Boulevard Voltaire საფრანგეთი
ჟორჟ მიშელი
ანეს პანიე-რუნაშეს, საფრანგეთის მრეწველობის მინისტრსა და მაკრონის რეჟიმის ამომავალ ვარსკვლავს, პასუხი აქვს ყველა კითხვაზე. აიკრძალოს კერძო თვითმფრინავები პლანეტის გადასარჩენად? რა სისულელეა! ამით, ხომ ვერ გადაიჭრება პრობლემის 99%, განაცხადა მან 30 აგვისტოს არხზე – France Inter-ი. შესაძლოა ასეცაა. ყატარის მსოფლიო ჩემპიონატისთვის ბოიკოტის გამოცხადება? ამაზე არც იფიქროთ! „არ მჯერა, რომ მსოფლიო ჩემპიონატის ბოიკოტი, გადაჭრის სითბური გაზის ნარჩენების საკითხს“ – თქვა მან 11 სექტემბერს პროგრამაში – „დიდი ჟიური- RTL-Figaro-LCI“-ი
„ამას გარდა, 2010 წელს, როცა გადაწყდა ფეხბურთის მსოფლიო ჩემპიონატი ამ მშვენიერ ქვეყანაში ჩატარებულიყო, ჩვენ სხვა კლიმატურ სიტუაციაში“ ვიმყოფებოდით, გვამცნო მან, ვინც თავის არგუმენტებს მეცნიერებასა და ექსპერტებზე აფუძნებს და ამას იმეორებს ინტერვიუდან ინტერვიუმდე. არც მეტი, არც ნაკლები! 2002 წელს ჟაკ შირაკმა თქვა: ჩვენი სახლი იწვის, ჩვენ კი სხვებისკენ ვიყურებითო. ესეც სხვა კლიმატური გარემოა? ეს არგუმენტი ჰგავს იმას, რაც ფასენჰაიმის ატომური სადგურის დახურვის დროს ითქვა: „გადაწყვეტილება მიღებულია სხვების მიერ, თოფიდან უკვე გაისროლეს, იცით რა.. თანაც უნდა გვესმოდეს, რომ „არის ბრძანებულებები, რომლებიც წლების განმავლობაში მუშავდება“ – ასე დელიკატურად აგვიხსნა მაშინ პანიე-რუნაშემ, რომელსაც სპორტული ჟინის ნაკლებობას ნამდვილად ვერ დასწამებ. რაც შეეხება ადამიანის უფლებებს: ვითარება, როდესაც ათასობით ადამიანი მუშაობდა მშენებლობაზე და სხვა ამგვარი.. ესეც სხვა სიტუაციით აიხსნება? აშკარაა, რომ საქმე სხვა რამეშია. „ეს რთული საკითხია,“ ასე განმარტა ოლაფ ვერანმა გასულ კვირაში – RTL-ზე. 27 სექტემბერს ანეს პანიე-რუანშე მიიწვიეს პროგრამაში – Europe1. უნაკლო ორგანიზაცია, მზადყოფნა ყველა კითხვაზე პასუხის გაცემისა, თანაც მეცნიერებაზე და ექსპერტებზე დაყდნობით. ანეს პანიე-რუნაშემ კაბელივით დახლართა თავისი აზრები. აი, ეს მესმის! მაგრამ ინტერვიუს ბოლოს, პროგრამის წამყვანმა წამოჭრა თემა, რომელსაც მინისტრი უნდა დაებნია – სომხეთი, საკითხი, რომელსაც „ჩვენი პრინციპებიდან და მოთხოვნებიდან გამომდინარე“ ყური უნდა ვუგდოთ და თვალიც უნდა მივადევნოთ, თანაც საინტერესო იყო, როგორ დაიძვრენდა თავს მინისტრი ამ საჩოთირო სიტუაციიდან. „ჩვენ შემოვიღეთ სანქციები რუსეთის წინააღმდეგ – მისი უკრაინაში შეჭრის გამო, ამდენად უნდა მოვიძიოთ რუსული გაზის ალტერნატივა. ევროპა თავს ვერ მოიკლავს, რომ მან აზერბაიჯანი აირჩია, რომელიც ფეხს იწმენდს სომხეთის სუვერენიტეტზე“. სამწუხაროდ ასეა.
მცირე პაუზის შემდეგ, პანიემ ფრთები გაშალა: „მას ასე, ევროპამ ეს ქმედება გაკიცხა, ის მკაფიოდ იცავს თავის პრინციპებს“… წამყვანი სტუმარს სიტყვას აწყვეტინებს: „კი, მაგრამ ევროპის პოზიცია გაზის საკითხში გაუგებარია“ ამ დროს რუანშემ მისი ვერბალური მანქანა მესამე სიჩქარეში „ჩააგდო“. „სამაგიეროდ ევროპას აქვს მკაფიო პოზიცია ადამიანის უფლებებთან დაკავშირებით. ეს ერთადერთი კონტინენენტია, სადაც ამ უფლებებისთვის ბრძოლა არასდროს შეწყვეტილა. ეს არის გამონაკლისი კონტინენტი, რომელიც საკუთარ თავზე იღებს პასუხისმგებლობას და ეს ითქმის, არა მარტო რუსეთში არსებულ მდგომარეობაზე. ამაშია ჩვენი ძალა. ვამაყობ, რომ ვარ მთავრობაში, რომელიც იცავს ევროპასა და იმ პრინციპებს, რომლებიც აუცილებელია ჩვენი დემოკრატიისთვის.“
გაზს კი მაინც აზერბაიჯანისგან ვყიდულობთ. ინტერვიუს დასასრული.