Главред უკრაინა
აშშ-ს სახელმწიფო დეპარტამენტმა მოუწოდა თავის მოქალაქეებს, კორონავირუსისა და რუსეთიდან არსებული საფრთხის ფონზე, თავი შეიკავონ უკრაინაში გამგზავრებისგან
„აშშ-ს მოქალაქეებს უფლება აქვთ იცოდნენ, რომ რუსეთი აპირებს მიმართოს მნიშვნელოვან სამხედრო ქმედებებს უკრაინის წინააღმდეგ“- ნათქვამია განცხადებაში.
„სახელმწიფო დეპარტამენტი კვლავ მოუწოდებს აშშ-ს მოქალაქეებს, არ გაემგზავრონ უკრაინაში, გადახედონ თავისი ვიზიტის გეგმას კოვიდ-19-ისა და რუსეთიდან მომდინარე საფრთხის გათვალისწინებით, ყურადღება მიაქციონ დანაშაულისა და სამოქალაქო უწესრიგობების რისკს. ზოგიერთ რეგიონში ეს რისკები გაზრდილია“- ნათქვამია შეტყობინებაში.
ამას გარდა, უწყება აცხადებს, რომ ვითარება უკრაინის საზღვრების გასწვრივ, რუსეთის მიერ ოკუპირებულ ყირიმსა და რუსეთის კონტროლირებად აღმოსავლეთ რეგიონებში, არაპროგნეზირებადია და მისი გამწვავება, შეიძლება ნებისმიერ წუთს მოხდეს.
„აშშ-ს მოქალაქეებმა, რომლებმაც გადაწყვიტეს უკრაინაში გამგზავრება, უნდა იცოდნენ, რომ რუსეთის სამხედრო მოქმედებებს, ნებისმიერ წერტილში შეუძლია დააბრკოლოს აშშ-ს საელჩოს მხრიდან საკონსულო მომსახურება, მათ შორის, აშშ-ს მოქალაქეების ქვეყნიდან გაყვანა“ – აღნიშნავს აშშ-ს დეპარტამენტი
რუსეთის მოსალოდნელი შეჭრა უკრაინაში
20 ნოემბერს გასაჯაროვდა აშშ-ს დაზვერვის მონაცემები, უკრაინაში რუსეთის მოსალოდნელი შეჭრის შესახებ. კრემლი არ არის ბლეფით დაკავებული და სულ ცოტა დრო რჩება საიმისოდ, რათა აღიკვეთოს უკრაინაზე თავდასხმა“ – წერდა გამოცემა The New York Times-ი.
ამერიკულმა გამოცემებმა The Washington Post-მა და Politico-მ გამოაქვეყნეს მასალები, რომლებშიც ლაპარაკია რუსეთის ფედერაციის ძალების კონცენტრაციაზე უკრაინის საზღვრებთან. თავისი არგუმენტების გასამყარებლად, მათ წარმოადგინეს თანამგზავრული ფოტოები რუსული ჯარების გადაადგილების შესახებ.
სახელმწიფო დეპარტამენტის სპიკერმა ნედ პრაისმა განაცხადა, რომ შტატები ემზადება „გაუთვალისწინებელი ვითარებისთვის“ – რუსული ჯარების უკრაინის საზღვრებთან თავმოყრის გათვალისწინებით.
ნატოს გენერალურმა მდივანმა იენს სტოლტენბერგმა განაცხადა, რომ თუ რუსეთი შეიჭრება უკრაინაში, ამას მისთვის მძიმე შედეგები მოჰყვება, მაგრამ სამხედრო მხარდაჭერას ალიანსი კიევს არ აღმოუჩენს.