რუსეთი პრეტენზიას აცხადებს არქტიკაზე: ,,ეს ჩვენი მიწაა’’

Die Welt    გერმანია

კლიმატურმა ცვლილებებმა, გამოიწვია ძალთა ბალანსის ცვლილებაც, ჩვენი პლანეტის უკიდურეს ჩრდილოეთში. ნავთობით, ბუნებრივი აირითა და საზღვაო გზებით, დაინტერესებულნი არიან სხვადასხვა ქვეყნები.  რუსეთი აპირებს მათთვის ბარიერი დააწესოს

რუსეთმა გააფრთხილა დასავლეთი არქტიკაზე პრეტენზიის გამოთქმის გამო. ,, …მაგრამ ყველასთვის ცნობილია, რომ ეს ჩვენი ტერიტორიაა, ეს ჩვენი მიწაა’’- განაცხადა ორშაბათს მოსკოვში რუსეთის საგარეო საქმეთა მინისტრმა სერგეი ლავროვმა. მისი თქმით, რუსეთი პასუხისმგებელია ,,არქტიკის სანაპიროს უსაფრთხოებაზე.’’ ეს განცხადება მან გააკეთა არქტიკული საბჭოს ფარგლებში გამართული მინისტრების შეხვედრის წინ, რომლის შემადგენლობაში შედიან    ქვეყნები, რომელთაც აქვთ გასასვლელი არქტიკაზე.

დათბობის შედეგად არქტიკა სულ უფრო ხელმისაწვდომი ხდება. ამდენად, იზრდება ამ რეგიონის მიმდებარე სახელმწიფოების, ასევე ჩინეთის ინტერესი – მისი სტრატეგიული მდებარეობის, ჩრდილოეთ პოლუსის ბუნებრივი რესურსებისა და საზღვაო გზების გამო.

არქტიკის საბჭოში, რუსეთის გარდა, შედიან შეერთებული შტატები, კანადა, ნორვეგია, დანია, შვედეთი, ფინეთი და ისლანდია. ამ ქვეყნების წარმომადგენლები – ოთხშაბათ-ხუთშაბათს – რეიკიავიკში ხვდებიან.

გასულ თვეში აშშ-ს სახელმწიფო მდივანმა ენტონი ბლინკენმა გააფრთხილა რუსეთი და მოუწოდა მას ,,არ გამოიყენოს სათავისოდ’’ ის ცვლილებები, რაც კლიმატის დათბობას ახლავს. რუსეთმა, ბოლო რამდენიმე წელია დიდი რესურსები ჩადო სამხედრო ინფრასტრუქტურის შექმნასა და სასარგებლო რესურსების მოძიებაში.

ივლისში ნატო აპირებს განიხილოს რუსეთის მზარდი დასწრება არქტიკაზე. ჩრდილოეთ პოლუსის ნავთობისა და ბუნებრივი აირის უზარმაზარ მარაგებზე პრეტენზიას აცხადებენ სხვა ქვეყნებიც, მათ შორის – აშშ და ნორვეგია.