სოლედარში „მძიმე ბრძოლები“ მიმდინარეობს – ყველაზე „სისხლისმღვრელი შეტაკება“

LE FIGARO  საფრანგეთი

ოთხშაბათს უკრაინის პრეზიდენტმა ვლადიმირ ზელენსკიმ  დაადასტურა, რომ მისი არმია სოლედარის გადასარჩენად იბრძვის. რუსული კერძო სამხედრო კომპანია „ვაგნერი“ კი უკვე აცხადებს პრეტენზიას, რომ სწორედ მან შეძლო ამ პატარა ფრონტისპირა ქალაქის აღება

ვლადიმირ ზელენსკი მთელი დღის განმავლობაში ირწმუნებოდა, რომ ქალაქისთვის ბრძოლა „გრძელდება“, ხოლო უკრაინული მხარე „უმკლავდება“ შეტევებს. სოლედარი – მეშახტეების ქალაქია, 10 000 მაცხოვრებლით. ის მნიშვნელოვანი ქალაქის – ბახმუტის გვერდით მდებარეობს, რომელსაც უკრაინელები გააფთრებით იცავენ აგერ უკვე მერამდენე თვეა. ამ ქალაქის აღება მოსკოვს საშუალებას აძლევს, გამოაცხადოს პირველი მნიშვნელოვანი წარმატების შესახებ, მას შემდეგ, რაც სექტემბერში რამდენიმე მარცხი იწვნია, ხოლო „ვაგნერის“ მეთაურ ევგენი პრიგოჟინს სრული საფუძველი ექნება იფიქროს, რომ ბახმუტის აღების შემდეგ, მისი წონა რუსეთის პოლიტიკურ სცენაზე, გაიზრდება.

„მოიერიშე ჯგუფები უკვე ქალაქის შიგნით იბრძვიან“  – იუწყება რუსეთის თავდაცვის სამინისტრო სპეციალურ კომუნიკე. ეს უწყება ასევე აზუსტებს, რომ „საჰაერო-სადესანტო შენაერთების მებრძოლებმა, მოახერხეს სოლედარის ჩრდილოეთ და სამხრეთ ნაწილების ბლოკირება.“ სოლედარი – დონეცკის ოლქში მდებარეობს, მეზობელ ლუგანსკში კი რუსებმა შეკრეს „რკინის მუშტი“ – 30 000 ჯარისკაცის შემადგენლობით, იტყობინება ლუგანსკის ოლქის უკრაინელი „გუბერნატორი“ სერგეი გაიდაი, რომელიც თავის რეგიონს საერთოდ ვერ აკონტროლებს.

იყენებს რა შექმნილ ვითარებას, უკრაინა კიდევ ერთხელ მიმართავს დასავლელ პარტნიორებს თხოვნით, მიაწოდონ შორი მოქმედების შეიარაღება. ეს მიმართვა  პრაქტიკულად ხდება დასავლეთის ლიდერთა მორიგი სამიტის წინ, რომელიც 20 იანვარს არის დანიშნული და ის გაიმართება ავიაბაზა რამშტაინზე (გფრ).

„მხოლოდ შორი რადიუსის რაკეტები, რომლებიც 100 კმ-ზე მეტ მანძილზე მოქმედებს, დაგვეხმარება მნიშვნელოვნად დავაჩქაროთ ჩვენი ტერიტორიების დაბრუნება“ – აცხადებს უკრაინის პრეზიდენტის მრჩეველი –  მიხაილო პოდოლიაკი, რომელიც პირობას დებს, რომ უკრაინა ამ რაკეტებს არ გამოიყენებს რუსეთის ტერიტორიაზე. ჩვენ, ასევე გვჭირდება 250-350 მძიმე ტანკი“- ამბობს ის. თუმცა დასავლური ქვეყნების მთავრობები არ ჩქარობენ დადებითი პასუხის გაცემას. პარიზმა, ლონდონმა, ბერლინმა და ვაშინგტონმა, მხოლოდ მსუბუქი ჯავშანმანქანების მიწოდების განკარგულება გასცეს.