AL JAZEERA ყატარი
ვინაიდან რუსეთის არმია დონბასში ალყაში მოქცევით ემუქრება, უკრაინა – აშშ-სგან ზალპური ცეცხლის სისტემებს ითხოვს
ამერიკის შეერთებული შტატები არ გაგზავნის უკრაინაში სარაკეტო სისტემებს, რომლებიც შეიძლება მისწვდეს რუსეთს, განაცხადა ორშაბათს ჯო ბაიდენმა.
აშშ-ს პრეზიდენტის კომენტარები მოჰყვა ცნობებს იმის შესახებ, რომ ბაიდენის ადმინისტრაცია ემზადება, კიევს რუსეთთან საბრძოლველად გაუგზავნოს შორეული მოქმედების თანამედროვე სარაკეტო სისტემები.
„ჩვენ არ ვაპირებთ უკრაინაში სარაკეტო სისტემების გაგზავნას, რომლებიც რუსეთს მისწვდება“, განაცხადა ორშაბათს ჟურნალისტებთან თეთრ სახლში შეხვედრისას ბაიდენმა, იუწყება საინფორმაციო სააგენტო REUTERS-ი. უკრაინელ ჩინოსნებს სურდათ უფრო შორს მოქმედი სისტემები – სახელწოდებით, Multiple Launch Rocket System-ი ან MLRS-ი, რომელთაც შეუძლია ასობით მილზე რაკეტების ზალპური გაშვება. გაურკვეველი დარჩა, თუ რომელ სისტემას გულისხმობდა ბაიდენი თავის გამოსვლაში.
პარასკევს CNN-ი და THE WASHINGTON POST-ი იტყობინებოდნენ, რომ ბაიდენის ადმინისტრაცია იხრება ზალპური ცეცხლის სარაკეტო სისტემისა და ასევე სხვა სისტემის – მაღალი მობილობის სარაკეტო საარტილერიო HIMARS-ის უკრაინისთვის გაგზავნისკენ – ფართო სამხედრო დახმარების ფარგლებში.
უკრაინის მთავრობამ მოუწოდა დასვლეთს, მიაწოდოს მას შორს მოქმედი იარაღი, რათა შეიტანოს გარდატეხა ომში, რომელიც უკვე მე-4 თვეა მიმდინარეობს. ამერიკელმა ჩინოსნებმა განაცხადეს, რომ ამგვარი სისტემების გადაცემის საკითხი – აქტიურად განიხილებოდა.
აშშ-მ უკრაინელ მებრძოლებს გადასცა ათასობით გადასატანი საზენიტო რაკეტა STINGER-ი და ანტისატანკო რაკეტა JAVELIN-ი, ასევე თანამედროვე უპილოტოები და საველე არტილერია.
რუსეთის საგარეო საქმეთა მინისტრმა სერგეი ლავროვმა, გასულ კვირაში გააფრთხილა დასავლეთის სახელმწიფოები, თავი შეიკავონ უკრაინისთვის ისეთი იარაღის გადაცემისგან, რომელსაც შეუძლია რუსეთის ტერიტორიის დაზიანება. მან თქვა, რომ ეს იქნებოდა „სერიოზული ნაბიჯი დაუშვებელი ესკალაციისკენ“.
უკრაინის საგარეო საქმეთა მინისტრმა განაცხადა, რომ მისი ქვეყნის გადაუდებელი საჭიროება, შეიძლება გამოიხატოს – 2 აბრევიატურით: ზცსს-თი (ზალპური ცეცხლის სარაკეტო სისტემა) და ASAP-ით – და რომ პრობლემის გადაჭრა უნდა მოხდეს, რაც შეიძლება მალე.
25 მაისსს უკრაინის საგარეო უწყების ხელმძღვანელმა დმიტრი კულებამ აღნიშნა, რომ სიტუაცია დონბასში „უკიდურესად მძიმეა“. სარაკეტო სისტემებმა უნდა შეაძლებინონ უკრაინულ ძალებს – ბრძოლით დაიბრუნონ ისეთი ადგილები, როგორიცაა, სამხრეთ ქალაქი ხერსონი. რუსეთი უკრაინასი 24 თებერვალს შეიჭრა.
დავოსში, მსოფლიო ეკონომიკურ ფორუმზე ყოფნისას, კულებამ კულუარებში განაცხადა, რომ მას ჰქონდა 10-მდე ორმხრივი შეხვედრა ლიდერებთან, რომელთა ქვეყნები ფლობენ ამგვარ სისტემებს, იუწყება The Associated Press-ი.
„პასუხად მესმის: „ამერიკელებმა თქვენ უკვე მოგაწოდეს ეს იარაღი“ – მიანიშნა მან ამერიკის ლიდერობაზე – ასე რომ, ლიდერობა მძიმე ტვირთია, ყველა შენ შემოგყურებს. ამდენად ვაშინგტონმა უნდა შეასრულოს დაპირება და მოგვაწოდოს ზალპური ცეცხლის სარაკეტო სისტემები, თანაც უსწრაფესად. სხვები მის მაგალითს მიბაძავენ.“
„თუ ჩვენ, შეძლებისდაგვარად სწრაფად არ გადმოგვცემენ ზცსს-ს, მაშინ სიტუაცია დონბასში, კიდევ უფრო გაუარესდება“ – დასძინა მან.
„თითოეული დღე, გატარებული – ვაშინგტონში, ბერლინში, პარიზსა და სხვა დედაქალაქებში – იმაზე ფიქრში, ღირს, თუ არ ღირს, ჩვენ გვიჯდება ადამიანების სიცოცხლისა და ტერიტორიების დაკარგვად“.
რუსეთის შეჭრიდან – უკრაინაში დაიღუპა 4 000 მშვიდობიანი მოქალაქე, ხოლო მილიონობით ადამიანმა საცხოვრებელი მიატოვა.