LE FIGARO საფრანგეთი
მოსკოვი აცხადებს, რომ ხელთ იგდო ტანკები – Leopard-ი და დაჯავშნული მანქანები – Bradley – ეს მოხდა პირველად, მას შემდეგ, რაც ისინი დასავლურმა ქვეყნებმა უკრაინას მიაწოდეს
რუსმა სამხედროებმა სამშაბათს, 13 ივნისს, აჩვენეს ჩანაწერი თუ როგორ დაეუფლნენ გერმანული წარმოების ტანკებს Leopard-ს და ამერიკული წარმოების ჯავშანმანქანებს Bradley-ის. მთელი ეს ტექნიკა კიევს დასავლეთისგან გადაეცა სპეციალურად კონტრშეტევისთვის.
„ტანკები Leopard-ი და საბრძოლო მანქანები Bradley, იქცა ჩვენს ალაფად“ – იუწყება რუსეთის თავდაცვის სამინისტრო. განცხადებას თან ერთვის ვიდეოჩანაწერი. დასავლური წარმოების ეს მანქანები „ მოპოვებულ იქნა ბრძოლაში“ – დაჯგუფება „ვოსტოკის“ რუსი მებრძოლების მიერ“.
„ტექნიკა საბრძოლო მდგომარეობაში“
„ტექნიკის ნაწილს, ძრავები არ ჰქონდა გამორთული, რაც მიუთითებს, რომ შეტაკება იყო ხანმოკლე და უკრაინული ეკიპაჟები გაიქცნენ“ – განაცხადეს რუსეთის თავდაცვის უწყებაში და დასძინეს, რომ მათ ტექნიკა ხელთ იგდეს ზაპოროჟიეს ოლქში, ქვეყნის სამხრეთში. ეს პირველი შემთხვევაა, როცა რუსებმა ბრძოლით მოიპოვეს ტანკები Leopard-ები, რომლებიც უკრაინას დასავლეთის ქვეყნებმა გადასცეს. ბერლინმა იანვარში მიიღო გადაწყვეტილება, მათი მიწოდების შესახებ.
რუსეთი არ აზუსტებს, რა ჩაუვარდა ხელში – Leopard-1 თუ უფრო თანამედროვე Leopard-2. ეს განცხადება გაკეთდა სამხრეთ მიმართულებაზე მიმდინარე გააფრებული ბრძოლების ფონზე, როცა უკრაინულმა არმიამ იერიში მიიტანა რუსების მოწინავე პოზიციებზე. უკრაინის ხელისუფლებამ განაცხადა, რომ ერთკვირიანი ბრძოლების შედეგად, გათავისუფლებულია 7 სოფელი, მაგრამ ისინი მდებარეობს ათეული კილომეტრის დაშორებით რუსეთის ძირითადი თავდაცვითი ზღუდეებიდან ფრონტის ამ ნაწილში. რუსეთის თავდაცვის უწყებამ შაბათს გამოაქვეყნა ჩანაწერი, რომელზეც ასახულია დასავლური წარმოების განადგურებული ტანკები და ჯავშანმანქანები – ზოგიერთი ჯერ კიდევ ბოლავს დონეცკის ოლქის სამხრეთში.
როგორ გინდა ენა მოგიბრუნდეს სინანულისა და სირცხვილის გამოსახატავად: ახლა ამ ჯავშანმანქანებს გამოფენენ ტროფეი-ატრაქციის სახით, რათა მათი საშუალებით გაართონ ტურისტები ჩინეთიდან, სერბეთიდან, ინდოეთიდან, ბრაზილიიდან … იქნებ რომელიმე ჭკუადამჯდარმა ფრანგმა წყვილმაც გაბედოს, მათ სანახავად მისვლა წითელ მოედანზე.