The Guardian დიდი ბრიტანეთი
უკრაინა დაეთანხმა აშშ-ს წინადადებას 30-დღიანი დაზავებისა და მყარი მშვიდობის აღდგენისათვის გადასადგმელ ნაბიჯებზე
ეს შეთანხმება შეიძლება გაგრძელდეს მხარეთა ერთობლივი გადაწყვეტილებით. აშშ აცნობებს რუსეთს, რომ ახლა მოსკოვის საპასუხო ქმედებაზეა დამოკიდებული – დამყარდება თუ არა მშვიდობა.
აშშ „განაახლებს სადაზვერვო ინფორმაციისა და სამხედრო დახმარების მიწოდებას უკრაინისთვის“ – ნათქვამია დოკუმენტში.
ტრამპის ადმინისტრაციამ აიღო ვალდებულება, განიხილოს ეს წინადადებები რუსეთთან, უკრაინულმა დელეგაციამ კი განაცხადა, რომ სამშვიდობო პროცესში უნდა ჩაერთონ ევროპელი პარტნიორები.
სახელმწიფო მდივანმა – მარკო რუბიომ გვამცნო: დონალდ ტრამპს სურდა, რომ „ ომი ჯერ კიდევ გუშინ დამთავრებულიყო.“ „აშშ-ს პრეზიდენტი იმედოვნებს, რომ რუსეთი დაეთანხმება ცეცხლის შეწყვეტას, თანაც „რაც შეიძლება სწრაფად.“
რუბიომ დაამატა, რომ გარიგება აშშ-სა და უკრაინას შორის მინერალურ რესურსებზე, „არ ყოფილა მსჯელობის საგანი.“
ზელენსკიმ მოუწოდა ვაშინგტონს, რომ მან დაარწმუნოს მოსკოვი – გაიზიაროს ეს წინადადება და აღნიშნა: ამ დღის „მთავარი თემა“ იყო „ამერიკის მზაობა, განაახლოს უკრაინის სამხედრო დახმარება.“ უკრაინის პრეზიდენტმა დასძინა: „უკრაინა მზადააა მშვიდობისთვის. რუსეთმა უნდა დაგვანახოს, რომ მას სურს კონფლიქტის დასრულება, ან ის, რომ აპირებს ომის გაგრძელებას. დადგა სიმართლის გაცხადების ჟამი.“
უკრაინის პრეზიდენტის ოფისის მეთაური – ანდრეი ერმაკი, რომელიც საუდის არაბეთში გამართული მოლაპარაკების უშუალო მონაწილეა, ასევე გამოვიდა განცხადებით შეხვედრის შედეგების შესახებ: „უკრაინის ინტერესების დაცვა, ჩვენთვის უმთავრესია“ – დაწერა ერმაკმა სოცქსელ X-ში – სამართლიანი მსოფლიო – ეს არის ამოსავალი ჩვენთვის. ჩვენ გვსურს მტკიცე მშვიდობა. მადლობას გიხდით კონსტრუქციული შეხვედრისთვის.“