Главред უკრაინა
ამერიკული იარაღის მეორე პარტია, 80 ტონის მოცულობით, უკრაინაში ჩაიტანეს. ამის შესახებ იტყობინება თავდაცვის მინისტრი ალექსეი რეზნიკოვი. იარაღის პირველი პარტია – კიევმა 22 იანვარს მიიღო
23 იანვარს, საღამოს, თავდაცვის სამინისტროს საჭიროების გათვალისწინებით, კიევმა მიიღო აშშ-ს მეორე ხომალდი ლეტალური იარაღით.
როგორც თავდაცვის უწყების მეთაური იუწყება, დედაქალაქის აეროპორტში დაეშვა „მეორე ჩიტი“ – ამერიკული შეიარაღებით ბორტზე.
ალექსეი რეზნიკოვის თქმით, ხომალდმა გადმოზიდა 80 ტონაზე მეტი იარაღი, რომელიც განკუთვნილია უკრაინის არმიისთვის – რუსეთის უკრაინაში მოსალოდნელი შეჭრის პირობებში.
„მეორე ჩიტი კიევშია! 80 ტონაზე მეტი იარაღი… ჩვენი მეგობრებისგან აშშ-ში – უკრაინის თავდაცვისუნარიანობის გასაძლიერებლად. ტვირთი ჩამოვიდა საიმედო დაცვის თანხლებით“ – დაამატა თავდაცვის უწყების ხელმძღვანელმა თავის მიკრობლოგში.
22 იანვარს, უკრაინაში ჩამოტანილი ამერიკული იარაღის პარტია, მოიცავდა ტანკსაწინააღმდეგო სარაკეტო კომპლექსებს (Javelin) და რეაქტიულ თერმობარიულ ნაღმმტყორცნებს – M141 Bunker Defeat Munition (SMAW-D), რომლებიც გათვალისწინებულია საფორტიფიკაციო ნაგებობებისა და ბუნკერების განადგურებისთვის. აღვნიშნავთ, რომ ახალახან უკრაინის შეიარაღებულ ძალებს სამხედრო დახმარება გადასცა ლიეტუვამ. უკრაინელმა მეომრებმა მიიღეს ჯავშანჟილეტები და ბალისტიკური ქამრები.
მანამდე პოლონეთმა განაცხადა, რომ რუსეთის შემოჭრის შემთხვევაში, ის დაეხმარება უკრაინას. უკრაინას არ სურს – იქცეს „ რუსული სამყაროს“ ნაწილად და ამდენად, მას სხვა ქვეყნებიც უნდა დაეხმარონ, განაცხადა პოლონეთის საგარეო საქმეთა მინისტრმა – ზბიგნევ რაუმ. მან ასევე აღნიშნა, რომ ნატომ უნდა გააძლიეროს შეკავების პოლიტიკა ევროპაში.