ისრაელისგან განსხვავებით, აშშ არ განათავსებს უკრაინის ტერიტორიაზე ჰაერსაწინააღმდეგო სისტემა – THAAD-ს, რადგან ეს ორი სხვადასხვა ომია – პენტაგონი

Цензор.НЕТ  უკრაინა

შეერთებული შტატები არ განათავსებს უკრაინაში რაკეტების დამჭერ საშუალო რადიუსის სისტემა – THAAD-ს, რათა ჩამოაგდოს რუსული რაკეტები და დრონები, როგორც ამას აკეთებს ისრაელში, რადგან რუსეთ-უკრაინის ომი და ომი ახლო აღმოსავლეთში, ერთმანეთისგან განსხვავდება

ამის შესახებ განაცხადა პენტაგონის სპიკერის თანაშემწემ – საბრინა სინგჰმა, იტყობინება Цензор.НЕТ-ი.

უწყების წარმომადგენელმა ხაზგასმით აღნიშნა, რომ აშშ-ს თავდაცვის სამინისტრო და მთავრობა აგრძელებენ ისრაელისა და უკრაინის მხარდაჭერას მათი თავდაცვითი მოთხოვნილებების დასაკმაყოფილებლად.

იმავდროულად, კითხვაზე თუ რატომ გაშალა შტატებმა სისტემა THAAD-ი ისრაელში ირანული ბალისტიკური რაკეტებისგან დასაცავად და რატომ არ კეთდება იგივე უკრაინის მოსაზღვრე ნატოს ქვეყნებში, რომ მოხდეს ამ ქვეყნის დაცვა რუსეთის სარაკეტო თავდასხმებისგან, სინგჰმა აღნიშნა, რომ ეს ორი სხვადასხვა სიტუაციაა.

„ეს სხვადასხვა ომებია, სხვადასხვა რეგიონები და აშშ-ს ვალდებულებებიც ისრაელისა და უკრაინის მიმართ განსხვავებულია“- დასძინა აშშ-ს თავდაცვის უწყების წარმომადგენელმა.