ISW აშშ
მეისონ კლარკი
რუსეთის თავდაცვის მინისტრი სერგეი შოიგუ, როგორც ჩანს, აპირებდა, შეენელებინა ან შეეჩერებინა დასავლეთის სამხედრო დახმარება უკრაინისადმი ან დაესუსტებინა ჩრდილოატლანტიკური ალიანსი – 23 ოქტომბერს გამართული სატელეფონო საუბრებით. ამ დღეს, შოიგუმ – რიგრიგობით დაურეკა თავის კოლეგებს საფრანგეთში, თურქეთში, გაერთიანებულ სამეფოში, შეერთებულ შტატებში და განუცხადა მათ, რომ უკრაინა აპირებს სხვისი დროშის ქვეშ ბინძური ბომბით (ჩვეულებრივი ასაფეთქებელი ნივთიერება, რომელშიც შერეულია რადიოაქტიური მასალები, თუმცა ის არ წარმოადგენს ბირთვულ ბომბს) სარგებლობას, რათა რუსეთი დაადანაშულოს მასობრივი განადგურების იარაღის გამოყენებაში
რუსეთის მასობრივი ინფორმაციის საშუალებებმა გაამყარეს, ეს ცრუ და ბრიყვული მოსაზრება. რუსეთის თავდაცვის უწყების ანგარიშები ამ საუბრების შესახებ, ოდნავ განსხვავებულია: ისინი ამტკიცებს, რომ შოიგუმ თავის ფრანგ კოლეგასთან განიხილა „მყარი ტენდენცია შემდგომი უკონტროლო ესკალაციისა“, იმსჯელა „სიტუაციაზე უკრაინაში“ და აცნობა დიდი ბრიტანეთს, საფრანგეთსა და თურქეთს იმის შესახებ, რომ უკრაინა აპირებს ბინძური ბომბის გამოყენებას. თუმცა ეს ბომბი არ უხსენებია 21 ოქტომბერს – ოსტინთან საუბარში. აშშ-ს, გაერთიანებული სამეფოსა და უკრაინის წარმომადგენლებმა, კატეგორიულად უარყვეს და დაგმეს შოიგუს ეს განცხდება. ოსტინი კი შოიგუსთან ზარის შემდეგ, თავის ბრიტანელ კოლეგას დაუკავშირდა.
საფრანგეთსა და თურქეთს, ამ სტატიის პუბლიკაციამდე, არ ჰქონდათ გაკეთებული განცხადებები.
კრემლს სრულიადაც არ ადარდებს ბინძური ბომბი. შოიგუს განცხადება, უბრალოდ აგრძელებს რუსულ საინფორმაციო კამპანიას. ჯერ კიდევ შეჭრის საწყის ეტაპზე (თებერვალში), მოსკოვმა არაერთხელ განაცხადა, რომ დასავლური ქვეყნები ეხმარებოდნენ უკრაინას გამოეყენებინა ბინძური ბომბი სხვისი დროშით. აპრილში, რუსეთის თავდაცვის უწყებამ განაცხადა, რომ ფლობდა ინფორმაციას იმის შესახებ, რომ აშშ ამზადებდა „პროვოკაციებს, რათა რუსეთის შეიარაღებული ძალები, დაადანაშაულოს – ქიმიური, ბიოლოგიური ან ტაქტიკური იარაღის გამოყენებაში“. პუტინმა, 24 თებერვლამდე განაცხადა, რომ უკრაინა ემზადებოდა რუსეთზე ბირთვული შეტევისთვის, ხოლო რუსეთის სახელმწიფო დეზინფორმაციულმა სააგენტოებმა, არაერთხელ თქვეს, რომ დასავლური ქვეყნები ეხმარებიან უკრაინას ბირთვული იარაღის შემუშავებასა და მისი სხვისი დროშით – გამოყენებაში.
შოიგუს განცხადება, ალბათ არ მიუთითებს რუსეთის მხრიდან არასტრატეგიული ბირთვული დარტყმისთვის მზადყოფნაზე. მანამდე, ISW-მ განაცხადა, რომ ომის შემსწავლელ ინსტიტუტს, არ შეუძლია ზუსტად განჭვრიტოს, როდის მიიღებს პუტინი ასეთი დარტყმის გადაწყვეტილებას – ამგვარი რამ, როგორც ჩანს, პუტინს პიროვნულად უკავშირდება, ის კი აცხადებს, რომ ამ ომში მოსკოვის დაწესებული „წითელი ხაზები“ რამდენჯერმე უკვე გადაიკვეთა, მაგრამ ამას რუსეთის მხრიდან „ბირთვული ესკალაცია არ მოჰყოლია“. რუსეთის ბირთვული დოქტრინის თანახმად, მოსკოვს, „ატომური იარაღის გამოყენების შემთხვევაში, არ სჭირდება შემდგომი დასაბუთება.“ ამდენად, შოიგუს კომენტარები არ უნდა მოასწავებდეს იმას, რომ განხორციელდება ერთი ან რამდენიმე დასახლებული პუნქტისა და კრიტიკული ინფრასტრუქტურის დაბომბვა იმ იმედით, რომ ამის შემდეგ უკრაინა დანებდება და დასავლეთი შეწყვეტს კიევის დახმარებას. ასეთი დარტყმის შემთხვევაში, უკრაინა და დასავლეთი, სავარაუდოდ არ დანებდებიან, ვინაიდან უკრაინის ხელისუფლებამ და მისმა ხალხმა არაერთხელ გამოავლინა ურყევი ნება – გააგრძელოს საბრძოლო მოქმედებები, ხოლო დასავლეთს, ძალიან გაუჭირდება ხელების ჩამოშვება და კაპიტულაციასთან შეგუება.
ასე რომ, შოიგუს მოწოდებები და რუსეთის სახელმწიფო მედიის ძალისხმევა – ხელოვნურად შექმნას „ ბინძური ბომბის“ საფრთხე – უფრო გამიზნულია იმისკენ, რომ დააშინოს დასავლეთი სახელმწიფოები და აიძულოს ისინი, შეზღუდონ უკრაინის მხარდაჭერა იმ ვითარებაში, როცა რუსეთი აწყდება მორიგ სამხედრო წარუმატებლობებს და წლის ბოლომდე, ის დიდი ალბათობით დაკარგავს ხერსონის დასავლეთ ნაწილს. მაისიდან მოყოლებული, ISW თვლის, რომ პუტინი ცდილობს დაიყოლიოს უკრაინა მოსკოვისთვის ხელსაყრელ პირობებზე და შეაკავოს დასავლეთის მხარდაჭერა – ბირთვული იარაღის გამოყენების ზღვარზე. საგულისხმოა შოიგუს ზარების ადრესატთა ჩამონათვალიც. კრემლმა არაერთხელ გამოაცხადა აშშ და ბრიტანეთი უკრაინის მხარდამჭერებად, იმ დროს, როცა საფრანგეთი და თურქეთი (სხვადასხვა დოზით), ამ კონფლიქტში მომრიგებლებად პოზიციონირებდნენ. შოიგუს სატელეფონი ზარები, ალბათ იარაღის მორიგი ჟღარუნია რუსეთის მხრიდან, რათა დააშინოს უკრაინის დასავლელი მოკავშირეები, გააფართოოს ბზარი ალიანსის შიგნით და არა ბირთვული იარაღის გარ დაუვალი გამოყენების პირობა, რომელიც დასავლეთს წაუყენეს.