Цензор.НЕТ
იური ბუტუსოვი
რუსეთის სამხედრო დაჯგუფებაზე უკრაინული ძალების მიერ განხორციელებული გამანადგურებელი დარტყმების შედეგად (ეს დაჯგუფება ცდილობდა კიევის აღმოსავლეთით არსებული პლაცდარმის შენარჩუნებას), რუსი მებრძოლები გატყდნენ და გაიქცნენ. „ლოსინოვსკის“ და „ველიკაია დოროგას“ რაიონში, ჩვენმა სპეცდანიშნულების რაზმმა ეფექტიანად იმოქმედა, გაწმინდა ეს ტერიტორია და გაწეული სამუშაოს ამსახველი ფოტოები გადმოგზავნა, რომლებიც მართლაც შთამბეჭდავია.
31 ერთეული ტექნიკა – მხოლოდ ერთ სოფელთან, რომელსაც რუსეთის არმია ინარჩუნებდა კიევის მისადგომებთან. აქ ეფექტიანად იმუშავა 58-ე მექანიზებულმა ბრიგადამ, რომელმაც განსაკუთრებული ზიანი მიაყენა რუსეთის არმიის 74-ე მოტომსროლელ ბრიგადას.
აღნიშნულ მიმართულებაზე, რუსეთის მეთაურობამ, ბრძოლაში ჩააბა საკუთარი სპეციალური ოპერაციების შენაერთი, რომელიც ასევე გაანადგურეს. უსაფრთხო უკანდახევის უზრუნველყოფა ვერ მოხერხდა – ჩვენ სპეცდანიშნულების რაზმს, ტყვედ ჩაუვარდა სპეციალური ოპერაციების ჯგუფის ნაწილი.
ეს სულაც არ არის განადგურებული და ნაალაფარი ტექნიკის სრული ჩამონათვალი ამ რაიონში. წმენდა გრძელდება. რუსული არიერგარდი ცდილობს დაიცვას უკანდახევა და შეაკავოს უკრაინელების შეტევა.
58-ე ბრიგადამ, ამ ბრძოლებში გამოავლინა ბრწინვალე ტაქტიკური განსწავლულობა და ურთიერთქმედების უნარი – ბრიგადის არტჯგუფმა, ფოტოებით თუ ვიმსჯელებთ, სროლა მშვენივრად წარმართა.