იაროსლავ რომანჩუკი – უკრაინის ეკონომიკური ლიდერობის ინსტიტუტის ანალიტიკოსი
2021 წლის მონაცემებით, რუსეთის ეკონომიკა (მშპ) შეადგენდა 130,8 ტრილიონ რუსულ რუბლს. საშუალოწლიური კურსით, ეს 1 770 მილიარდი დოლარია, ანუ 12 000 დოლარი ერთ სულ მოსახლეზე.
2022 წლის 24 თებერვალს, რუსეთმა სისხლისმღვრელი ომი წამოიწყო. ის მუხანათურად დაესხა თავს უკრაინას. ომის დაწყებიდან გასულია 4 დღე. რუსეთმა უკვე დაკარგა 4 000 ჯარისკაცი. განადგურებული ტექნიკის ღირებულება რამდენიმე ასეული მილიონი დოლარია. ახლა ვნახოთ, რა დაემართა რუსეთის ეკონომიკას
2022 წლის 27 თებერვლის მდგომარეობით, რუსული რუბლის კურსი შეადგენდა 153 რუბლს – 1 დოლარზე, მაშინ, როცა დეკემბერში ერთი დოლარი 73.7 რუბლი ღირდა. რუსეთის ეკონომიკა შეიკუმშა, დაიფუშა 855 მილიარდამდე. სამხედრო აგრესია უკრაინის წინააღმდეგ, რუსეთს უკვე დაუჯდა 915 მილიარდის დაკარგვად. ომის დაწყებიდან 1 კვირაც არ არის გასული და მისმა წამომწყებმა, აგრესორმა უკვე დაკარგა თითქმის ტრილიონი დოლარი. თუ გავითვალისწინებთ აქტივების, უძრავი ქონების, მიწის, დანაზოგების გაუფასურებას, ასევე საკრედიტო ბაზარსა და გადახდის სისტემებზე ხელმისაწვდომობის კლებას, მაშინ ზარალი 3 ტრილიონ დოლარს აღემატება.
2021 წელს, რუსეთის მოქალაქის საშუალო შემოსავალი 12 000 დოლარი იყო. რუსეთ-უკრაინის ომიდან 4 დღეში, მისი შემოსავალი 5 850 დოლარია – თითოეული მოქალაქის ზარალი 6 150 დოლარს შეადგენს. ახლა დოლარის ოფიციალური კურსი – 84 რუბლია, მაგრამ ვალუტის ღია ბაზრებზე – 1 დოლარს 153 რუბლად გთავაზობენ. თუნდაც 1:120-ზე იყოს, რუსების დანაკარგი გიგანტური გამოდის.
მაშინ ვისთვის და რისთვის იბრძვის პუტინი? რუსების კეთილდღეობისთვის? თავად ხედავთ, დანაკარგი უბრალოდ შემაძრწუნებელია. თანაც, ეს მხოლოდ დასაწყისია. ჩვეულებრივი მოქალაქისთვის ვალუტა აღარ იარსებებს. არც საზღვარგარეთ წასვლა მოხერხდება. აღარ იქნება ჩვეულებრივი საფინანსო მომსახურება და სამომხმარებლო საქონელი. ინტერნეტი კასტრირებულია. ოფიციალური იდეოლოგია – პრეზიდენტისთვის ფეხის აწყობაა, კიდევ ლოიალურობის სავალდებულო რიტუალები. წერტილი.
ნამყოფი ხართ ჩრდილოეთ კორეაში? ალბათ არა. იქ გაცილებით მეტი სიუხვეა. უფრო მეტი კონტრაბანდაა, განსაკუთრებით დიდ ქალაქებში, უფრო ხელმისაწვდომია – „საზღვარგარეთი“, განსაკუთრებით ნომენკლატურულ-ძალოვანი ოჯახების წევრებისთვისა და მათი მეგობრებისთვის. რუსეთში სკოლები მალე გარდაიქმნება იდეოლოგიური ზომბირების ცენტრებად. სავადმყოფოები დარჩება, ოღონდ დაფინანსების გარეშე და იქ ვერაფრით დაგეხმარებიან.
ესაა ცივილიზაციური არჩევანი. ესაა ფეოდალური/ცარისტული არჩევანი 2020-30 წლებისთვის. ამისთვის წამოიწყო რუსეთმა ომი უკრაინაში?