FOX NEWS აშშ
ინფლაცია იზრდება უფრო სწრაფად, ვიდრე ამას პროგნოზირებდნენ და გასულ თვეში, მან ბოლო 40 წლის მაქსიმუმს მიაღწია. ამერიკელები ირწმუნებიან: მომავალში – უარესი იქნება. ბევრი, ეკონომიკურ პრობლემებში – თეთრ სახლს ადანაშაულებს
გასულ კვირას, კომპანია Kingsview Wealth Management-ის საინვესტიციო ქვეგანყოფილების ხელმძღვანელმა – სქოთ მარტინმა განაცხადა, რომ ამერიკული ეკონომიკის მდგომარეობა – „საშინელია“, რადგან ინფლაციის ორმოცწლიანი რეკორდი გადაილახა.
FOX news live-ის პროგრამაში, მარტინმა კომენტარი გააკეთა ტელეკომპანიის მიერ ჩატარებულ გამოკითხვაზე, რომელმაც აჩვენა, რომ პრაქტიკულად ყველა ამომრჩეველი, შეშფოთებულია ინფლაციის ტემპით და ამერიკელთა უმეტესობა, ნეგატიურად აფასებს ქვეყნის ეკონომიკის მდგომარეობას. ამას გარდა, დიდი ნაწილი ფიქრობს, რომ მომავალ წელს სიტუაცია კიდევ უფრო გაუარესდება.
რესპონდენტების მხოლოდ 17% აფასებს მდგომარეობას დადებითად, რაც ბოლო ათწლეულის ყველაზე დაბალი მაჩვენებელია. 84%-მა თქვა, რომ ახლა ეკონომიკა მეტ-ნაკლებად ასატან ან ცუდ მდგომარეობაშია, ხოლო გამოკითხულთა 52% მიიჩნევს, რომ მომავალ წელს – სიტუაცია გაუარესდება. 1998 წლის შემდეგ, ეს პირველი შემთხვევაა, როცა გამოკითხვის მონაწილე ამერიკელების ნახევარზე მეტი ამბობს, რომ ერთი წლის შემდეგ, ეკონომიკის მდგომარეობა – კიდევ უფრო დამძიმდება.
ამასთან, რესპონდენტების 52% აღიარებს, რომ შეცვალა საზაფხულო გეგმები ბენზინზე ფასების ზრდის გამო. 70%-მა შეამცირა ხარჯი, რათა შეიძინოს პირველადი მოხმარების პროდუქცია, ხოლო 75%-მა თქვა, რომ ინფლაციის გამო, შეექმნა ფინანსური სიძნელეები – გასული წლის დეკემბერში იგივეს- 67% ამბობდა.
ბევრი, ეკონომიკის პრობლემებში თეთრ სახლს ადანაშაულებს. 55% ამბობს, რომ სწორედ ბაიდენის ადმინისტრაციამ მოახდინა ქვეყნის ეკონომიკაში ნეგატიური პროცესების პროვოცირება. ამომრჩეველი, რომელიც ბენზინზე ფასების მატებას ბაიდენს აბრალებს – 31%-ია. ეს მაჩვენებელი აღემატება მათსას, ვინც ამაში რუსეთს (20%) და ნავთობკომპანიებს (14%) ადანაშაულებს. მარტინის თქმით, „ეს ციფრები გაიზრდება, რადგან ზოგიერთი ეკონომიკური მაჩვენებელი და ინფლაციის მონაცემი – უარესდება“.