ემანუილ მაკრონის მიმართვა: სოციალური ქსელების მომხმარებლები – საგონებელში ჩააგდო პრეზიდენტის ზურგს უკან განთავსებული დროშების რიგითობამ

CNews     საფრანგეთი

ემანუილ მაკრონის სახალწლო მიმართვამ, რომელიც კვირას გახმიანდა, აღაშფოთა ინტერნეტის მომხმარებელთა მნიშვნელოვანი ნაწილი. პრეზიდენტი ამხილეს საფრანგეთის სამფეროვანი დროშის დამცრობაში, რადგან ის სხვა ქვეყნების დროშებს შორის იყო ჩაკარგული

მრავალი ადამიანი განიხილავს ამ ვიდეოკადრს. მაკრონი ფრანგების წინაშე, კვირას, ახალი წლის დადგომამდე წარდგა.

დეკორი, რომელსაც პრეზიდენტი ირჩევს ასეთი გამოსვლების დროს, ადრეც არაერთ კითხვას ბადებდა, მაგრამ ბოლო არჩევანი, მართლაც არაორდინალური გამოდგა: ელისეს სასახლის ფონზე გამოფინეს ალმები, რომელთა შორის იყო საფრანგეთის, ევროკავშირისა და პარიზის 2014 წლის ოლიმპიური თამაშების დროშები – ოლიმპიადის მონაწილე ქვეყნების ალმები განალაგეს ალფაბეტის მიხედვით.

მომხმარებლების ნაწილი აღაშფოთა იმან, რომ საფრანგეთის სამფეროვანი დროშა ჩაიკარგა სხვა დროშების მასაში.

„ემანუილ მაკრონს ისე უყვარს საფრანგეთი, რომ ევროკავშირს ანდობს ქვეყნის საზღვრების მართვას, ჩვენს დროშას კი მალავს“ – აი, რას წერენ ამის შესახებ სოციალურ ქსელებში.

ინტერნეტ-კრიტიკოსები მიუთითებენ მაკრონის შეუნიღბავ სურვილზე – „გააქროს საფრანგეთის დროშა“.

                                                                გადამწყვეტი წელი

თავის გამოსვლაში, სახელმწიფო მეთაურმა პირობა დადო, რომ 2014 წელი იქნებოდა „გადამწყვეტი“ და  რომ ის გააგრძელებდა „მოქმედებას“, მიუხედავად არსებული სირთულეებისა. ამ სიტყვებთან ერთად, პრეზიდენტმა გამოთქვა იმედი, რომ „საფრანგეთი ღირსეულად წარმოჩნდებოდა მომავალ ოლიმპიურ თამაშებზე და გაიხსნებოდა ხანძრის შემდეგ რესტავრირებული ნოტრ-დამი. წმინდა სილვესტრის დღისთვის ( 31 დეკემბერი) ტრადიციულ გამოსვლაში, საფრანგეთის მეთაურს არ დაუკონკრეტებია, რაზე ისაუბრებდა საიდუმლო „საერთოეროვნულ კრებაზე“, რომელიც იანვრისთვის დაიგეგმა. მას ასევე არაფერი უთქვამს მოსალოდნელ „მთავრობის გადაფორმატირებაზე“, რომლის გამართვას, მაკრონის გუნდში – იანვრის შუაგულში მოელიან. ევროპარლამენტის არჩევნებამდე 6 თვით ადრე (დანიშნულია ივნისში), მაკრონმა ახსენა, რაღაც სამომავლო „საკვანძო გადაწყვეტილებები“. კერძოდ, გასარკვევია – „გაგრძელდება ევროპული პროექტი თუ უმჯობესია მისი დამუხრუჭება“,  „ დაუჭერენ თუ არა მხარს ენერგიის ეკოლოგიურ წყაროებზე გადასვლას თუ მოხდება მისი უკან მოტრიალება“, „განმტკიცდება თუ არა ლიბერალური დემოკრატიის რწმენა, თუ დაემორჩილებიან სიცრუეს, რომელიც თესავს ქაოსს.“