DR / დანია
სილას ბაი ნილსენი, კრისტიან მაგნუს დამსგორ იენსენი
ოქტომბრიდან მოყოლებული, ავდეევკისთვის გააფთრებული ბრძოლები მიდის რუსებსა და უკრაინელებს შორის. ახლა უკვე გეუფლება შეგრძნება, რომ საბრძოლო მოქმედებები გადამწყვეტ ნიშნულს უახლოვდება
დანიის სამხედრო აკადემიის დოცენტი – კლაუს მატისენი თვლის, რომ მრავალთვიანი თავდაცვითი ბრძოლის შემდეგ, უკრაინის შეიარაღებულ ძალებს მოუწევთ მისი დატოვება.
„სიტუაციის რომც შეიცვალოს, მაინც ვფიქრობ, რომ ყველაფერი დამთავრდება ბახმუტის მსგავსად, რომელიც რუსებმა აიღეს“ – მიიჩნევს კლაუს მატისენი.
მეცნიერის აზრით, ასეთი შედეგი – ძირითადად განპირობებულია უკრაინული არმიის მწირი რესურსებით.
ქალაქი ავდეევკა განლაგებულია საოლქო ცენტრის დედაქალაქიდან ჩრდილო-დასავლეთით. ზამთრის სისხლისმღვრელი შეტაკებების შედეგად, ავდეევკა გაუკაცრიელდა. ზოგიერთები მას ქალაქ-აჩრდილს ან ქალაქ-სასაფლაოს ეძახიან.
კლაუს მატისენი აღნიშნავს, რომ ავდეევკა უკრაინის კონტროლქვეშ იმყოფება 2015 წლიდან, როცა მხარეები ეცადნენ შეეჩერებინათ საბრძოლო მოქმედებები მინსკის მეორე შეთანხმების დახმარებით.
„მას შემდეგ რუსები ცდილობენ ავდეევკის დაუფლებას, რადგან ის იმდენად ახლოსაა დონეცკთან, რომ უკრაინელებს შეუძლიათ ელვის სისწრაფით მიაღწიონ ქალაქის ცენტრს თუკი, ბუნებრივია, შესაფერისი დრო დაუდგათ“ – ამბობს მატისენი.
ის თვლის, რომ აქ წარმატებას, პროპაგანდისტული მიზნით უთუოდ გამოიყენებს პუტინის შტაბი მარტის საპრეზიდენტო არჩევნებზე. ავდეევკის აღება იქნება არგუმენტი, რომ უკრაინელებს მალე „თავის ადგილს მიუჩენენ“.
უკრაინა, ავდეევკაში – ახალ „ხორცსაკეპს“ ჭვრეტს
უკრაინული არმია აგრძელებს ქალაქის დაცვას და აქ მიმდინარე გააფთრებულ ბრძოლებს – „ ბახმუტის ხორცსაკეპს“ ადარებს.
„როგორც ჩანს, უკრაინელებმა გადაწყვიტეს არ დათმონ ქალაქი და რუსებს თავდაცვით ბრძოლებში გამოცალონ საუკეთესო რესურსი. რაღაც მსგავსი, ჩვენ უკვე ვიხილეთ ბახმუტში, როცა რუსები იერიშზე გადავიდნენ“ – მსჯელობს მატისენი.
თუ მისი დასკვნა სწორია, უკრაინელებს მოუწიათ ქალაქის დათმობა და უკან დახევა დასავლეთით, მატისენს აინტერესებს, თუ როგორ იმოქმედებს რუსეთი ამის შემდეგ.
„ საინტერესოა, თუ გადაისვრიან რუსები ცოცხალ ძალას, ტანკებსა და ჯავშანმანქანებს მასშტაბური გარღვევისთვის. ეს უაღრესად საშიში იქნება უკრაინელებისთვის, თუმცა ამის ნიშნები ჯერ არ ჩანს“ – ამბობს ის.
კლაუს მატისენის შეფასებით, მსგავსი სცენარის განხორციელება, უფრო რეალისტურია ხარკოვის რაიონში, ქვეყნის ჩრდილოეთით. ეს იმით აიხსნება, რომ უკრაინის შეიარაღებული ძალების ბირთვი – ძირითადად სამხრეთით არის განლაგებული.