ISW აშშ
ეკატერინა სტეპანენკო, გრეის მაპესი, ლეინ ფილიპსონი, ანჯელა ჰოვარდი, ჯორჯ ბაროსი და ფრედერიკ ვ. კაგანი
ბოლო ცნობებით, ე.წ. ლუგანსკის სახალხო რესპუბლიკის (ლსრ) დაჯგუფების გარკვეული ელემენტები, უარს ამბობენ დონეცკის ოლქში მიმდინარე საბრძოლო მოქმედებებში მონაწილეობაზე და უკმაყოფილებას გამოთქვამენ, მათი ოლქის მიღმა წარმოებული ოპერაციების ქანცგამცლელი ტემპების გამო. რუსეთის ბოლო დროს გაცხადებულმა მიზნებმა, ემოციური გამოძახილი ჰპოვა დონეცკის ოლქის აუდიტორიაში, მაგრამ იგივე არ ხდება ლუგანსკში, სადაც მებრძოლები გადაიღალნენ გამუდმებული შეტევითი ოპერაციებით. რამდენიმე უკრაინულმა არხმა 15 აგვისტოს გადასცა ჩანაწერი, სადაც ლსრ-ს 2740-ე ბატალიონის ჯარისკაცები, უარს ამბობენ დონეცკის სახალხო რესპუბლიკისთვის ბრძოლაზე. ისინი აცხადებენ, რომ მათ გამარჯვება იზეიმეს 3 ივლისს, როცა მიაღწიეს ლუგანსკის ოლქის საზღვარს, ამდენად თვლიან, რომ მათი სამუშაო შესრულებულია. ასეა თუ ისე, ერთ-ერთმა რუსმა სამხედრო ბლოგერმა გააკრიტიკა ლუგანსკელები იმის გამო, რომ მათ რუსეთის მხარდაჭერა გამოიყენეს საკუთარი თავის გასათავისუფლებლად, დონეცკისთვის ბრძოლას კი ისინი არ აპირებენ. ISW-ის არ შეუძლია გადაამოწმოს ვიდეოჩანაწერის ნამდვილობა, თუმცა ნათელია, რომ ჩანაწერი ასახავს გავრცელებულ ტენდენციას: ლსრ-ს მხრიდან შემცირებულია ინვესტიციები და მორალური მხარდაჭერა – უკრაინაში რუსეთის შემდგომი გეგმების მიმართ. ტენდენცია სახიფათოა რუსეთის შეიარაღებული ძალებისთვის, რომელიც ცდილობს შეავსოს ბოლოდროინდელი დანაკარგი. რუსულ არმიაში განხეთქილების გაღრმავება ქმნის საფრთხეს, რომ რუსული სამხედრო ძალისხმევა, შესაძლოა კიდევ უფრო ნაკლებეფექტიანი აღმოჩნდეს.
დონეცკის სახალხო რესპუბლიკის (დსრ) დანაყოფებში, მსგავსი განწყობები შეიმჩნეოდა ლუგანსკის, ხარკოვისა და ხერსონის ოლქებში მიმდინარე ბრძოლების დროს. ეს ნიშნავს, რომ მარიონეტული ძალები, ბოლომდე არ უჭერენ მხარს კრემლის ექსპანსიონისტურ გეგმებს. ISW ადრე იტყობინებოდა, რომ 105-ე ქვეითი პოლკის მე-3 ბატალიონის მეომრები, უკმაყოფილებას გამოთქვამდნენ იმის გამო, რომ მაისის თვეში, მათი ქვედანაყოფი მარიუპოლიდან ლუგანსკში გადაისროლეს. დსრ-ს 113-ე პოლკმა ასევე გამოაქვეყნა მსგავსი მიმართვა ხერსონის ფრონტიდან. სხვა ჯარისკაცები, დაუდგენელი სამხედრო შენაერთიდან, ამბობდნენ, რომ ისინი რუსმა მესაზღრეებმა დააკავეს ბელგოროდის ოლქში, ხარკოვისთვის ბრძოლებში მონაწილეობის შემდეგ. ეს მოხდა იმიტომ, რომ ჯერ რუსულ შენაერთებს შეძლებოდათ უკან დახევა. დსრ-ს სამხედრო კორესპონდენტები ტრაბახობდნენ ავდეევკის რაიონში მიღწეული წარმატებით, მაგრამ განწყობა სავარუდოდ უმალ შეიცვლება, როგორც კი მათ სხვა მიმართულებაზე გადაისვრიან.