Le Figaro საფრანგეთი
ვლადიმირ პუტინმა და სი ძინპინმა სამშაბათს მიაღწიეს შეთანხმებას, ჩინეთის მიმართულებით გაზსადენის ახალ მასშტაბურ პროექტზე, სახელწოდებით -„ციმბირის ძალა – 2“, რაც გამოხატავს მოსკოვის მისწრაფებას, საერთაშორისო სანქციების პირობებში, ორიენტაცია აიღოს აზიურ ბაზარზე
პუტინის თქმით, „ექსპლუატაციაში შესვლის შემდეგ, გაზსადენით, რომლის სიგრძე შეადგენს 2 600 კოლომეტრს, ციმბირი, მონღოლეთის გავლით, დაუკავშირდება ჩინურ სინცზიანს და ყოველწლიურად გაატარებს 50 მილიარდ კუბურ მეტრ გაზს“. ამასთან რუსეთის ლიდერს არ დაუზუსტებია პროექტის რეალიზაციის ვადები, რომელიც დამატებითი არხი იქნება უკვე არსებული გაზსადენისა „ციმბირის ძალა“. ეს გაზსადენი სათავეს იღებს რუსეთის შორეულ აღმოსავლეთში.
2030 წლის ამოცანაა: ჩინელ მოკავშირეს მიაწოდოს ჯამურად 98 მილიარდი კუბური მეტრი გაზი მილსადენის საშუალებით და 100 მილიონი ტონა თხევადი ბუნებრივი აირი, ასეთ პირობას დებს რუსეთის ლიდერი. ვლადიმირ პუტინმა სი ძინპინს აღუთქვა, რომ რუსეთი დააკმაყოფილებს ჩინეთის მზარდ მოთხოვნას ენერგომატარებლებზე, მეტადრე იმ სიტუაციაში, როცა რუსული ნახშირწყალბადები იმყოფება სანქციების ქვეშ.
შემაჯამებელ ერთობლივ განცხადებაში, 2 ქვეყნის ლიდერებმა ხაზი გაუსვეს სურვილს, გააღრმავონ მჭიდრო პარტნიორობა ენერგეტიკულ სექტორში.