FOX NEWS აშშ
გრეგ ნორმანი
პილოტი ამბობს, რომ უკრაინის სამხედრო ძალებმა „დიდი დანაკარგი“ იწვნიეს
უკრაინელი პილოტი, რომელიც ადის ცაში თავისი ქვეყნის საჰაერო სივრცის რუსებისგან დასაცავად, ამბობს, რომ უკრაინას მართლაც სჭირდება უფრო თანამედროვე თვითმფრინავები და იარაღი, რათა სიტუაცია „გადატეხოს“ – სხვაგვარად, უკრაინელი პილოტები დარჩებიან „უბრალოდ სამიზნედ“, ტექნოლოგიურად უფრო დაწინაურებული შემტევი ძალების წინაშე
29 წლის მფრინავი-გამანადგურებელი, რომელმაც მხოლოდ მეტსახელის -„სოკის“ გამხელა ისურვა, ეს მოსაზრება გაუზიარა Washington post-ს მას შემდეგ, რაც პოლონეთმა და სლოვაკეთმა განაცხადეს თავისი გეგმები – ვლადიმირ ზელენსკის მეომრებისთვის თვითმფრინავების (Миг-29-ის) გადაცემის შესახებ.
„ჩვენ მზად ვართ იმისთვის, რომ თავი გავწიროთ“- ამბობს „ჯუსი“ ხსენებულ გაზეთთან საუბარში და განმარტავს, რომ რეაქტიული თვითმფრინავები Миг-29-ები, რომლებითაც ის დაფრინავს, მას და მის კოლეგებს „უბრალოდ სამიზნედ“ აქცევს, გაცილებით თანამედროვე რუსულ ხომალდებთან დაპირისპირებაში. „მაგრამ ამ მდგომარეობას, რა თქმა უნდა არ ვეგუებით, რადგან ისინი ანადგურებენ ჩვენ ქალაქებს, ჩვენ ოჯახებს…“
„უკრაინის საჰაერო ძალებში დანაკარგი თითქმის ყოველდღიურია“ – დასძენს ის. „თქვენ ამას ტელევიზორში ვერ ნახავთ, რადგან ყველაფერი გასაიდუმლოებულია, სინამდვილეში კი დანაკარგი დიდია. ამიტომ რუსებს ტექნიკურად უნდა გავუთანაბრდეთ. მარტო ჩვენი მენტალური უპირატესობა, არ არის საკმარისი ამ ტექნოლოგიებთან საბრძოლველად.“
გაზეთი იუწყება, რომ მოკავშირეები განიხილავდნენ უკრაინაში Миг-29-ების გაგზავნას, რადგან ამ ქვეყნის მფრინავებმა იციან მათი გამოყენება – აშშ-ს სამხედრო-საჰაერო ძალების გადამდგარმა გენერალმა – ჰერბერტ კარლაილმა აღნიშნა, რომ მათთვის F-16-ის გადაცემის შემთხვევაში, უკრაინელ პილოტებსა და ოპერატორებს მოუწევთ შეისწავლონ „მნიშვნელოვნად განსხვავებული“ საფრენი სისტემები და მათი ტექნიკური მომსახურების პროცედურები.
თუმცა „ჯუსმა“ და მეორე უკრაინელმა პილოტმა Washington post-ს განუცხადეს, რომ სწავლების მრუდი, არც ისეთი „ციცაბოა“ და უკრაინელ მფრინავებს 2 კვირაც ეყოფად, რათა F სერიის აპარატების მართვა აითვისონ.
„ჯუსმა“ ასევე თქვა, რომ უკრაინელები ცაში ხშირად მიმართავენ იმპროვიზაციას, რომ ტექნოლოგიური ჩამორჩენა აღმოფხვრან, ხან კი ახერხებენ რუსი პილოტების იმ ზონებში შეტყუებას, სადაც მათ დარტყმებს საჰაერო თავდაცვა აყენებს.
„ვცდილობთ, ვიმოქმედოთ არასტანდარტულად, ზოგჯერ ეს ამართლებს, ზოგჯერ არა“ – ამბობს „ჯუსი“ Washington post-თან ინტერვიუში. დროდადრო გვხვდებიან უბრალოდ ბრიყვები – რუსები ხშირად წარმოაჩენენ თავის არაკომპეტენტურობასა და მეტოქის დაუფასებლობას“.
„მაგრამ მთლიანობაში, სამწუხაროდ ვერ ვახერხებთ ჰაერში უპირატესობის მოპოვებას“ – თქვა მან და დასძინა, რომ დასავლეთის ქვეყნებმა უკრაინას უნდა გადასცენ თანამედროვე ჰაერსაწინააღმდეგო სისტემები, თუკი არ შეუძლიათ განახლებული თვითმფრინავების მიწოდება.