უკრაინა ემზადება ევროპული გაზის რეკორდული რაოდენობით შესყიდვისათვის, მაგრამ რეზერვები შეზღუდულია

Bloomberg აშშ

პრისცილა აზევედო როხა, ანა შირიევსკაია

   უკრაინა გეგმავს რეკორდული მოცულობის გაზის იმპორტს ევროპიდან, რადგან რუსულმა დარტყმებმა ქვეყნის ენერგოინფრასტრუქტურაზე და საწვავის მარაგების ამოწურვამ, მოთხოვნა გაზარდა

„ჩვენ ვთვლით, რომ 2025-26 წლების სეზონზე, უკრაინას დასჭირდება 5 მილიარდ კუბურ მეტრამდე აირი“- განაცხადა დმიტრი სახარუკმა, ფირმა D.Trading-ის დირექტორმა, რომელიც წარმოადგენს უმსხვილესი უკრაინული ენერგეტიკული კომპანიის ДТЭК-ის ქვედანაყოფს.

წინა სეზონებზე მოთხოვნა შეადგენდა მაქსიმუმ ერთ მილიარდ კუბურ მეტრს, განაცხადა მან შვეიცარიის ლოზანაში მიცემულ ინტერვიუში, სადაც Financial Times-ის ინიციატივით, გაიმართა გლობალური სამიტი ნედლეულით ვაჭრობის საკითხებზე.

უკრაინის ინფრასტუქტურა სერიოზულად დაზიანდა რუსული დარტყმების შედეგად. ბევრი თვლის, რომ მიყენებული ზიანი იმაზე მასშტაბურია, ვიდრე საჯაროდ აცხადებენ, ეს კი ნიშნავს, რომ ახლა შეუძლებელია იმის პროგნოზი, რა რაოდენობის აირის შესყიდვა მოუწევს ქვეყანას მომავალ ზამთრისთვის.

უკრაინას მოუწევს მოიძიოს გაზი იმ დროს, როცა მისი მიწოდების წინადადებები სულ უფრო და უფრო მცირდება, ფასები ევროპაში კი განუხრელად იზრდება სეზონის დასაწყისამდე, ვიდრე შეივსება მარაგები.

შეერთებული შტატები აცხადებს, რომ რუსეთი და უკრაინა შეთანხმდნენ შავ ზღვაზე ცეცხლის შეწყვეტისა და ენერგოინფრასტუქტურაზე დარტყმების აკრძალვის აღსრულების მექანიზმებზე.

უკრაინამ უკვე გამოიყენა თავისი ე. წ. ბუფერული მოცულობები, რომლებიც ინახებოდა მიწისქვეშა საცავებში რეზერვის სახით, თქვა სახარჩუკმა. აირის გარკვეული რაოდენობა კი უნდა იყოს გაზსაცავებში, რათა შენარჩუნდეს მათი უსაფრთხი და ეფექტიანი ფუნქციონირება.

„ეს მარაგები უნდა შეივსოს, რადგან საცავების მოცულობები მნიშვნელოვანია“, განაცხადა მან.

გასულ წელს რუსეთი დარტყმებს ახორციელებდა, არა გაზის მომპოვებელ ჭაბურღილებზე, არამედ აირის მოგროვების წერტილებზე, სადაც  საწვავი იფილტრება და ისევ ბრუნდება საგაზო-სატრანსპორტო სისტემაში, აღნიშნა მან.

თუმცა ბოლოდროინდელმა ავიადარტყმებმა, თითქმის ერთი მესამედით შეამცირა გაზის მოპოვება ფლაგმანი კომპანია  “Нафтогаз”-ის მიერ, როგორც ამას საქმეში ჩახედული პირები იუწყებიან. ამან აიძულა უკრაინა შეეძინა ძვირადღირებული საწვავი ევროკავშირიდან.

იმ შემთხვევაშიც კი თუ ინფრასტუქტურაზე დარტყმები  შემცირდა, უკრაინას დასჭირდება დრო მოპოვების ნორმალურ ნიშნულზე დასაბრუნებლად, თქვა სახარჩუკმა „ამას გარდა, ახალი დარტყმების გამორიცხვაც არ იქნება მართებული“, დასძინა მან.