NEWSWEEK აშშ
ენდრიუ სთენთონი
ექსპრეზიდენტმა დონალდ ტრამპმა, აშშ ამხილა იმაში, რომ ამ უკანასკნელმა „პრაქტიკულად აიძულა“ პუტინი – სამხედრო კონფლიქტი წამოეწყო უკრაინაში.
ამერიკის ყოფილმა ლიდერმა მწვავედ გაააკრიტიკა ის ფაქტი, რომ პრეზიდენტი ჯო ბაიდენი, რომელმაც შესაძლოა კვლავ იყაროს კენჭი 2024 წლის არჩევნებზე, ხელახლა ცდილობს, ააწყოს დიპლომატიური ურთიერთობები რუსეთთან. ამ დროს კი კრიტიკოსები, სწორედ ტრამპს ადანაშაულებენ პუტინის მიმართ ჭარბ კეთილგანწყობაში
ტელეარხ – Real America’s Voice-თან ინტერვიუში, რომელიც სიმპათიით არის გამსჭვალული მის მიმართ, ექსპრეზიდენტმა გააკრიტიკა ბაიდენის ადმინისტრაცია. მისი თქმით, ადმინისტრაციის რიტორიკა, რომელიც წინ უძღოდა რუსეთის სპეცოპერაციას, აღმოჩნდა ერთ-ერთი მიზეზი, რის გამოც პუტინმა მიიღო ომის დაწყების გადაწყვეტილება.
„თუ დავფიქრდებით, მათ პრაქტიკულად უბიძგეს პუტინს ამისკენ. ჩვენი ქვეყანა, ჩვენი ე.წ. მთავრობა აღიზიანებდა მას. თქვენ იცით, რომ ვამბობდი: ადმინისტრაციამ პრაქტიკულად აიძულა რუსეთის პრეზიდენტი მოქცეულიყო ისე, როგორც ისინი (ადმინისტრაციის წარმომადგენლები) საუბრობდნენ. მათი რიტორიკა, იყო სრულიად უგუნური“.
თავის ინტერვიუში ტრამპმა განაცხადა: მე რომ პრეზიდენტი ვყოფილიყავი, რუსეთი ვერ დაიწყებდა ომს უკრაინაშიო. თუმცა მან ვერ დაასახელა კონკრეტული მაგალითი, თუ როგორ აიძულებდა ამას პუტინს.
ამას გარდა, ტრამპმა დაიკვეხნა საკუთარი საქმიანი ურთიერთობებით პუტინთან და უკრაინის პრეზიდენტ ვლადიმირ ზელენსკისთან, როცა Real America’s Voice-ის წამყვანმა – უეინ რუთმა გამოთქვა მოსაზრება, რომ ბაიდენს შეეძლო ტრამპი შუამავლად გაეგზავნა მოსალაპარებლად, რათა მიღწეულიყო კონფლიქტის მშვიდობიანი დარეგულირება.
„პირადად მე, უპრობლემოდ ვურთიერთობდი, როგორც ზელენსკისთან, ისე პუტინთან. თუ გახსოვთ, ზელენსკი კარგად მოიქცა, როცა მას ჰკითხეს გახმაურებულ უკრაინულ მისტიფიკაციაზე – სატელეფონო საუბარზე – მაშინ მან მათ თვალი გაუსწორა და თქვა: „ მაინც რატომ გაღელვებთ სატელეფონო საუბარი? მას (ტრამპს) არაფერი დაუშავებია“-ო.
უილიამ პომერანცმა, ვუდრო ვილსონის ცენტრთან არსებული ინსტიტუტის დირექტორმა, NEWSWEEK-თან საუბარში, ეჭვი შეიტანა ტრამპის კომენტარების საფუძვლიანობაში. მისი თქმით, ბაიდენმა განაცხადა, რომ უკრაინა უნდა შეებრძოლოს კორუფციას, რათა გაწევრიანდეს ჩრდილო-ატალანტიკურ ალიანსშიო, მაგრამ ის საბაბი, რაც პუტინმა გამოიყენა ომის დასაწყებად, ნატოს წევრობა არ იყო.
პომერანცის აზრით, ვერასდროს შევიტყობთ, დაიწყებდა თუ არა რუსეთი სამხედრო კონფლიქტს, 2020 წლის საპრეზიდენტო არჩევნებზე ტრამპს რომ გაემარჯვა, თუმცა, დასძინა მან, მისი აზრით, ტრამპი ვერ შეძლებდა „უკრაინის დაცვას.“
„მართალია ტრამპი თვლის, რომ მას დიდებული ურთიერთობა ჰქონდა პუტინთან და გადააფიქრებინებდა მას ომის დაწყებას, მაგრამ პირადად მე, ასე არ ვფიქრობ.“- თქვა პომერანცმა.
რუსეთ-უკრაინის კონფლიქტზე კომენტარების შემდეგ, ტრაპმს თავს დაატყდა კრიტიკა
ტრამპს აკრიტიკებენ რუსეთ-უკრაინის კონფლიქტზე გაკეთებული ზოგიერთი კომენტარის გამო. ომის დაწყებამდე რამდენიმე დღით ადრე, ტრამპმა თქვა, რომ პუტინი „გენიოსია“, რადგან მან არმია განალაგა უკრაინის საზღვართან.
„ჩვენს წინაშეა ადამიანი, რომელიც აცხადებს: „მე უკრაინის მნიშვნელოვან ნაწილს დამოუკიდებლად ვაქცევ“ (მას არ უთქვამს სიტყვა „დამოუკიდებელი“, პუტინმა თქვა, რომ „ჩვენ შევალთ ტერიტორიაზე და დავამყარებთ მშვიდობას“). უნდა ვაღიაროთ, რომ ის გონივრულად მოიქცა“- განაცხადა ტრამპმა ქლეი თრევისთან და ბაქ სექსთონთან ინტერვიუში თებერვლის თვეში.
მარტში, ის ისევ კრიტიკის ობიექტად იქცა, მას შემდეგ, რაც ტრამპმა არსებითად მოუწოდა პუტინს, გაესაჯაროებინა ინფორმაცია ჰანტერ ბაიდენის სავარაუდო ფინანასურ მაქინაციებზე რუსეთში – Real America’s Voice-თან ინტერვიუს დროს. მაშინ გაისმა ბრალდება, რომ ბაიდენის კომპანიამ 3,5 მილიონი დოლარი მიიღო მოსკოვის ყოფილი მერის მეუღლისგან.
„მან ბაიდენს გადასცა 3,5 მილიონი დოლარი, ვფიქრობ, პუტინმა იცის ამის შესახებ და მან უნდა გაასაჯაროოს ეს ინფორმაცია. ვთვლი, რომ ჩვენ უნდა გაგვცენ პასუხი“, თქვა მაშინ ტრამპმა.