იაპონიის ზღვაში სარაკეტო სროლებით – რუსებმა „კბილი მოუსინჯეს“ კისიდას

                       იაპონური მედია ხმაურიან კომენტარებს უძღვნის 11  ოქტომბერს რუსეთის წყნარი ოკეანის ფლოტის ესკადრის სწავლებებს იაპონიის ზღვაში, რომელიც სარაკეტო სროლების თანხლებით მიმდინარეობდა

პროსახელისუფლებო გაზეთი „სანკეი სიმბუნი“ თავის სტატიაში („ რუსეთი ხელმეორედ ატარებს სამხედრო-საზღვაო მანევრებს იაპონიის ზღვაში და ამით „კბილს უსინჯავს“ პრემიერ კისიდას ახალ მთავრობას“) წერს: „რუსეთის თავდაცვის სამინისტროს ცნობით, 11 ოქტომბერს, რუსეთის წყნარი ოკეანის ფლოტის გაერთიანებულმა ხომალდებმა, იაპონიის ზღვაში ჩაატარა სამხედრო-საზღვაო სწავლება პრაქტიკული სარაკეტო სროლებით. ეს უკვე მეორე სწავლებაა ოქტომბერში – პირველი გაიმართა 5 რიცხვში. მასშტაბურობით, ეს სწავლება აღემატება წინამორბედს. ამგვარად, სამხედრო ღონისძიებები იაპონიის ზღვაში – პერმანენტულ ხასიათს იძენს.

მართალია, რუსეთის ხელისუფლება ირწმუნება, რომ ეს სწავლებები არის ნაწილი მებრძოლებს შორის ჩატარებული სასწავლო-საბრძოლო სამუშაოს შედეგთა შეჯამებისა, მაგრამ იაპონიაში ამ საკითხზე მსჯელობისას, ამოდიან იმ დებულებიდან, რომ რუსები მიზნად ისახავენ იმის ინიცირებასა და შემოწმებას, თუ რა  რეაქცია ექნება მოსკოვის ამ ქმედებებზე  ახლადარჩეულ პრემიერ ფუმიო კისიდას ადმინისტრაციას.“

გაზეთი მიუთითებს, რომ ამ ჯერზე რუსეთის თავდაცვის უწყებას არ გაუმჟღავნებია იმ მონაკვეთის კოორდინატები, სადაც სარაკეტო სროლები იმართებოდა. ცნობილია, მხოლოდ ის, რომ ეს ხდებოდა ბანკ „იამოტო-ტაის“ თევზრეწვისათვის მნიშვნელოვან არეალთან ახლოს, რომელიც იაპონიის სპეციალურ ეკონომიკურ ზონაში შედის.

„სენკეი“ იტყობინება, რომ ბოლო სწავლებაში მონაწილეობას იღებდა რუსეთის წყნარი ოკეანის ფლოტის 12 საბრძოლო ხომალდი, სარაკეტო კრეისერ – „ვარიაგის“ და დიდი ხომალდსაწინააღმდეგო გემის – „ადმირალ ტრიბუცის მეთაურობით.

რუსეთის წყნარი ოკეანის ფლოტის პრესსამსახური იუწყება, რომ  ხომალდებიდან მაღალი სიჩქარის საჰაერო სამიზნეებისკენ – რაკეტები გაუშვეს კომპლექსებიდან – „ფორტი“, „ოსა“ და „კინჟალი“.

„სულ, პრაქტიკული მოქმედების ფარგლებში, განხორციელდა 10 რაკეტის გაშვება“ – იუწყება ფლოტის ოფიციალური წარმომადგენელი.

გაეროს საზღვაო წესდება ერთმნიშვნელოვნად არ ზღუდავს სამხედრო- საზღვაო სწავლებების ჩატარებას ერთი ქვეყნის მიერ, მეორე ქვეყნის სპეციალურ ეკონომიკურ ზონაში. ამასთან, ის ჩამტარებელი მხრისაგან მოითხოვს უსაფრთხოების მაქსიმალური ზომების მიღებას. ცნობილია, შესაბამისი შეტყობინების საპასუხოდ იაპონიამ გასცა ოფიციალური პასუხი, რომ „ყურადღებით ადევნებს თვალს რუსეთის სამხედრო-საზღვაო მოქმედებებს შესაბამის რაიონებში“.

იაპონიის ყველაზე მაღალტირაჟიანი გაზეთი – „იომური სიმბუნი“, აქვეყნებს მასალას სახელწოდებით – „რუსეთი იაპონიის ზღვაში ატარებს სამხედრო-საზღვაო სწავლებას – წყნარი ოკეანის ფლოტის 12 საბრძოლო ხომალდის მონაწილეობით“.

გაზეთი იძლევა დამატებით ცნობებს იმის შესახებ, რომ სწავლების მიმდინარეობისას კრეისერ „ვარიაგის“ ჰაერსაწინააღმდეგო გათვლამ, აღმოაჩინა ფრთოსანი რაკეტა, გააცილა ის და გაანადგურა ასევე ფრთოსანი რაკეტებით: „სხვა სარაკეტო სამიზნეები, რომლებიც გაუშვეს მცირე ხომალდებიდან, „ვარიაგმა“ და „ადმირალმა ტრიბუცმა“გაანადგურეს საზენიტო-სარაკეტო კომპლექსებისა და სახომალდო არტილერიის საშუალებით“.

უმსხვილესი საინფორმაციო ტელეარხი  TBS-ი იტყობინება.“ ამ ეტაპზე არა არის ცნობები იმის შესახებ, რომ რუსეთის საბრძოლო ხომალდები შევიდნენ იაპონიის სპეციალურ ეკონომიკურ ზონაში. ნიშანდობლივია, რომ არხი მის მკითხველსა და მაყურებელს ახსენებს, რომ გაეროს საზღვაო კოდექსი „ცალსახად არ კრძალავს ერთი ქვეყნის მიერ სამხედრო-საზღვაო სწავლების ჩატარებას, სხვა სახელმწიფოების სპეციალურ ეკონომიკურ ზონებში“.

TBS-ი ასევე აცხადებს, რომ რუსეთის თავდაცვის უწყების მონაცემებით, სწავლებების მიმდინარეობისას რაკეტების პრაქტიკული გაშვებებით „ყველა სამიზნე“ წარმატებით განადგურდა.

ტელეარხმა,  ქვეყნის ტელეკომპანიებს შორის პირველმა, გამოაქვეყნა რუსეთის თავდაცვის სამინისტროს პრესსამსახურის ვიდეოჩანაწერები ჩატარებული სროლების შესახებ.