The Times დიდი ბრიტანეთი
ბორის ჯონსონი – დიდი ბრიტანეთის პრემიერ-მინისტრი
თუ შეხვალთ სოფიის ტაძრის ოქროცურვილი გუმბათებით შემოსილ წინკარში, აღმოჩნდებით თეთრი გრანიტით მოპირკეთებულ ნეფში და შენიშნავთ მოცისფრო-ჟანგისფერ მოზაიკებს, რომელთაც ათასწლოვანი ისტორიის პირობაზე, ფერი თითქმის არ შეცვლია
მოგვიანებით იგებთ, რომ ტაძარი XI საუკუნეში აიგო და მონღოლთა შემოსევასაც კი გადაურჩა და ფიქრი გეძალება: როგორ მოხდა, რომ 2022 წელს, ახლა უკვე სხვა მტერია მომდგარი უკრაინის საზღვრებთან.
გასულ კვირაში, მე მოვინახულე კიევი და ქალაქი უფრო გამოცოცხლებული მეჩვენა, ვიდრე ის იყო ჩემი ბოლო ვიზიტის დროს – ხუთი წლის წინ. მიუხედავად იმისა, რომ უკრაინიდან ერთი ხელის გაწვდენაზე 130 ათასი რუსი ჯარისკაცი დგას.
დიდი ბრიტანეთის საგარეო ძალისხმევის უპირველესი ამოცანაა მოკავშირეების მხარდაჭერა და შეკავება-დიალოგის კომბინირებული წარმართვა, რათა მიიღწეს კრიზისის დეესკალაცია და თავიდან ავიცილოთ კატასტროფა – რუსეთის მორიგი შეჭრა უკრაინაში. სამხედრო მანქანა, რომელიც პუტინმა მიაყენა უკრაინას, აღემატება წინამორბედს, რომელმაც მიიტაცა ყირიმი და მოახდინა ომის პროვოცირება უკრაინის აღმოსავლეთში. ჩვენ ვართ მომსწრე ყველაზე დიდი შეიარაღებული ძალების კონცენტრაციისა ევროპაში, ცივი ომიდან მოყოლებული და ეს მოწმობს ჩვენი ამოცანის დაუყოვნებლივ გადაჭრის აუცილებლობას.