„ყველაზე საყურადღებო“ ნიშანი ქოლესტერინის მატებისა, რომელიც შეიძლება „სიცოცხლისათვის საბედისწერო“ აღმოჩნდეს

DAILY EXPRESS დიდი ბრიტანეთი

დიანა ბუნტაჟოვა

„ადამიანების უმეტესობაში, ქოლესტერინის მაღალი დონის დროს, განსაკუთრებული სიმპტომები არ ვლინდება. ამის შესახებ შეიძლება შეიტყოთ მხოლოდ მაშინ, თუ ჩააბარებთ სისხლის ანალიზს“ – გვეუბნება დოქტორი ლიუკ ფრეთსაიდსი – კარდიოლოგიური კლინიკა NUMAN-იდან. ამგვარი ნიშნების არარსებობის გამო, ქოლესტერინის მაღალი დონე ძნელია შეამჩნიო. თუმცა ტკივილი გულ-მკერდის არეში, შეიძლება ამ პრობლემაზე მიუთითებდეს

„ყველაზე საყურადღებო ნიშანი იმისა, რომ მომატებუბული ქოლესტერინი ვნებს გულს – არის ტკივილი მკერდის არეში“ – ამბობს დოქტორი ფრეთსაიდსი.

MAYO CLINIC-ის ინფორმაციით, ეს ხდება მაშინ, როცა ქოლესტერინი და სხვა ნივთიერებები – გროვდება არტერიის კედლებში.

ამ პროცესმა, რასაც ათეროსკლეროზს უწოდებენ, შეიძლება შეანელოს სისხლის მოძრაობა და მას მოჰყვეს გართულებები, მათ შორის, ტკივილები მკერდის არეში ან სტენოკარდია.

როგორც ორგანიზაცია HEART UK-ის ექსპერტები ამბობენ, ლაპარაკია ყრუ, დაწოლითი ხასიათის ან განგრძობად ტკივილზე, რომელიც გადაეცემა ხელს, კისერს, ყბასა და ზურგს.

ტკივილი შეიძლება პროვოცირებული იყოს ვარჯიშით ან სხვა ფიზიკური აქტივობით, ვინაიდან ამ დროს გულს სჭირდება მეტი ჟანგბადი.

დოქტორი ფრეთსაიდსი გვეუბნება, როგორ შევნიშნოთ მომატებული ქოლესტერინის ეს სიმპტომი: „თუ ტკივილი მკერდის მარცხენა ნაწილში ან მის შუაგულში შეიგრძნობა, გადაეცემა მარცხენა ხელს, კისერს და ძლიერდება ფიზიკური დატვირთვის დროს, სასწრაფოდ უნდა მიმართოთ ექიმს, გამოიძახოთ საწრაფო დახმარება ან თავად მიაკითხოთ ემერჯენსის განყოფილებას, ვინაიდან ეს შესაძლოა იყოს გულის შეტევა, რაც სახიფათოა სიცოცხლისათვის“.