Цензор.НЕТ უკრაინა
იური ბუტუსოვი
„რუსეთის გეგმა ითვალისწინებდა დაბომბვასა და დაშინებას. მათდა გასაკვირად, რუსები გადააწყდნენ გააფთრებულ წინააღმდეგობას, რამაც, უკიდურესად მძიმე ბუნებრივ პირობებთან ერთობლიობაში, მალე შეაჩერა მათი შეტევა. თავიდანვე, ფინელებმა ისეთი მძიმე დანაკარგი მიაყენეს მტერს, რომ რუსები იძულებულნი გახდნენ, გაეორმაგებინათ დაბომბვა და ამგვარად დააპირეს ფინელთა საბრძოლო სულისკვეთების გატეხვა.
ამის ნაცვლად, წინააღმდეგობა კიდევ უფრო გაძლიერდა. ამ ხანმოკლე ომის გაკვეთილები ჭკუის სასწავლებელია.
გაკვეთილი პირველი – ის გვასწავლის იმას, რომ სახიფათოა მოწინააღმდეგის დაუფასებლობა, რაგინდ სუსტი არ უნდა იყოს იგი. ვარაუდობდნენ რა, რომ ძალის დემონსტრაციაც საკმარისი იქნებოდა ფინელების შესაშინებლად და მათი მყისიერ კაპიტულაციაზე დასაყოლიებლად, რუსებმა განიზრახეს, პროპაგანდისტული მიზნებით – ეფექტიანად გამოეყენებინათ რადიო, სასულე ორკესტრები და კინო, მაგრამ სრულად უგულებელყვეს ომის სტრატეგიული, ტაქტიკური ასპექტები და მომარაგების საკითხები.
მეორე: მათ, ვისაც საღი თვალით შეეძლო საგნებზე დაკვირვება, ამ ომმა დაანახა, რომ ჰაერიდან დაბომბვა და საარტილერიო ცეცხლი – ესაა ნელი და არა სწრაფი მეთოდი – გამოფიტო მტერი.
მესამე: თუ იარაღი არ არის კონსტრუირებული ადგილისა და კლიმატის გათვალისწინებით, მაშინ, განურჩევლად მისი გამანადგურებელი ძალისა, ის უსარგებლო ხდება.
მეოთხე: ფინელების მაღალმა მობილურობამ, კიდევ ერთხელ გვაჩვენა, რომ ეს ასპექტი უფრო მნიშვნელოვანია, ვიდრე რიცხობრივი უპირატესობა.
ეს ომი წამოიწყო სახელმწიფომ, რომლის მოსახლეობა ითვლიდა 180 მილიონს, წამოიწყო იმ ქვეყნის წინააღმდეგ, სადაც სულ 3,5 მილიონი კაცი ცხოვრობდა.“
ჯონ ფულერი, ბრიტანელი სამხედრო თეორეტიკოსი, წიგნიდან „მეორე მსოფლიო ომი. სტრატეგიული და ტაქტიკური მიმოხილვა,“ 1948 წელი.
რუსეთის სამხედრო ხელმძღვანელობისა და რუსი პროპაგანდისტების სიხარული, წარმოაჩენს მათ სრულ უვიცობას სამხედრო ისტორიის, სტრატეგიისა და ტაქტიკის სფეროში.
ამჟამად, რუსეთი ხელმძღვანელობს სსრკ-ს 1939 წლის მსგავსი სტრატეგიითა და 1917 წლის ტაქტიკით.
მაგრამ ძალთა თანაფარდობა განსხვავებულია. ამ ზამთრის ომში რუსეთი ვერავის წალეკავს ტანკებით და არც ათმაგი უპირატესობა გააჩნია, უკრაინა კი დახმარებას – მთელი მსოფლიოსაგან იღებს. დარჩა მხოლოდ 39 წლის პროპაგანდა. უკრაინელი ხალხი კი არ შედრკება. ჩვენ ვიმოქმედებთ და უთუოდ გავანადგურებთ მტერს.