Цензор.НЕТ. უკრაინა
იური ბუტუსოვი
ახლა უკვე ცხადია, პუტინის სპეცოპერაციის მთავარი მიზანი: უკრაინის ხელისუფლების იძულება – დათანხმდეს უპირობო კაპიტულაციას
ამით კომპლექსურად გადაწყდებოდა რამდენიმე პრობლემა:
- უკრაინა – ნებაყოფლობით იტყოდა უარს დონბასსა და ყირიმზე
- ის დათანხმდებოდა რუსეთის ფედერაციისთვის ყველა სანქციის მოხსნას
- დამყარდებოდა მარიონეტული პრორუსული ხელისუფლება
აქედან მომდინარეობს რუსეთის ფედერაციის შეიარაღებული ძალების ტაქტიკაც:
- სამხედრო ინფრასტუქტურის ობიექტების წერტილოვანი ლიკვიდაცია, რაც შესაძლებლად აქცევს ორგანიზებული წინააღმდეგობის ჩახშობას.
- კიევისა და სხვა დიდი ქალაქების ალყაში მოქცევა და უკრაინული ძალების მხრიდან, მათი წინაღმდეგობის გარეშე მიტოვება
- უკრაინის ხელისუფლებისა და თავდაცვის ძალების დემორალიზაცია და დეზორგანიზაცია.
- ორმხრივი დანაკარგის მინიმიზაცია – სწრაფი და მოულოდნელი ქმედებების შედეგად.
რუსეთი ბატონობს ჰაერში და შეუძლია ქალაქების, წინააღმდეგობის კერების კრიტიკულად დაზიანება. მაგრამ ამას მოჰყვება სრული ნგრევა, მასობრივი მსხვერპლი შეიარაღებულ ძალებსა და მოსახლეობაში. აი, მაშინ, კაპიტულაციაზე ხელის მომწერიც არავინ დარჩება. ამდენად, პუტინს უკრაინელები მძევლის სახით სჭირდება.
თუ რუსეთი სრული განადგურების ოპერაციას დაიწყებს, ამას მოჰყვება ათასობით მსხვერპლი და მილიონობით დევნილი, ასეთი გამარჯვება კი პუტინის პოლიტიკური მიზნების რეალიზაციას, შეუძლებელს ხდის.
პუტინმა ვერ გათვალა მთავარი – ხელისუფლება კი არ იცავს სახელმწიფოს, უკრაინის სახელმწიფოებრიობას იცავს ხალხი. თავისუფალი ადამიანები მზად არიან დაიცვან თავისი ქვეყანა ყოველგვარი მითითების გარეშე, მტრის აბსოლუტური უპირატესობის პირობებშიც.
მთელი უკრაინა იქცა შეიარაღებულ მაიდნად… და არავითარ კომპრომისს აგრესორთან, ეს მაიდანი არ დაუშვებს.
უკრაინელი ხალხი და მის მიერ არჩეული ხელისუფლება, კაპიტულაციაზე ვერ წავა, ამიტომ პუტინის უკრაინული ავანტიურა, მისივე რეჟიმის საფლავის ქვად იქცევა.
პუტინის ბლიცკრიგი ჩაფლავდა. ხალხი ოკუპანტებს არ ხვდება დროშებით. ადამიანები ეძებენ ნებისმიერ იარაღს, რომ თუნდაც ერთი ოკუპანტი მოკლან.
უკრაინის წინააღმდეგობის ყოველი დღე, პუტინისა და რუსეთის საერთაშორისო გავლენის დასუსტებაა. პუტინის სპეცოპერაციის მიზანი განუხორციელებელია და ამ ომში რუსეთს გამარჯვების შანსი აღარ დარჩა. თუ უკრაინას გაანადგურებს, პუტინს სანქციებს არავინ მოუხსნის, პირიქით, ისინი კიდევ უფრო გამკაცრდება – რუსეთის სრულ ბლოკირებამდე. პოლიტიკურად გადაწყვეტის გარეშე კი სამხედრო კამპანია აზრს კარგავს.
მთელმა ცივილიზებულმა სამყარომ, რუსეთს ზურგი აქცია. რუსეთი ყალიბდება ქვეყნად, რომელიც ეზიზღებათ, ხოლო რუსეთის მოქალაქე კი თანამონაწილედ პუტინის დანაშაულებებისა. რუსეთი – ეს უკვე სამარცხვინო იარლიყია.
უკრაინა იბრძოლებს გამარჯვებამდე, რადგან უკრაინელები, ჩვენ სამშობლოს ვერაფერზე გავცვლით, უკრაინა – ამ ქვეყნად ერთადერთია.