უკრაინელი მეომრები ინარჩუნებენ ფრონტის ხაზს დონბასში – ბრძოლაში დასავლური მძიმე შეიარაღება ერთვება

THE WALL STREET JOURNAL   აშშ

იაროსლავ ტროფიმოვი

                              რაკი რუსეთმა ვერ მიაღწია სტრატეგიულ გარღვევას, მწიფდება ხანგრძლივი და სისხლისმღვრელი ბრძოლა – აღმოსავლეთ უკრაინისთვის

მარინკა, უკრაინა – ფრონტის ხაზი, უკრაინელ მებრძოლებსა და რუსეთის მიერ მხარდაჭერილ ძალებს შორის,  დონბასის ამ სოფელზე გადის, იმ დროიდან, რაც 2014 წელს აღმოსავლეთ უკრაინაში კონფლიქტი გაჩაღდა.

„ჩვენ ჯერ კიდევ აქ ვართ, ვდგავართ მტკიცედ და ეს თავისთავად გამარჯვებაა“ – ამბობს უკრაინული არმიის კაპიტანი, მისი ნაღმტყორცნების პოზიციასთან, რუსული სარაკეტო იერიშის შემდეგ.

რაკეტები სოფლის მთავარ მოედანზე დაეცა, ყველაფერი შავ კვამლში გაახვია და ნამსხვრევებით ოქროსგუმბათიანი ეკლესია დააზიანა.

როცა პრეზიდენტმა ვლადიმირ პუტინმა ომი წამოიწყო და მას  „დონბასის დაცვის სპეცოპერაცია“ უწოდა, იმ დროისთვის ის დონბასს – ჯერ კიდევ აღიარებდა უკრაინის ნაწილად.

მარტის ბოლოს, როცა მისმა პირვანდელმა მცდელობამ კიევის დაუფლებისა, ფუჭად ჩაიარა – უკრაინელების მედგარი წინააღმდეგობის გამო, პუტინმა შეცვალა კამპანიის მიზანი და მას დონბასის ყველა რაიონის  „განთავისუფლება“ დაარქვა, რომელთა მნიშვნელოვან ნაწილს, მაშინ უკრაინის მთავრობა აკონტროლებდა.

რუსეთის სამკვირიანი მასირებული შეტევის შემდეგ, რომელიც 18 აპრილს დაიწყო, მოსკოვის მონაგარი – სულ ცოტა მოკრძალებულია. ამ დღეებში, სენატში გამოსვლისას, გენერალ ლეიტენანტმა სქოთ ბერიერმა ( აშშ-ს თავდაცვის სამინისტროს სადაზვერვო სამმართველოს მეთაური), ომის მიმდინარე ეტაპი – „პატურ სიტუაციად“  შეაფასა.

„რუსები ვერ იმარჯვებენ, ამას ვერ აღწევენ უკრაინელებიც“ – აღნიშნა მან.

უკრაინელი, დასავლელი და რუსი ოფიციალური პირების აზრით, მშვიდობის სწრაფად დამყარების პერსპექტივა – მეტად მცირეა