ამერიკელი დაქირავებულები ისევ იღუპებიან უკრაინაში

The Washington Post აშშ

ალექს ჰორთონი, დენ ლამოტი

  იმის კვალად, რომ ამერიკის უკანასკნელი ომები წარსულს ჩაბარდა, ზოგიერთი ვეტერანი, მაინც იღებს ხელში იარაღს და უკრაინაში მიდის. სულ ცოტა, 16 მათგანი უკვე გამოესალმა სიცოცხლეს რუსულ არმიასთან ბრძოლაში

ეს ამერიკელი ვეტერანები უკრაინაში გაემგზავრნენ, როგორც კერძო პირები – მათ ყურად არ იღეს პრეზიდენტ ბაიდენისა და მისი ადმინისტრაციის ჩინოვნიკების შეგონება, რომ ბრძოლის ველზე შესვლა, მოასწავებდა სასიკვდილო საფრთხეს.

სადღეისოდ უცნობია, ზუსტად რამდენი ამერიკის მოქალაქემ გადაწყვიტა ასეთ რისკზე წასვლა, შესაძლოა მათი რიცხვი ათასობით იყოს. როგორც უკრაინის ხელისუფლება იტყობინება, ომის დაწყებიდან, უკრაინის შეიარაღებული ძალების უცხოურ ლეგიონში სამსახურის სურვილი, გამოთქვა 20 ათასზე მეტმა აშშ-ს მოქალაქემ. კონტრაქტის გაფორმების შემდეგ, მათ ყოველთვიურად ეძლევათ 500-დან – რამდენიმე ათას დოლარამდე.

უკრაინაში დაღუპული აშშ-ს მოქალაქეებმა The Washington Post-ს უამბეს, რომ გადაწყვეტილება, საკუთარ სახლში ასე თუ ისე  მშვიდი ცხოვრება,  გაეცვალათ ბრძოლის ველზე ყოფნაში, თანაც ქვეყანაში, რომელიც არ იყო მათი სამშობლო, ნაწილობრივ ნაკარნახევი იყო იმ იდეალების რწმენით, რამაც აიძულა ისინი ამერიკულ ჯარში ემსახურათ, თუმცა ზოგიერთ ვეტერანს, ამისკენ უბიძგებდა სურვილი – გაქცეოდა პირად პრობლემებს ან მას მოქმედების ჟინი ამოძრავებდა.