Цензор.НЕТ უკრაინა
აშშ-ს შეიარაღებული ძალების მთავარსარდალმა ევროპაში -ქრისტოფერ კავოლიმ, შეადგინა იარაღის ჩამონათვალი, რომელსაც ფლობს აშშ და რომელიც გამოადგება უკრაინას რუსეთთან ბრძოლაში
„ბაიდენის ადმინისტრაციის საიდუმლო სტრატეგიის ანგარიშს (უკრაინის საკითხზე), რომელიც კონგრესს გასული თვის დასაწყისში გადაეცა, გენერალმა ქრის კავოლიმ დაურთო მონახაზი აშშ-ს შესაძლებლობებისა, რომელიც უნდა დაეხმაროს უკრაინის არმიას, იბრძოლოს უფრო ეფექტიანად“ – ნათქვამია CNN-ის მასალაში.
გამოცემის წყაროები იტყობინება, რომ ჩამონათვალში შედის „ჰაერი-მიწა“ კლასის რაკეტა – Joint Air-to-Surface Standoff Missile-ი (JASSM), რომელიც გამოირჩევა მაღალი სიზუსტით (მისი მოქმედების რადიუსი კი დამოკიდებულია მოდიფიკაციაზე), ასევე კავშირის სისტემა, რომელიც ცნობილია Link 16-ის სახელით – ესაა მონაცემთა გაცვლის ქსელი, რომელსაც იყენებენ აშშ და ნატო. ის უზრუნველყოფს შეუფერხებელ კავშირს საბრძოლო სისტემებს შორის და განსაკუთრებით ეფექტიანია ჰაერსაწინააღმდეგო და ანტისარაკეტო თავდაცვითი სისტემების მართვის დროს.
უკრაინა დიდი ხანია ითხოვს ამ 2 ტიპის იარაღის მისთვის გადაცემას, იტყობინება CNN-ის წყარო, რომელიც კარგად იცნობს უკრაინული მხარის მოთხოვნებს.
კავოლის დოკუმენტში არაფერია ნათქვამი იმის შესახებ, თუ რატომ არ მიაწოდა აშშ-მ ეს სისტემები კიევს, რაც გენერლის აზრით ეფექტიანი იქნებოდა. თუმცა ამერიკელი ჩინოვნიკები ადრე გამოთქვამდნენ შეშფოთებას იმის თაობაზე, რომ ეს მგრძნობიარე ტექნოლოგიები, შეიძლებოდა მოხვედრილიყო რუსეთის ხელში. ერთ-ერთი წყაროს ცნობით, ეს პირველ რიგში ეხება სისტემა Link 16-ს.
სხვა წყარო ასევე ამბობს, რომ „ჰაერი – ზედაპირი“ კლასის რაკეტების გაშვება, ხდება გამანადგურებლებიდან და ის არ გამოადგებათ უკრაინელებს, რაკი მათ არ გააჩნიათ რაიმე უპირატესობა ჰაერში.
„ომის მესამე წელს, უკრაინელები კვლავ ეხვეწებიან აშშ-ს უფრო თანამედროვე იარაღის მიწოდებას და უკვე გადაცემული ამერიკული რაკეტების გამოყენებაზე აკრძალვის მოხსნას. გასათვალისწინებელია ის, რომ აშშ-ს საპრეზიდენტო არჩევნებამდე თვეზე ნაკლები რჩება, ამ დროს კი აშშ-ს მხრიდან უკრაინის დახმარების პერსპექტივა – გაურკვეველია. მგომარეობა უცვლელია იმის მიუხედავად, რომ აშშ აცხადებს: ის მუშაობს იმ საკითხზე, რომ უკრაინას ჰქონდეს ყველაფერი, რათა შეეძლოს რუსეთის გამკლავება სულ ცოტა 2025 წლის ბოლომდე“ – აცხადებს CNN-ი.