Главред უკრაინა
საზღვართან არსებული სიტუაციის დეესკალაციისთვის, რუსეთმა გაცილებით მეტი მოქნილობა უნდა გამოიჩინოს, ვიდრე უკრაინამ, განაცხადა ნატოს გენმდივანმა იენს სტოლტენბერგმა CBC News-თან ინტერვიუში, კვირას, 16 იანვარს
ჟურნალისტის კითხვაზე, ვალდებულია თუ არა უკრაინის მთავრობის მეთაური, პრეზიდენტი ვლადიმირ ზელენსკი, გააკეთოს უფრო მეტი მინსკის შეთანხმების ფარგლებში, იმისთვის, რომ ევროპამ თავიდან აიცილოს ახალი ომი, სტოლტენბერმა ასე უპასუხა:
„ აგრესორი არის რუსეთი. მოლოდინი იმისა, რომ აგრესიის მსხვერპლმა უნდა მოახდინოს ესკალაციის შემცირება, უცნაურად, ყველაფრის თავდაყირა წარმოდგენას ნიშნავს.“
ამასთან, ნატო კვლავინდებურად მზადაა, დაჯდეს და მოისმინოს, თუ რა აშინებს რუსეთს, აღნიშნა ალიანსის გენმდივანმა.
„დიალოგი, საუბარი, მოლაპარაკება – ეს არ არის სისუსტის ნიშანი, ეს ძლიერების გამოხატულებაა“ – თქვა სტოლტენბერგმა.
…მაგრამ უკრაინის ტერიტორიაზე უფრო ღრმად შეჭრა, იქნება „დიდი სტრატეგიული შეცდომა რუსეთისთვის“, რისთვისაც მას მოუწევს დიდი სისხლის გაღება, განაცხადა ნატოს მეთაურმა.
„უკრაინის შეიარაღებული ძალები, ახლა უკეთ მომზადებული და აღჭურვილია, ვიდრე ის იყო 2014 წელს, როცა რუსეთმა პირველი შეჭრა განახორციელა.“
რუსეთის ულტიმატუმი
რუსეთმა, შუა დეკემბერში, აშშ-ს გადასცა პროექტები: „ხელშეკრულება უსაფრთხოების გარანტიების შესახებ“ და „შეთანხმება უსაფრთხოების უზრუნველყოფის ზომების შესახებ“ – რუსეთსა და ნატოს წევრ-სახელმწიფოებს შორის. რუსებმა მოითხოვეს იმ ქვეყნების არ დაშვება ალიანსში, რომლებიც ადრე სსრკ-ს შემადგენლობაში ირიცხებოდნენ, მათ შორისაა უკრაინა.
რუსეთის ფედერაცია, ასევე ელოდა დაუყოვნებლივ პასუხს აშშ-სგან ამ საკითხის შესახებ და ვარაუდობდა, რომ ვაშინგტონი შეეცდებოდა, ამ პროცესის გაჭიანურებას