BBC დიდი ბრიტანეთი
ადამ ისთონი
უცხოელ მოქალაქეთა ჯგუფი დააკავეს რუსეთის სასარგებლოდ შპიონაჟის ბრალდებით, აცნობა BBC-ის – ორმა სახელმწიფო მოხელემ.
რადიოსადგური RMF FM-ი იტყობინება, რომ პოლონეთის უსაფრთხოების სამსახურებმა გამოაშკარავეს ჯაშუშური ქსელი, რომელიც მუშაობდა რუსეთის დავალებით
გამოცხადდა: 6 პირი დააკავეს იმის გამო, რომ მათ ფარულად დაამონტაჟეს კამერები, რათა გადაეღოთ სატრანსპორტო ინფრასტრუქტურა, რომლის გამოყენებითაც ხდება დახმარების მიწოდება უკრაინისთვის.
RMF FM-მა გვაცნობა, რომ ეს ჯგუფი ამუშავებდა საბოტაჟის გეგმას.
ათწლეულის განმავლობაში მიმდინარე რუსეთ-დასავლეთის კონფლიქტი უკიდურესად გამწვავდა მას შემდეგ, რაც უკრაინაში ომი დაიწყო.
პოლონეთი ითვლება უკრაინის ერთ-ერთ უმთავრეს მოკავშირედ. მისი უსაფრთხოების ძალებმა რამდენიმე პირი, რუსეთის სასარგებლოდ ჯაშუშობისთვის, ჯერ კიდევ გასული წლის თებერვალში დააკავეს.
უკრაინა: ჯაშუშური ომი – ომში
რადიოსადგურის მონაცემებით, ხსენებულმა ჯგუფმა ათობით კამერა დააყენა სარკინიგზო კვანძებთან და მნიშვნელოვან სატრანსპორტო მარშრუტებზე პოლონეთის კარპატისპირა ვოევოდინაში, რომელიც ესაზღვრება უკრაინას.
რამდენიმე კამერა იპოვეს მცირე რეგიონულ აეროპორტთან ახლოს, რომელიც გადაიქცა საერთაშორისო ლოგისტიკურ ცენტრად, საიდანაც ხდება სამხედრო და ჰუმანიტარული დახმარების მიწოდება უკრაინისთვის.
სამხედრო და სატვირთო თვითმფრინავები რეგულარულად ეშვება აეროპორტში – ჟეშევ-იასენკა და აქედანვე ბრუნდება უკან. „ჰამვეების“ გვერდით თვალს მოკრავთ ამერიკელ სამხედროებს, რომლების ახდენენ მიღებული ტვირთის გადატანას გადამზიდავ მანქანებზე და ისინი გადის 100 კილომეტრს უკრაინის საზღვრამდე.
ობიექტი, იმდენად მნიშვნელოვანია, რომ ვაშინგტონმა, აეროდრომის დასაცავად, აქ განათავსა ამერიკული საჰაერო თავდაცვის სისტემა Patriot-ი. აშშ-ს პრეზიდენტმა ჯო ბაიდენი აღნიშნულ აეროპორტში, კიევში ვიზიტის დროს, გზად შეიარა.
კრიტიკული ინფრასტრუქტურის ობიექტების დაცვა – გაძლიერებულია, იტყობინება RMF FM-ი.
პოლონეთის შინაგან საქმეთა მინისტრი მარიუშ კამინსკი, რომელიც კურირებს შიდა უსაფრთხოების სააგენტოს და რომლის თანამშრომლებმაც განახორციელეს დაკავებები, აპირებს, მედიის წინაშე გამოსვლას RMF FM-ის რეპორტაჟებთან დაკავშირებით.
ბოლო ერთი წლის განმავლობაში, რამდენიმე პირი დააკავეს შპიონაჟის ბრალდებით. გასულ თვეში პროკურატურამ ბრალი წაუყენა რუსეთის მოქალაქეს, რომელიც დიდი ხანია ცხოვრობს ამ ქვეყანაში. მას ინკრიმინირებული აქვს რუსეთის სასარგებლოდ ჯაშუშობა – 2015-2022 წლებში.
ეს მამაკაცი ბიზნესს ეწეოდა პოლონეთში და წინასწარი მონაცემებით ჩართული იყო ისტორიული რეკონსტრუქციის ჯგუფში. ამ გზით, მან დაამყარა კავშირები პოლონელ სამხედროებთან.
ის დააპატიმრეს გასული წლის აპრილში ჩატარებული გამოძიების შედეგად, რომლის დროსაც გაირკვა, რომ ის ინფორმაციას აგროვებდა სამხედრო შენაერთების ორგანიზაციულ სტრუქტურებზე ქვეყნის ჩრდილო-აღმოსავლეთ რეგიონში.
რუსული წარმოშობის ესპანეთის ერთ-ერთი მოქალაქე, როგორც ირკვევა, წარმოადგენდა რუსეთის სამხედრო დაზვერვის სამმართველოს ((ГРУ) აგენტს და ის დააკავეს პოლონეთის სამხრეთ-აღმოსავლეთში. ისიც ეჭვმიტანილია რუსეთის სასარგებლოდ შპიონაჟში.
გასული წლის მარტში, ვარშავის სარეგისტრაციო ოფისის თანამშრომელი, ვინმე ტომას ლ. დააპატიმრეს – რუსეთის სპეცსამსახურებისთვის ოპერატიულად მნიშვნელოვანი მონაცემების გადაცემისთვის.