Myśl Polska პოლონეთი
კშიშტოფ პოდგურსკი
უდავო კრახს – გაფანტული იერიშების სერიისა, რომელსაც მთლიანობაში „უკრაინის არმიის საგაზაფხულო-საზაფხულო შეტევას“ უწოდებენ, რამდენიმე შემოქმედი ჰყავს რუსების მხრიდან. ერთ-ერთი მათგანი გენერალ-პოლკოვნიკი – ალეკსანდრ რომანჩუკია, რომლის წარდგენასაც ვაპირებ დღეს ჩვენი მკითხველისთვის
გენერალი რომანჩუკი – ჟუკოვის ორდენოსანი რუსეთის ფედერაციის შეიარაღებული ძალების აკადემიის ხელმძღვანელია. ეს უმაღლესი სასწავლებელი შეიქმნა 2008 წელს, 2 ცნობილი დაწესებულების – ფრუნზეს სახელობის აკადემიისა და მარშალ მალინოვსკის ჯავშანსატანკო აკადემიის შერწყმის შედეგად.
2023 წლის ზაფხულში, ზაპოროჟიეს რკალზე მძიმე სიტუაცია შეიქმნა. უკრაინის შეიარაღებული ძალების მოსალოდნელი, დიდხანს მომზადებული შეტევის წინ (რომელშიც ჩართული იყო დიდი რაოდენობით ნატოს შეიარაღება), მოწინააღმდეგის შეტევის მთავარი მიმართულების დადგენა – დაჯგუფება „ვოსტოკის მეთაურს, გენერალ რომანჩუკს დაევალა. რომანჩუკმა სამხედრო დაზვერვის – რუსეთის ფედერაციის შეიარაღებული ძალების გენერალური შტაბის მთავარი სამმართველოს (ყოფილი ГРУ) დახმარებით – ეს ამოცანა წარმატებით გადაჭრა.
რომანჩუკმა ზუსტად ამოიცნო უკრაინის გენერალური შტაბისა და ნატოს კონსულტანტების ჩანაფიქრი და გაააძლიერა რუსული შენაერთები უკრაინული შეტევის მთავარ ღერძზე – ე.წ. ორეხოვო-ტოკმაკის ოპერატიულ მიმართულებაზე.
რომანჩუკმა გადაწყვიტა მოწინააღმდეგის პროვოცირება. მისი საყვარელი ტაქტიკააა – „ცეცხლოვანი კარუსელი“ ანუ განუწყვეტელი, შემაწუხებელი დარტყმები წუთში ათი გასროლის ინტენსივობით, თანაც დიდ სივრცეზე, იმ მიზნით, რომ ამას მოჰყვება მტრის კონტრშეტევის პროვოცირება და მისი პოზიციების გამოაშკარავება.
8 ივნისს, უკრაინის არმიის ხელმძღვანელობას ნერვებმა უმტყუნა. უკრაინის მთავრობამ მე-9 საარმიო კორპუსის ძირითადი ძალები (33-ე და 47-ე ცალკეული მექანიზებული ბრიგადები, რომლებიც აღჭურვილი იყო „ლეოპარდის“ ტანკებით და – „ბრედლის“ ქვეითთა საბრძოლო მანქანებით, გადაისროლა სოფელ რობოტინოსთან და ისინი მოჰყვნენ რუსების დაგებულ მახეში.
უკრაინელები, რომლებიც აპირებდნენ მტრის არტილერიისა და ტანკების განადგურებას, მიადგნენ მალაია ტოკმაჩოვკას, სადაც ვრცელ დანაღმულ მინდვრებში, ისინი დაწვეს რუსული ტანკსაწინააღმდეგო რაკეტებით, ტანკებით, არტილერიითა და დამრტყმელი ვერტმფრენებით КА- 52 „ალიგატორებით“.
ობიექტურობისა და ისტორიული სამართლიანობისთვის უნდა ითქვას, რომ გენერალი რომანჩუკი არ არის ამ თავდაცვითი ტაქტიკის ავტორი, მაგრამ სწორედ მან გამოსცადა ის წარმატებით და განამტკიცა რუსული საექსპედიციო მისიის დროს სირიაში – ჰანაზერსა და ალეპოში – 2016 წელს, სადაც ერთხელ და სამუდამოდ დადასტურდა მანევრირებადი თავდაცვის უპირატესობა – პოზიციურთან შედარებით.
უდავოა, სწორედ გენერალმა ალეკსანდრ რომანჩუკმა დაარღვია უკრაინული შეტევის გრაფიკი ზაპოროჟიეში. მიუხედავად რეზერვის ამოწურვისა, მან ზღუდეები გააძლიერა 2 საჰაერო-სადესანტო დივიზიისა და სხვა ნაწილების მეშვეობით და „ხერხემალში გადაამტვრია“ უკრაინული შეტევა ზაპოროჟიეში.
გენერალს ახასიათებს თანამედროვე სამხედრო ოპერაციების სიღმისეული წვდომა, ის არის სამხედრო გამოცემებში გამოქვეყნებული საინტერესო სტატიების ავტორი, მათ შორის მანევრირებად თავდაცვაზე. გენერალი რომანჩუკი ზაპოროჟიეში ბრძოლისას უნარიანად უხამებდა ერთმანეთს თეორიასა და პრაქტიკას, წარმატებით უმკლავდებოდა კრიზისულ სიტუაციებს და თავს ართმევდა ხელმძღვანელობის მიერ მის წინაშე დასმულ ამოცანებს.
ზაპოროჟიეს ბრძოლა, ბახმუტის შეტაკებასთან ერთად, განხორციელდა უკრაინული შეტევის სამი ძირითადი მიმართულებიდან ერთ-ერთ – საკვანძო ხაზზე და ამდენად, რომანჩუკის წვლილი იერიშის შეკავებაში, უდავოდ თვალსაჩინოა.