BBC დიდი ბრიტანეთი
მეთ მერფი
პრეზიდენტმა ვლადიმირ ზელენსკიმ პატივი მიაგო დატყვევებული უკრაინელი ჯარისკაცის ხსოვნას, რომელიც სავარაუდოდ გასულ კვირაში მოკლეს რუსმა ჯარისკაცებმა
გადაღების დროს, ალეკსანდრ მაციევსკის არ ჰქონდა იარაღი, დახვრეტამდე, ის ეწეოდა სიგარეტს და იძახდა – „დიდება უკრაინას“.
კვირას პრეზიდენტმა ზელენსკიმ, 42 წლის მეომარს, უკრაინის გმირის წოდება – ქვეყნის უმაღლესი ჯილდო უბოძა.
„დღეს მე უკრაინის გმირის წოდება მივანიჭე ჯარისკაც ალეკსანდრ მაციევსკის“ – განაცხადა კიევიდან მიმართვაში ზელენსკიმ.
„ადამიანს, რომელიც ეცოდინება და სამუდამოდ ემახსოვრება ყველა უკრაინელს, მისი სიმამაცის, ქვეყნისადმი რწმენისა და მისი „დიდება უკრაინას“ გამო“.
მაციევსკი სნაიპერი იყო და მსახურობდა ქვეყნის ჩრდილოეთ რეგიონის – ჩერნიგოვის შენაერთში. როგორც ფიქრობენ, ის მოკლეს გასული წლის ბოლოს აღმოსავლეთ რეგიონში, ბახმუტში მიმდინარე ბრძოლის დროს, ქალაქში, რომლის დაუფლებასაც, რუსეთი რამდენიმე თვეა ცდილობს გამომფიტავი ბრძოლების ხარჯზე.
ჯარისკაცის უკანასკნელი სიტყვები – „ დიდება უკრაინას“, პოპულარული გახდა უბრალო უკრაინელებს შორის, მას შემდეგ, რაც 2014 წელს რუსეთმა მოახდინა უკრაინული ნახევარკუნძულის – ყირიმის ანექსია….
… ჩანაწერში ისმის, რომ მსროლელი, რომელიც სავარაუდოდ რუსი ჯარისკაცია, ამბობს – „ მოკვდი“-ს და დახვრეტის შემდეგ იგინება.
თავიდან სრული ბუნდოვანება სუფევდა ჯარისკაცის ვინაობის თაობაზე. უკრაინელმა სამხედროებმა, ის შეცდომით მიიჩნიეს ტიმოფეი შადურად – ეს იყო ჯარისკაცი, რომელიც ბახმუტთან იბრძოდა და უგზო-უკვლოდ დაიკარგა.
უკრაინის მთავრობა თვლის, რომ ეს მკვლელობა, კიდევ ერთი დასტურია იმისა, რომ ომმა გენოციდის სახე მიიღო. უკრაინამ დაიწყო გამოძიება და პირობა დადო, რომ დაადგენს დამნაშავეებს.
რუსეთს საჯაროდ არ გაუკეთებია კომენტარი ამ ვიდეოჩანაწერის თაობაზე.
ორშაბათს გაკეთებულ განცხადებაში მოლდოვას საგარეო საქმეთა სამინისტრომ განაცხადა, რომ მაციევსკი იყო მოლდოვას მოქალაქეც. უწყებამ დაგმო ეს მკვლელობა და მოსკოვი სამხედრო დანაშაულში ამხილა.
კიევმა და მისმა პარტნიორებმა, რუსეთის არმია დაადანაშაულეს მასობრივ სამხედრო დანაშაულობებში, რაც მოიცავს – წამებას, გაუპატიურებასა და მკვლელობას. ყოველივე ზემოთქმულს, ადგილი ჰქონდა პუტინის ბრძანებით განხორციელებული შეჭრის პირველი დღეებიდან.
გასულ კვირაში გერმანულ გაზეტ BILD-თან ინტერვიუში, მაციევსკის დედამ განაცხადა, რომ ამოიცნო საკუთარი შვილი, რომელიც ომამდე დედაქალაქ კიევში ელექტრიკოსად მუშაობდა.
„ის იქ უიარაღოდ დგას და ამაყობს, რომ უკრაინელია“ – უთხრა მან გამოცემას.
„იგი ყოველთვის იყო გასაოცრად მამაცი. იმ დროს, მას ჰქონდა ერთადერთი იარაღი თავის დასაცავად, ესაა სიტყვები – დიდება უკრაინას!