Helsingin Sanomat ფინეთი
იუკა ჰარიუ
სავსებით შესაძლებელია, რომ ფინეთმა უკრაინელი სამხედროები მოამზადოს თავის ტერიტორიაზე, ამბობს თავდაცვის მინისტრი ანტი კაიკკონენი
„ამის შესაძლებლობას არ გამოვრიცხავთ, მაგრამ ჯერ საკითხი გადაუწყვეტელია. როგორც კი გაირკვევა ჩვენი როლი ევროკავშირის საწვრთნელ მისიაში, ჩვენ ვნახავთ, სად და როგორ, იქნება მიზანშეწონილი სწავლების ჩატარება“ -აცხადებს კაიკკონენი.
20 ფინელი ინსტრუქტორი – უკვე მონაწილეობს უკრაინელი სამხედროების მომზადების საბაზისო პროგრამაში, რომელიც ბრიტანეთში მიმდინარეობს.
ოქტომბერში ევროკავშირის საგარეო საქმეთა მინისტრები შეთანხმდნენ, რომ წევრი-ქვეყნები ორგანიზაციას გაუწევენ 15 ათასი უკრაინელი სამხედროს სწავლებას. ამას გარდა, ევროკავშირმა ცალკე ჩაატარა იარაღისა და შეიარაღების სისტემების შესწავლის პროგრამა, რომელთაც ეს ქვეყნები უკრაინას აწვდიან.
კაიკკონენის თქმით, ევროკავშირმა უკრაინის მხარდამჭერი საწვრთნელი მისიის შესახებ გადაწყვეტილება, უახლოეს ხანში უნდა მიიღოს. სავარაუდოდ, ეს საკითხი განიხილება ევროკავშირის თავდაცვის მინისტრების შეხვედრაზე – 15 ნოემბერს. კაიკკონენი, ბუნებრივია, მასში მონაწილეობას მიიღებს.
„ჩვენ პოზიტიურად ვეკიდებით ევროკავშირის საწვრთნელ მისიას. საბოლოო გადაწყვეტილებას მივიღებთ მაშინ, როცა გვექნება კონკრეტული ინფორმაცია ამ თემაზე. ჯერჯერობით საკითხი თუ რა სახით ჩაატარებს წვრთნას ფინეთი, ასევე ის თუ სად მოხდება ეს, არ არის გარკვეული. თავდაცვის ძალები განიხილავენ რამდენიმე ვარიანტს.“
„ვთვლი, რომ ჩვენ გავაძლიერებთ უკრაინას წვრთნის მიწოდებით“.
ფინეთმა უკვე გაუგზავნა კიევს დახმარების 9 პაკეტი, იგეგმება მეათეც.
„მზადდება მეათე პაკეტი უკრაინის დასახმარებლად. გადაწყვეტილება, მალე იქნება მიღებული.“