Military Watch Magazine
უკრაინას, დასავლური წარმოების ტანკები, თებერვლის ბოლოდან მიეწოდება. პირველი დაპირება, ჯავშანტექნიკის გადაცემის შესახებ, დიდი ბრიტანეთის მხრიდან გასული წლის დეკემბერში გაიცა, რის შემდეგაც, ანალოგიური რამ განაცხადეს პოლონეთმა, გერმანიამ, აშშ-მ, საფრანგეთმა და ნატოს სხვა წევრმა-ქვეყნებმა. მანამდე უკრაინა ფლობდა ყველაზე დიდ ჯავშანსატანკო ნაწილებს ევროპაში. მისი პარკი შედგებოდა უპირატესად საბჭოური წარმოების T-64-ისგან. 2022 წლის განმავლობაში, ის შეივსო ასობით T-64-ით, T-72-ით და T-80-ით უკრაინის შეიარაღებული ძალების რეზერვიდან, ასევე ასობით T- 72-ით ნატოს წევრი ქვეყნებიდან და მაროკოდან, რომელმაც თავისი ტექნიკა დასავლელ შუამავლებს გადასცა.
თუმცა საბჭოური წარმოების ჯავტექნიკა სულ უფრო დეფიციტური ხდება, ამდენად უკრაინას ჰპირდებიან დასავლური ტანკების ფართო სპექტრს, მათ შორის ბრიტანულ „ჩელენჯერ-2“ს, ამერიკულ M1A2 „აბრამს“-ს, გერმანულ „ლეოპარდ-1“-სა და „ლეოპარდ-2“-ს. საფრანგეთი – უკრაინას დაჰპირდა საბრძოლო დაჯავშნულ მანქანებს AMX-10-ს, რომელთაც ჯავშანისა და ქვემეხის კალიბრის გამო, ხშირად მოიხსენიებენ „ბორბლებიან ტანკებად“. ამბობდნენ, რომ დასავლური ტანკები „დაჯავშნული“ იყო რუსულ პოზიციებზე დაპირებული შეტევისთვის, რომელიც ივნისში უკვე დაიწყო. ამ ტანკების ბრძოლაში მონაწილეობის პირველი კადრები, რუსეთის თავდაცვის სამინისტრომ 6 ივნისს გამოაქვეყნა.
მათზე ასახულია მძიმე ტექნიკის 4 ერთეულისთვის გახსნილი ცეცხლი დონეცკის მიმდებარე ფრონტზე და ერთი ტანკის გაურკვეველი ტანკსაწინააღმდეგო რაკეტით განადგურების პროცესი. ვიდეოჩანაწერი გამოქვეყნდა რუსეთის თავდაცვის უწყების მიერ გაკეთებული ანგარიშიდან მეორე დღეს, როცა ითქვა, წინა ხაზზე 8 „ლეოპარდის“ და 3 AMX-10-ის განადგურების შესახებ. ამასთან აღინიშნა, რომ იმ დღის წარუმატებელი შეტევის შედეგად, უკრაინულმა ძალებმა დაკარგეს 1 500 ჯარისკაცი, 28 ტანკი და 109 სხვა ჯავშანმანქანა. რუსეთის სამთავრობო წყაროები იტყობინებიან, რომ სამდღიანი შეტევის დროს, უკრაინელებმა დაკარგეს 3 715 მებრძოლი, 52 ტანკი, 207 ქვეითთა საბრძოლო მანქანა და სხვა საშუალებები. დანაკარგის მასშტაბი ემთხვევა დასავლური წყაროების მონაცემებს.
თავიდან, გერმანია ევროპულ ქვეყნებს არ აძლევდა უკრაინისთვის „ლეოპარდების“ გადაცემის უფლებას, სავარაუდოდ იმ მოტივით, რომ საბრძოლო მოქმედების დროს შეილახებოდა ტანკის რეპუტაცია და ეს იქნებოდა სერიოზული დარტყმა, მიყენებული გერმანული სამხედრო მრეწველობის საკულტო პროდუქტზე. „ლეოპარდ-2“-ის საბრძოლო გამოცდილება, უკეთესის სურვილს ტოვებს: თურქეთის არმიამ დიდი დანაკარგი ნახა ერაყსა და სირიაში ამბოხებულებთან ბრძოლის დროს. არსებობს იმის შიში, რომ ზიანი გაცილებით დიდი იქნება რუსულ ნაწილებთან შეჯახებისას. გერმანული შეიარაღება, ისე, როგორც იტალიური, არა ერთხელ გამხდარა უკრაინელთა კრიტიკის ობიექტი, მისი დაბალი ხარისხის გამო, თუმცა გაურკვეველია, ეს კრიტიკა გამოითქმოდა უშუალოდ „ლეოპარდების“ მიმართ და მათი სხვა ანალოგებთან (მათ შორის ამერიკულ ტექნიკასთან) შედარების დროს – თუ არა.