გაგრძელება
… ჰაერსაწინააღმდეგო საშუალებების უქონლობა – ბრძოლის მეწინავე რიგების დასაცავად თანამედროვე უპილოტოებისაგან, როგორიცაა „ბაირახტარი“ და სხვა დამრტყმელი აპარატები. „ბაირახტარის“ მთავარი ღირსებაა – კომპანია L3Harris-ის შორსმჭვრეტელი ოპტიკურ-ელექტრონული სისტემა Wescam MX-15, რაც მას საშუალებას აძლევს იყოს ჩვენს ზურგში, აღმოაჩინოს მტრის საბრძოლო განლაგება და დააკვირდეს მას 20კმ-ის მანძილზე, ასევე გადაადგილდეს მთელი ფრონტის გასწვრივ. არაფერი მსგავსი რუსეთის შეიარაღებულ ძალებს არ გააჩნია და ამ დონის სიტუაციური ცოდნა მტერს არ მოეპოვება. რუსეთს მრავლად აქვს ჰაერსაწინააღმდეგო საშუალებები, მაგრამ „ბაირახტარები“ ძნელადგარჩევადია რუსული რადარებისთვის…ჩახშობისადმი მედეგობა, როგორც ლიბიას, სირიის და ყარაბაღის ბრძოლები ადასტურებს, „ბაირახტარს“ საშუალებას აძლევს წარმატებით გაანადგუროს სამიზნეები წინა ხაზზე, ხოლო ხელსაყრელ ტაქტიკურ ვითარებაში იმოქმედოს მტრის რიგების სიღრმეშიც. „ბაირახტარებისთვის“ ცის სრული ჩაკეტვა, რუსეთს არ შეუძლია და რუსული შენაერთების სწრაფი გადაადგილება სამოქმედო ზონაში, მათ ხელსაყრელ სამიზნედ აქცევს.
მეხუთე: რუსეთის შეიარაღებული ძალების მოუმზადებლობა ხანგრძლივი და ინტენსიური საბრძოლო მოქმედებებისთვის. რუსეთის სახმელეთო ჯარები შეზღუდული რაოდენობისაა. მტერმა უკრაინის წინააღმდეგ შეიძლება გამოიყენოს 90 სახმელეთო საბატალიონო-ტაქტიკური შენაერთი – მთელ ქვეყანაში არსებული 130 მსგავსი ერთეულიდან, ანუ რუსეთის ყველა სახეობის ძალიდან მოკრებილი, დამრტყმელი სახმელეთო შენაერთების პირადი შემადგენლობა, იქნება 100 000 სამხედრო. უზრუნველყოფისა და მხარდაჭერის ძალების ჩათვლით, ჯარისკაცების რაოდენობა, დაახლოებით 200 ათასს მიაღწევს. ამგვარად მოწინააღმდეგეს ომის საწყის ფაზაში არ აქვს უპირატესობა უკრაინის სახმელეთო ძალებზე. რუსეთია არმია ძალზე მგრძნობიარეა დანაკარგისადმი, ეს კი გარდაუვალია. ამას დაუმატეთ გადაღლა, აუცილებელი როტაცია. ის მალე იგრძნობს შემადგენლობის შევსების აუცილებლობას. სანქციებით ბლოკირებული რუსეთი გადააწყდება საბრძოლო ტექნიკისა და იმ რესურსების დეფიციტს, რომლებიც აუცილებელია ხანგრძლივი ომის პირობებში.
უკრაინის უპირატესობები
პირველი: ქვეითთა რაოდენობის მკვეთრი ზრდის პოტენციალი – უკრაინის შეიარაღებულ ძალებში, ბრძოლისუნარიანი მოსახლეობის მობილიზაციის დაჩქარება, შეიძლება უზრუნველიყოს დიდ ქალაქების ხარჯზე. პოზიციურმა ბრძოლებმა დონბასში არმიას გამოუმუშავა სახმელეთო თავდაცვითი აზროვნება. ომი დასახლებულ პუნქტებში მნიშვნელოვნად შეამცირებს რუსეთის არმიის უპირატესობას. ქალაქის ბრძოლებში ჩაბმა, მოწინააღმდეგეს უზღუდავს მანევრირებას, აკარგვინებს ბრძოლისუნარიანობას – რუსეთი მყისიერად იგრძნობს ქალაქში ბრძოლის მცოდნე ქვეითების დეფიციტს.
მეორე: ნატოს დაზვერვა და ჩვენი სპეცსამსახურები – უზრუნველყოფენ უკრაინის არმიისთვის ყოვლისმომცველი სადაზვერვო ინფორმაციის მოწოდებას მოწინააღმდეგის შესახებ. ჩვენ უკვე გვაქვს სრული ინფოირმაცია რუსების ყველა გადაადგილებაზე, რადიოსაუბრებზე, საკომანდო პუნქტებზე, მომარაგების პუნქტებზე.
მესამე: ტანკსაწინააღმდეგო კომპლექსების დიდი რაოდენობა. უკრაინის არმიის ქვეითები საკმარისად მომარაგებულია ტანკსაწინააღმდეგო საშუალებებით. მათი გამოყენების სიხშირე იქნება იმდენად მაღალი, როგორიც რუსებს ჯერ არ უნახავთ. უკრაინის არმიას აქვს უნარი მცირე ჯგუფებით სამანევრო- შეტევითი მოქმედებისა, შეუძლია მტრისთვის მუდმივი დარტყმებისა და დაზიანების მიყენება მობილური საარტილერიო ჯგუფებისა და ტანკსაწინააღმდეგო სარაკეტო კომპლექსების – „ჯაველინებისა“ და „სტუგნების“ გამოყენებით. ზამთარში „ჯაველინის“ გამოყენება იქნება განსაკუთრებით ეფექტიანი, მისგან თავდაცვის საშუალებები რუსეთს არა აქვს. უკრაინამ უკვე მიიღო 1200 ასეთი რაკეტა და მათი მოწოდება გრძელდება. საარტილერიო დარტყმები დასახლებული პუნქტებიდან, იძლევა შესაძლებლობას იმოქმედო ფარულად და მტერს მიაყენო დიდი ზიანი უპილოტოებისა და მაღალი შენობებიდან ცეცხლის კორექტირების საშუალებით.
მეოთხე: „ბაირახტარების“ გამოყენებით, შესაძლებელია ეფექტიანად აკონტროლო რუსული შენაერთების წინა სამოქმედო ხაზი და მიაყენო მათ წერტილოვანი დარტყმები, ისე რომ, არ დაანებო მტრის ქვეითებსა და მის ჯავშანმანქანებს, შეაღწიონ ჩვენი რიგების სიღრმეში. შეგვიძლია მტრის წინააღმდეგ სხვა ძალების გამოყენებაც.
მეხუთე: თუ გავითვალისწინებთ მასშტაბურ სამხედრო-პოლიტიკურ მზადებას ომისთვის, რომელსაც ნატო ახორციელებს, უკრაინა, საბრძოლო მოქმედებების გაჭიანურების შემთხვევაში, სავარაუდოდ იოლად შეივსებს შეიარაღებას მოკავშირეების დახმარებით. მაგალითად, მასობრივი მოწოდება თანამედროვე თერმოვიზორებისა ნატოს ქვეყნებიდან და უკრაინული არჩერიდან (იგულისხმება საკონსტრუქტორო ბიურო „Луч“-ის ტანკსაწინააღმდეგო სარაკეტო კომპლექსები თერმოვიზორული სამიზნეებით), უზრუნველყოფდა უკრაინის შეიარაღებული ძალების მომგებიან მდგომარეობას. ოპტიკურ-ელექტრონული დაზვერვის თვალსაზრისით, ეს წინა ხაზზე ჩვენ ქვეითებს და ტექნიკას მოაპოვებინებდა გადამწყვეთ უპირატესობას მტერზე ღამის კონტაქტურ ბრძოლებში. იგივე ითქმის დამრტყმელი უპილოტოებზე, საარტილერიო ჭურვებზე, ჰაერსაწინაამდეგო საშუალებებზე, მაღალი სიზუსტის იარაღსა და დაზვერვის საშუალებებზე.
დასკვნები:
- წარმატებული, სწრაფი მასშტაბური შეტევის ოპერაცია რუსეთის არმიის მხრიდან – უკრაინის შეიარაღებულ ძალებზე, შეუძლებელია, თუნდაც ავიადარტყმებისა და ავიაბაზებზე სარაკეტო თავდასხმის ხარჯზე. თავდაცვის სისტემისა და ინფრასტრუქტურის დათრგუნვა მხოლოდ ჰაერიდან ვერ მოხერხდება, მით უფრო, როცა არსებობს საჰაერო თავდაცვის სხვადასხვა კომპონენტები და მანევრირების საშუალება და როცა მოწინააღმდეგეს მრავალრიცხოვანი ძალები ჰყავს.
- რუსეთის ლოკალური შეტევითი ოპერაციებისა და შეზღუდული სამიზნეების პირობებში, უკრაინულ არმიას აქვს იარაღი, რომლითაც მტერს შეიძლება მიაყენო დიდი დანაკარგი, შეაჩერო მისი შეტევა და დაამარცხო კიდეც იგი.
- უკრაინის შეიარაღებული ძალებს სჭირდება კომპლექსური რეფორმა, როგორც რუსეთის არმიასთან არსებული ჩვენი უპირატესობის გასაძლიერებლად, ისე შეიარაღების კრიტიკულ მიმართულებებზე არსებული ჩამორჩენის აღმოსაფხვრელად. რეფორმების დოქტრინა უნდა ეფუძნებოდეს ოპტიმალური სტრატეგიასა და ტაქტიკებს, რათა მიღწეული იქნას ომში გამარჯვება.