნა“.