THE TIMES დიდი ბრიტანეთი
როდ ლიდლი
ვცდილობ, გამოვიყვანო – რაიმე მათემატიკური ფორმულა, რომლითაც გამოვთვლი, თუ რამდენად წარმატებულია რუსეთის სამხედრო მოქმედებები უკრაინაში. ამისთვის ვიღებ დუიმს, როგორც ერთეულს, რომლითაც გაიზომება თქვენი ყოველდღიური გაზეთის ვებსაიტი, სადაც მოცემულია ყველა სტატია რუსული სამხედრო ოპერაციის შესახებ. ასეთი დასკვნა გამოვიტანე: თუ მათი მოცულობა 5 დუიმს აღემატება, მაშინ რუსებს საქმე კარგად მისდით. გასულ კვირაში, ამ მაჩვენებელმა 12 დუიმი შეადგინა გაზეთ MAIL ONLINE-ის საიტზე.
თუ ლაპარაკია 10 და მეტ დუიმზე, ეს ნიშნავს, რომ რუსებმა ხელთ იგდეს რომელიმე ქალაქი, მაგრამ ეს ფორმულა რთულდება ერთი მიზეზით: რაც მეტია რუსების წარმატება, მით მეტი ადგილი ეთმობა მედიაში წარმოსახვით „მხეცობებს რუსეთის არმიის მხრიდან“. ასეთი ცნობებით გამსჭვალულია TOP-პუბლიკაციების სათაურები და ამით მახინჯდება მიმდინარე ომის რეალური სურათი.
უფრო ზუსტი მეთოდი – თუ როგორ დავადგინო, ვისკენ იხრება ამ კონფლიქტში გამარჯვების სასწორი, მე ვერ მოვიფიქრე. დროგამოშვებით „გამოგვიგორებენ“ რამდენიმე დასავლელ ექსპერტს, რომელთა მიზანია, დაგვარწმუნონ, რომ რუსული არმია ცუდადაა მომზადებული და არა აქვს დისციპლინა, მისი ტაქტიკა კი არქაულია… და რომ მისი სამეთაურო პუნქტები ზედიზედ ნადგურდება ძლევამოსილი, დემოკრატიული, მშვიდობისმოყვარე უკრაინელი არტილერისტების მიერ. შემდეგ შთაგვაგონებენ, რომ ამგვარ ფიასკოს უმალავენ რუს ხალხს, რომელსაც უბრალოდ არ ეუბნებიან სიმართლეს.
უბედურება ისაა, რომ სიმართლეს, არც ჩვენ გვეუბნებიან. უკრაინელი პოლიტიკოსების ნებისმიერი განცხადება, რაგინდ უაზრო არ უნდა იყოს იგი (მაგალითად ასეთი: პუტინი ახლახან გადაურჩა გადატრიალების მორიგ მცდელობას), ცდილობენ შემოგვასაღონ სრულ ჭეშმარიტებად, ისე, როგორც ის – რამდენი ჯარისკაცი იღუპება ბრძოლის ველზე ორივე მხრიდან. უკრაინელების უმნიშვნელო გამარჯვებას, ხელოვნურად ეთმობა უზარმაზარი დრო, ხოლო რუსების მსხვილი გამარჯვებები, მოკრძალებულად გადმოიცემა, თუ რა თქმა უნდა ამ შეტევის დროს, მათ არ „ააფეთქეს საბავშვო ბაღი“.