The American Conservative აშშ
როდ დრეერი
დღეს დილით გავიღვიძე ლონდონში, არა იმდენად რწმენით, რამდენადაც მოლოდინით, რომ გავიგებდი ახალ ამბავს – თუ როგორ წალეკა „წითელმა ტალღამ“ „გამოღვიძებული დემოკრატებით“ გაწამებული ამერიკის სანაპიროები. მაგრამ იმედგაცრუება მელოდა. საუბრები „წითელ ტალღის“ შესახებ – აღმოჩნდა უაზრო ლაყაფი. ახლა, როცა ამ სტატიას ვწერ, ჯერ კიდევ გაურკვეველია თუ ვინ მოიპოვებს კონტროლს სენატზე. თუმცა ზუსტად ვიცით, რომ კანდიდატმა პენსილვანიაში, რომელსაც მხარს უჭერდა ტრამპი, გამანადგურებელი მარცხი იწვნია შეშლილი დემოკრატისგან. ესეც ხომ ნიშნავს რაღაცას. სინამდვილეში, ეს ბევრ რამეზე მეტყველებს
მაშ ასე, ორი შერკინება, რომელიც მე ყველაზე მეტად მაინტერესებდა – ესაა რონ დესანტისის ხელმეორედ არჩევა და ჯეი დი ვენსის მცდელობა, მოეპოვებინა ადგილი სენატში – ორივემ ისე ჩაიარა, როგორც მინდოდა. სენატორი ვენსი! მე საკმარისად ასაკოვანი ვარ საიმისოდ, რომ მახსოვდეს 2016 წლის ინტერვიუ, რომელმაც „ააფეთქა“ გამოცემა American Conservative-ის სერვერი და სტრატოსფეროში გატყორცნა ჯეი დის წიგნი. ამის შემდეგ, ჩვენ დავმეგობრდით. თქვენ შეგიძლიათ წაიკითხოთ ეს ინტერვიუ, რომელიც მას ჩამოვართვი მას შემდეგ, რაც ვენსი კათოლიციზმს ეზიარა. შემიძლია თავი დავდო, რომ ჯეი დი ვენსი – კარგი კაცია. ვფიქრობ ის იქნება მშვენიერი სენატორი და ვინ იცის იქნებ პრეზიდენტიც. ღმერთო შეეწიე მას!
დამაჯერებელმა გამარჯვებამ ფლორიდაში, რომელიც დესანტისმა გუშინ საღამოს იზეიმა, ის აქცია კონსერვატიული მოძრაობის წინამძღოლად, მოძრაობისა იმ სახით, როგორიც დღეს გვაქვს. მისი სიტყვა ტრიუმფის შემდეგ, იყო შთამბეჭდავი. აგერ, ამონარიდი მისი გამოსვლიდან:
„ჩვენ ვირჩევთ თავისუფლებას, ჩვენ მხარს ვუჭერთ კანონიერებასა და წესრიგს, ჩვენ ვიცავთ მშობელთა უფლებებს, ჩვენ პატივს მივაგებთ გადასახადის გადამხდელებს და უარვყოფთ ვოუქ-იდეოლოგიას. ჩვენ არასდროს შევეგუებით ვოუქ-ბრბოს. ფლორიდა, ეს ის ადგილია, სადაც დადგება ვოუქ-იდეოლოგიის აღსასრული!“.
მიაქციეთ ყურადღება თვალშისაცემ კონტრასტს, დესანტის- კონსერვატორს (რომელიც თავისას აღწევს და იმარჯვებს ლათინოამერიკელ ამომრჩევლებშიც) და დონალდ ტრამპს შორის, რომელიც „ტირაჟით გამოდის“ და რომლის კანდიდატებმაც ( გამონაკლისია – სენატორი ვენსი) აჩვენეს სუსტი შედეგები. სულისშემძვრელია 8 ნოემბრის არჩევნების რეზულტატი ქვეყანაში, რომელიც გაწამებულია კრიმინალითა და ინფლაციით. ეს უნდა იყოს სიგნალი კონსერვატიული ელექტორატისთვის: რაც მეტად დაუჭერს ის მხარს მოლაყბე, წყალწაღებულ ტრამპს, მით მეტ სიმწარეს იგემებს. ვაღიარებ, რომ მისი თანადგომა წაადგა – ჯეი დი ვენს, როცა ამ უკანასკნელმა გადალახა რესპუბლიკური პრაიმერიზი ოჰაიოში და ამისთვის ტრამპის მადლობელი ვარ, მაგრამ ამერიკული კონსერვატიზმის მომავალი, მის სახელს არ უკავშირდება.
აი, რა დაწერა ტვიტერში პოლიტიკურმა კომენტატორმა მეთ უოლშმა:
„ფლორიდის მიღმა, რესპუბლიკელებს არა აქვთ მისია. არა აქვთ დისციპლინა, არ ჰყავთ ლიდერები, არ ჰყოფნით გამბედაობა, უშუალოდ გადაჭრან მნიშვნელოვანი პრობლემები. სწორედ ამიტომ, ისინი აგებენ კანდიდატებთან, რომელთაც, პირდაპირი მნიშვნელობით – ტვინის დაზიანება აწუხებთ. ჩვენ გვჭირდება ძირფესვიანად გარდაქმნა“
„დესანტისმა წალეკა თავისი მეტოქეები მაშინ, როცა რესპუბლიკური პარტიის დანარჩენმა ნაწილმა, სუსტი შედეგი ანახა. არის რაიმე არგუმენტი დესანტისის წინააღმდეგ 2024 წლის არჩევნებისთვის?“.
ვერაფერს დაამატებ: „არ ჰყოფნით გამბედაობა, უშუალოდ გადაჭრან პრობლემები.“ გენდერულ იდეოლოგიასთან ბრძოლის თავის თავზე აღება, მოუწიათ მეთ უოლშს, ქრის რუფოს და სხვებს. დესანტისის გარდა, არცერთ მსხვილ პოლიტიკოს-რესპუბლიკელს, არ უხსენებია ვოუქ-კულტურა. ვერ ვხვდები რატომ. ჩვენი ქვეყანა იშლება ნაწილებად, ლიბერალები ტოტალიტარისტებად იქცნენ, ისინი დევნიან ბავშვებს. რესპუბლიკური პარტიის წევრთა უმეტესობა კი, უსაქმოდ ზის და კენჭს იყრის განწყობით – „ ეი, ყოველ შემთხვევაში, ჩვენ მათნაირი არ ვართ“. დაივიწყეთ ეს მიდგომა. ის უნდა დასრულდეს.
კონსერვატიული კომენტატორი – ალი ბეთ სთაკი ტვიტერზე წერდა:
„რესპუბლიკელებო, ყურადღება მიაქციეთ – დესანტისის გამარჯვებას: ჩვენ ყელში ამოგვივიდა ძველი რესპუბლიკური პარტია, რომელიც მხოლოდ კორპორაციული გადასახადების შემცირების მოთხოვნით გამოდის. ჩვენ გვსურს, რომ სრულყოფილად გამოვიყენოთ ძალაუფლება, რომელიც ხელთ გვიპყრია, რათა წაავლეკოთ ისინი, ვისაც ჩვენი განადგურება სწადია.“
„გუბერნატორის პოსტზე კენჭის ყრით, დესანტისი წავიდა რისკზე, დარჩენილიყო კულტურის მეომრად და თავისუფლების მცველად მაშინ, როცა სხვა რესპუბლიკელი გუბერნატორები, ზედმეტად უფრთხოდნენ ფაუჩის და მემარცხენე ძალებს, რათა იგივესთვის მიეღწიათ, თუმცა მერყევ შტატშიც კი, დესანტისის მიდგომა – გამარჯვების სტრატეგიად იქცა“.
„მოძრაობა MAGA-ს (დავუბრუნოთ ამერიკას სიდიადე) ჯიუტ მომხრეებს, მინდა ვკითხო: ეს მართლა გინდათ? რა გსურთ, რომ რესპუბლიკელების პარტიას არ შეეძლოს დამაჯერებელი გამარჯვება ყველაზე ხელსაყრელ მომენტშიც? სწორედ ასეთი შედეგი მოგელით თუ ტრამპს მხარს დაუჭერთ. მოგწონთ თუ არა, არ ვიცი, მაგრამ ბევრს, ვისაც თავისუფლება სწყურია, სძაგს ტრამპი და ეს განწყობა ურყევია. ისეთი კონსერვატორები, როგორიც მე ვარ, 2024 წელს, ტრამპს ხმას მისცემენ მხოლოდ იმიტომ, რომ პრეზიდენტი არ გახდეს დემოკრატი, მაგრამ ასეთი არჩევანის გაკეთებისას, მექნება გაცნობიერებული, რომ მე ვირჩევ მოლაყბეს, რომელიც ვერაფერს მიაღწევს. რონ დესანტისს კი მართლაც შეუძლია ქვეყნის მართვა მაშინ, როცა ტრამპი მხოლოდ იმეტიჩრებს და საკუთარ თავზე ილაპარაკებს.“
სთაკი და უოლში აღნიშნავენ, რომ რესპუბლიკური პარტია ახლა არ აძლევს ადამიანებს მიზეზს, რომ მას ხმა მისცენ, გარდა იმისა, რომ ისინი „ არ არიან დემოკრატები“. ბევრი ჩვენგანისთვის ეს მიზეზიც კმარა, მაგრამ ეს არ კმარა დამაჯერებელი გამარჯვების მოსაპოვებლად…და ის არ კმარა იმისთვის, რომ გამარჯვება იყოს დამსახურებული.
ამერიკული პოლიტიკური კონსერვატიზმის მომავალი, ეს რონ დესანტისი, ჯეი დი ვენსი და ის რესპუბლიკელები არიან, რომლებიც იზიარებენ კონსერვატიზმის პრინციპებს და არა MAGA, ისე, როგორც ტრამპამდელი ეპოქის რესპულიკური ისტებლიშმენტის ნარჩენები.
მე ჩავასწორებ ამ სტატიას, როცა იქნება ახალი ცნობები ჯორჯიიდან და არიზონადან. დიდი იმედი მაქვს, რომ ბლექ მასტერსი და ქერი ლეიქი გაიმარჯვებენ. ისღა დაგვრჩენია, იმედი გვქონდეს, რომ სულ ცოტა, აღარ მოგვიწევს წყალწაღებული სთეისი აბრამსისა და ბეთო ო რურკის მოსმენა.