The Washington Post აშშ
კატრინა ვანდენ ჰიუველი
დიპლომატიურ ჟარგონზე, იმას, რაც ახლა ხდება უკრაინული კრიზისის პროცესში – სიგიჟე ჰქვია
შეაგროვა რა 100 ათასიანი დაჯგუფება უკრაინის საზღვართან, რუსეთის პრეზიდენტმა ვლადიმირ პუტინმა, ამ კვირაში, ნატოსა და მის მოკავშირეებისგან, მოითხოვა წერილობითი პასუხი მის პრეტენზიაზე, ალიანსი – არ გაფართოვდეს აღმოსავლეთით.
სამი რაუნდის შემდეგ, მოლაპარაკებები ჩიხში მოექცა. თეთრი სახლი ეჭვობს, რომ რუსეთი ამზადებს პროვოკაციულ ოპერაციას უკრაინაში, რათა მიეცეს ამ ქვეყანაში შეჭრის საბაბი. პრეზიდენტი ბაიდენი მკაცრი სანქციებით იმუქრება. პუტინის თქმით – ეს იქნება „კოლოსალური შეცდომა“.
დღეს ცხელთავიანებს ნამდვილი დღესასწაული აქვთ გამართული. თეთრი სახლის სამუშაო ჯგუფი, რომელშიც შედიან ცენტრალური სადაზვერვო სამსახურის თანამშრომლები, განიხილავენ საკითხს, თუ როგორ უნდა დაეხმარონ პარტიზანულ ბრძოლას, თუ რუსეთმა უკრაინა დაიპყრო. რუსი ქორები ალაპარაკდნენ მებძოლების გაგზავნაზე ვენესუელაში და კუბაზე. ნატოს ყოფილი გენერალური მდივანი აცხადებს, რომ რუსების მხრიდან პროვოკაციის შემთხვევაში, ალიანსს შეუძლია „მყისიერად“ მიიღოს თავის შემადგენლობაში – ფინეთი და შვედეთი.
როგორც უკვე ვთქვი, ეს სიგიჟეა. აშშ-ს სასიცოცხლოდ სჭირდება მთელი ყურადღებისა და რესურსების მობილიზება: პანდემიით გამოწვეულ პრობლემებზე, საშინელ ეკონომიკურ უთანასწორობაზე, სერიოზულ რასობრივ განხეთქილებასა და კლიმატის კატასტროფულ ცვლილებებზე. რაკი ადმინისტრაცია ემზადება ჩინეთთან დაპირისპირებისთვის, ასეთ დროს, ჩვენ ნამდვილად არ გვჭირდება, უკრაინის გამო, თუნდაც გაშუალებული სამხედრო დაპირისპირება რუსეთთან და ღმერთმა დაგვიფაროს – პირდაპირი ომისგან!