THE WALL SREET JOURNAL აშშ
დრიუ ჰინშოუ
ჩეხეთის რესპუბლიკამ – უკრაინას საბრძოლო ვერტმფრენები გადასცა და სლოვაკეთის მსგავსად, უკრაინელ მებრძოლებს შესთავაზა, ათობით ჯავშანმანქანის შესაკეთებლად თავისი საზღვრების გადაკვეთა, მათი კონფლიქტის ზონაში დაბრუნებამდე. ეს მნიშვნელოვნად აძლიერებს დასავლეთის მხარდაჭერას უკრაინისადმი – რუსეთთან ომში
საბჭოთა წარმოების МИ-24-ები უკრაინაში გაიგზავნა ბოლო კვირეების განმავლობაში, რათა დასავლური დახმარების ფარგლებში, უკრაინას აღედგინა პარიტეტი საკუთარ საჰაერო სივრცეში. ორშაბათს, აშშ-ს თავდაცვის მინისტრმა – ლოიდ ოსთინმა, ჩეხებს მადლობა გადაუხადა საჩუქრისთვის თავის საჯარო კომენტარებში, მოკავშირეებთან თავდაცვის საკითხებზე გამართული შეხვედრის დროს.
ამ საჩუქრით, ჩეხეთი, რომელიც პირველი ნატოს წევრი იყო, ვინც უკრაინისათვის ტანკების გადაცემა გამოაცხადა, ასევე პირველი აღმოჩნდა, ამ ქვეყნისთვის საბრძოლო ვერტმფრენების მიწოდების მხრივაც. ჩეხეთმა გაიღო დიდი ნაწილი იმ 17 000 ტანკსაწინააღმდეგო იარაღისაც, რომელიც ნატოს მოკავშირეებმა უკრაინას გადასცეს ომის დაწყებიდან პირველი კვირეების განმავლობაში. მისმა მეზობელმა სლოვაკეთმა კი უკრაინას მიაწოდა С-300, რათა უკრაინას აღედგინა კონტროლი საკუთარ საჰაერო სივრცეზე.
ეს დახმარება მიუთითებს, რომ ნატოს სამხედრო ალიანსის აღმოსავლეთ ფლანგი – უკრაინის საკვანძო მიმწოდებელია, ამ ქვეყანაში მიმდინარე ფართომასშტაბიანი კონვენციური კონფლიქტის დროს. პოლონეთმა, სლოვაკეთმა და ჩეხეთის რესპუბლიკამ – უკრაინას გადასცეს შეიარაღების ძირითადი სისტემები, დიდწილად იმიტომ, რომ კომუნისტური ბლოკის ყოფილი წევრი, ეს 3 ქვეყანა დღემდე ინარჩუნებს საბჭოეთის მიერ შემუშავებული შეიარაღების მარაგებს, რომელსაც უკრაინა იყენებს. ამას გარდა, ამ სახელმწიფოების ხელისუფლებები – რუსეთს საკუთარი დამოუკიდებლობის საფრთხედ აღიქვამენ.
აპრილში, სლოვაკეთმა, უკრაინას გადასცა საზენიტო-სარაკეტო კომპლექსი С-300. საპასუხოდ აშშ-მ სლოვაკეთს „პეტრიოტების“ სარაკეტო ბატარეა მიაწოდა. ჩეხეთის რესპუბლიკამ უკრაინას 10-ზე მეტი საბჭოთა Т-72М-ი, ასევე 10 000 ნაღმტყორცნი და ჰაუბიცები გაუგზავნა.