Daily Express დიდი ბრიტანეთი
სოლენ ლე ნეთი
დიდი ბრიტანეთის ჯანდაცვის ეროვნული სამსახური ჩქარობს – აღადგინოს კიბოს მკურნალობაზე კონტროლი, მას შემდეგ, რაც COVID-19-მა ამ სფეროში უწესრიგობა შექმნა. დაავადების რისკის შემცირება, კვლავ რჩება სამედიცინო წრეების პრიორიტეტად. კიბოს კვლევამ მნიშვნელოვნად გააფართოვა ცოდნა დაავადების რისკ-ფაქტორების შესახებ, რომელთაგან ძირითადად რჩება – თამბაქოსა და ალკოჰოლის მოხმარება
მეცნიერთა მიერ ჩატარებული რიგი კვლევების მონაცემები ადასტურებს, რომ გარკვეულ შემთხვევებში, მდუღარე ჩაიმ შეიძლება გაზარდოს კიბოს რისკი.
შესწავლამ აჩვენა, რომ თუ მიიღებთ ჩაის, რომლის ტემპერატურა აღემატება 60 გრადუსს ცელსიუსით, იზრდება საყლაპავი მილის კიბოთი დაავადების რისკი.
International Journal of Cancer-ში გამოქვეყნებული ანგარიში ეფუძნება მონაცემებს, რომლებიც 500 000 ადამიანზე დაკვირვებით მიიღეს. მონაწილეებმა წარმოადგინეს ინფორმაცია, მათი სოციალურ-ეკონომიკური სტატუსისა და იმ ფაქტორების შესახებ, რომლებიც კიბოს რისკის შემცველად ითვლება.
„ბევრს უყვარს ჩაი, ყავა და სხვა ცხელი სასმელები, რამაც შესაძლოა გაზარდოს საყლაპავი მილის კიბოს რისკი. ამდენად, მათ გამოყენებამდე, უმჯობესია მოვიცადოთ, ვიდრე სასმელი არ გაგრილდება“.
პირველ ეტაპზე, მონაწილეებს შესთავაზეს ჩაი, რომლის ტემპერატურა შეადგენდა 75 გრადუსს და დაადგინეს, რამდენად შეესაბამებოდა ამ ტემპერატურის სასმელი მათ მოთხოვნილებას.
კვლევის მონაწილეებს აკვირდებოდნენ რამდენიმე წლის განმავლობაში, რათა თვალი მიედევნებინათ მათი ჯანმრთელობისთვის.
მიღებული მონაცემებით, მათსა (ვინც 60 გრადუსზე ცხელ ჩაის სვამდა) და იმ ხალხს შორის, რომლებიც უფრო დაბალი ტემპერატურის ჩაის მიირთმევდნენ, დაავადების შემთხვევები – ორჯერ განსხვავდებოდა.
ეს ციფრები, ამყარებს ინფორმაციას იმის შესახებ, რომ კავშირი – ცხელ სასმელებსა და საყლაპავი მილის კიბოს შორის, ნამდვილად არსებობს.
საზოგადოებრივი ჯანდაცვის მიზნებიდან გამომდინარე, გონივრული იქნება ამ შედეგების ექსტრაპოლაცია სხვა ცხელ სასმელებზე და ადამიანებისთვის რჩევის მიცემა: დაელოდონ სასმელის გაგრილებას 60 გრადუსზე დაბალ ტემპერატურამდე და შემდეგ გამოიყენონ ის“ – ამბობენ მკვლევარები.
„ირანში, სადაც ეს კვლევა ჩატარდა, საყლაპავი მილის კიბოს მაჩვენებელი მაღალია და თუ რისკი მცირედით მაინც გაიზარდა, ამას მასშტაბური ეფექტი ექნება. მაგრამ ეს მონაცემი, ვერ გავრცელდება დიდი ბრიტანეთზე, სადაც საყლაპავი მილის კიბო, ავთვისებიანი სიმსივნით დაავადებული ყოველი 100 ადამიანიდან, მხოლოდ სამს აქვს“ – ამბობენ ორგანიზაციაში.
Cancer Research UK-ში ასევე აღნიშნავენ, რომ „ყველა ქვეყანაში – ტრადიცია განსხვავებულია. ბრიტანეთში – ჩაის რძეს ამატებენ, ამდენად, ის მალე გრილდება“.
ამას გარდა კვლევის ავტორები მიუთითებენ, რომ არსებობს კიბოს გამომწვევი უფრო ძლიერი ფაქტორები, ვიდრე ჩაი – მაგალითად თამბაქო და ალკოჰოლი.