თეთრი სახლი განიხილავს სამმხრივ შეთანხმებას, გამანადგურებლების მიწოდების შესახებ

POLITICO აშშ

ალექსანდერ უორდი, პოლ მაქლიარი

                           მოგვიანებით, თეთრმა სახლმა მოუწოდა დასავლეთის ქვეყნებს, შეუერთდნენ მორიგ სანქციებს რუსეთის წინააღმდეგ და დასძინა: „აგრესორის თავხედობა მკაფიო სიგნალია“ იმის შესახებ, რომ არსებული სანქციები არ კმარა.

 ომმა, რომელიც მეთორმეტე დღეა გრძელდება, მილიონნახევარი ადამიანი აიძულა დაეტოვებინა სამშობლო. გაეროს დევნილთა საქმეების სააგენტოს ხელმძღვანელმა შექმნილ ვითარებას, უწოდა „ყველაზე მზარდი დევნილთა კრიზისი ევროპაში, II მსოფლიო ომის შემდეგ“

აშშ-ს თავდაცვის უწყების მაღალი რანგის მოხელემ განაცხადა, რომ ვაშინგტონის შეფასებით, უკრაინის გარშემო განლაგებული რუსული ძალების 95%-მა უკვე შეაღწია ამ ქვეყანაში. ამ ჩინოვნიკის თქმით, რუსული ნაწილები აგრძელებენ შეტევას კიევის, ხარკოვისა და ჩერნიგოვის იზოლირების მიზნით, მაგრამ აწყდებიან უკრაინელთა გააფთრებულ წინააღმდეგობას.

მოხელემ, რომელმაც ანონიმად დარჩენა მოისურვა, არსებული ვითარების შეფასებისას განაცხადა, რომ კიევის მიმდებარედ განლაგებული კოლონა ჩიხშია მოქცეული.

როგორც ადრე, ახლაც, კვირას, თურქეთის პრეზიდენტ ერდოღანთან შეხვედრაზე, პუტინმა ომში უკრაინა დაადანაშაულა და განაცხადა, რომ საომარი მოქმედების დასასრულებლად, კიევმა უნდა შეასრულოს „ რუსეთის საყოველთაოდ გაცხადებული მოთხოვნები“.

პუტინმა უკრაინაში შეჭრის მიზეზად ცრუ ბრალდებები გამოიყენა, კერძოდ ის, რომ ამ ქვეყანას მართავენ ნეონაცისტები, რომელთაც, ბირთვული იარაღის შექმნით, სურთ ძირი გამოუთხარონ რუსეთს.

რუსეთის თავდაცვის უწყებამ კვირას განაცხადა, რომ მისი არმია აპირებს, ამ ქვეყნის სამხედრო-სამრეწველო კომპლექსზე, მაღალი სიზუსტის იარაღით იერიშის მიტანას. სამინისტროს წარმომადგენელმა იგორ კონაშენკოვმა თქვა, რომ უკრაინული პერსონალი დაკავებულია დაზიანებული სამხედრო ტექნიკის შეკეთებით, რათა ის ბროლაში ჩააბას.

ზელენსკიმ გააკრიტიკა დასავლეთის ლიდერები იმის გამო, რომ მათ არ ჰქონდათ რეაქცია რუსეთის ბოლო მუქარაზე.

„არ მსმენია, რომ მსოფლიოს თუნდაც ერთი ლიდერი გამოეხმაურებოდა ამ ფაქტს“ – თქვა ზელესკიმ კვირა საღამოს.

რუსეთის თავდაცვის სამინისტრომ, შესაბამისი დასაბუთების გარეშე, განაცხადა, რომ უკრაინელ სამხედროებს განზრახული აქვთ ექსპერიმენტული ბირთვული რეაქტორის აფეთქება და ამის მიზეზად – რუსეთის სარაკეტო იერიშის დასახელება.