The Spectator დიდი ბრიტანეთი
ქეთი ბოლზი
საჭიროა 100 დეპუტატობის კანდიდატის მხარდაჭერა პარლამენტში, რათა გააღწიო კონსერვატორთა ლიდერობისთვის რბოლის შემდეგ ეტაპზე. წამმზომი ჩართულია: ბორის ჯონსონი ჯერჯერობით ლიდერობს – 37 მხარდამჭერით, რიში სუნაკს – 36 ქულა აქვს, პენი მორდაუნთს – 15. ეს მონაცემები გადაეცემა წევრთა შემადგენლობას სწრაფი გადაწყვეტილების მისაღებად, თუ ფინალისტები არ მივიდნენ ჯენტლმენურ გარიგებამდე. და მაინც, როგორ უნდა მოხდეს ეს?
ადრე, The Spectator-ის ფურცლებზე, მე ვივარაუდე 4 სცენარი, რომელიც შესაძლოა განვითარდეს. საკითხი, რომლის გამო დეპუტატებმა თავი მოიყარეს, დგას ასე: „რიში საშობაოდ“ თუ „ბორისის რესტავრაცია“.
ერთი კვირა – საკმარისად დიდი დროა პოლიტიკაში, ხოლო მომდევნო კვირა შეიძლება ერთ-ერთი ყველაზე დრამატული გამოდგეს.
მოდით დავიწყოთ პირველი ვარიანტით: სუნაკი, რომელმაც მეორე ადგილი დაიკავა ლიდერთა პაექრობაში, უცნაურად მშვიდად გამოიყურებოდა, როდესაც ტრასის პრემიერ-ლიგა დაიშალა. მისმა მომხრეებმა განაცხადეს, რომ მიზეზი, რის გამოც სუნაკმა პარტიული კონფერენცია გამოტოვა იყო ის, რომ მან აცალა კრებას – „შეეგრძნო მომენტი“. შეუძლია თუ არა მას დაასკვნას, რომ მისი ჯერი დადგა? სუნაკის სახელი ხშირად ფიგურირებს დეპუტატთა საუბრებში, რომლებიც განუწყვეტლივ მსჯელობენ: ვინ უკეთ გაართმევს თავს პარტიაში არსებულ უწესრიგობას. როგორც მისი მომხრეები აღნიშნავენ, მან განჭვრიტა და ყველა გააფრთხილა იმის შესახებ, რაც ტრასის ხანმოკლე პრემიერობის დროს მოხდებოდა – იპოთეკურ სესხებზე განაკვეთების ზრდიდან მოყოლებული (მის კამპანიაში აქტიურად გამოიყენებოდა ამგვარი კალკულაცია), ფუნტის გაუფასურებით დამთავრებული. მძიმე ეკონომიკური სიტუაცია, რომელიც ქვეყანაში შეიქმნა, ნიშნავს, რომ არსებობენ დეპუტატები, რომლებმაც ადრე მხარი არ დაუჭირეს სუნაკს, ახლა კი მას შესაფერის კანდიდატად მიიჩნევენ. მაგრამ სუნაკის კრიტიკის მთავარი საგანი, არის პარტიის ერთიანობა. არიან ჯონსონის მომხრეები, რომლებიც ყოფილ კანცლერს ამჟამინდელ კრიზისში ადანაშაულებენ. ეს მოსაზრება პოპულარულია მოსახლეობის დაბალ ფენებში. პარლამენტის წევრები, მაგალითად ნადინ დორისი და ჯეიკობ რის-მოგი, სუნაკს აშკარად გაურთულებენ ცხოვრებას, თუ მან მეათე ადგილი დაიკავა. ის ფაქტი, რომ ორივე მათგანი შესაძლოა მოხვდეს კლუბის შემადგენლობაში, ნიშნავს, რომ ეს ფაქტორი იმუშავებს სუნაკის წინააღმდეგ – განურჩევლად იმისა, ვინ აღმოჩნდება მისი მეტოქე.
ახლა უკვე ბორის ჯონსონის ჯერიც დადგა. THE TIMES-ი იტყობინება, რომ ექსპრემიერი ახდენს ნიადაგის მოსინჯვას, რათა მერე რინგზე საკუთარი შლაპა შეაგდოს. რამდენიმე დეპუტატი უკვე გამოვიდა მისი დაბრუნების მოწოდებით – ამის შესახებ პოლ ბრისთოუმ განაცხადა – SKY NEWS-ზე, რაც ძლიერი სიგნალია ამომრჩეველთათვის და ის ასე ითარგმნება: „დააბრუნეთ ბორისი“. სხვა მომხრეები, მაგალითად დორისი, აცხადებენ, რომ ჯონსონი ერთადერთი ვარიანტია, რომელიც გამორიცხავს საყოველთაო არჩევნების ხელახლა ჩატარებას, რაკი მას უკვე აქვს 2019 წლის არჩევნების მანდატი. მართალია ისიც, რომ ჯონსონის არყოფნაში, ზოგიერთ დეპუტატს, წარსულზე დარდი მოეძალა. არიან დეპუტატები „ ერთიანი ნაციიდან“, რომლებიც ხოტბას ასხამენ ჯონსონის უნარს, წარმართოს წინასაარჩევნო კამპანია. მაგრამ ტრასი ისე მალე გადადგა ჯონსონის წასვლიდან, რომ ნაწილს დეპუტატებისა, ჭრილობა ჯერ არ შეხორცებია. ერთი ყოფილი მინისტრი ამბობს, რომ უადგილოა ჯონსონის დაბრუნების მოთხოვნა, მას შემდეგ, რაც მინისტრების ნაწილი, სწორედ იმიტომ გადადგა, რომ ამას ჯონსონის გადადგომა მოჰყოლოდა. თუ ფინალში სუნაკი და ჯონსონი დაუპირისპირდნენ, მაშინ, რაიმე ჯენტლმენური გარიგება, ძნელი წარმოსადგენია, ანუ ის მდგომარეობა, როცა გამარჯვებული მეორეადგილოსანს ჰპირდება ხელმძღვანელ როლს, რათა მისი წევრობა – თავიდან აიცილოს. „ეს იქნება სასიკვდილი შერკინება“ – გვპირდება ერთ-ერთი ტორი-პარლამენტარი. ჯონსონს დიდად არ ეპიტნავება სუნაკი. სუნაკის მომხრეები წუხან, რომ თუ იგი გალიდერდა და ნაკლებსავარაუდო დეპუტატების მხარდაჭერა მოიპოვა, ჯონსონი მარტო იმიტომ მიიღებს მონაწილეობას, რომ სუნაკი შეაჩეროს. ერთი კვირა – ცოტა დრო არ არის პოლიტიკაში და მომდევნო კვირა შეიძლება ერთ-ერთი ყველაზე დრამატული გამოდგეს.