„დრამა“, „შოკი“, „აღმაშფოთებელი“. საფრანგეთის პოლიტიკური კლასის რეაქციები – ტრამპზე მომხდარ თავდასხმაზე

Le Figaro   საფრანგეთი

                  შაბათს, მიტინგის მსვლელობის დროს, განხორციელდა თავდასხმა აშშ-ს ყოფილ პრეზიდენტ – დონალდ ტრამპზე. პრეზიდენტობის კანდიდატს ესროლეს ავტომატური შაშხანიდან, მან მიიღო მსუბუქი დაზიანება

„გონებით – თავდასხმის მსხვერპლთან, დონალდ ტრამპთან ვარ, რომელსაც ვუსურვებ უსწრაფეს გამოჯანმრთელებას“ – ასეთი იყო ემანუილ მაკრონის რეაქცია მომხდარიდან რამდენიმე საათში. „ერთი დამსწრე დაღუპულია, რამდენიმე დაიჭრა. ეს არის ტრაგედია დემოკრატიისთვის. საფრანგეთი იზიარებს  ამერიკელების შოკსა და აღშფოთებას“  – დაწერა ფრანგმა ლიდერმა სოციალურ ქსელ X-ში ფრანგულ და ინგლისურ ენებზე. სხვადასხვა ქვეყნების მეთაურებმა, ასევე გამოხატეს აშშ-ს ექსპრეზიდენტის მხარდაჭერა.

საფრანგეთში – ბარდელა და მარინ ლე პენი სწრაფად გამოეხმაურნენ მომხდარს. „დონალდ ტრამპზე თავდასხმა, რასაც ის სასწაულებრივ გადაურჩა, არის დრამატული სიმბოლო ძალადობისა, რომელიც ანგრევს დემოკრატიულ წყობას“ – იტყობინება მარინ ლე პენი  X-ში და ექსპრეზიდენტს „გამოჯანმრთელებას“ უსურვებს.

„ძალადობა არის შხამი მთელი დემოკრატიისთვის“ – განაცხადა ჯორდან ბარდელამ.

„შემართა რა მუშტი, ის აგრძელებს ბრძოლას. დონალდ ტრამპი ნამდვილი მამაკაცია“ – დაწერა ერიკ ზემურმა იმავე სოციალურ ქსელში.

„საბრძოლო სულისკვეთება, რომლითაც ის უპირისპირდება გაუსაძლის  პოლიტიკურ ძალადობას, აღფრთოვანებას იწვევს“ – განაცხადა მარიონ მარეშალმა. მომხდარს ასევე გამოეხმაურნენ მემარცხენე ბლოკის პოლიტიკოსები, მათ შორის სანდრინ რუსო, რომელმაც დონალდ ტრამპს „ უსწრაფესი გამოჯანმრთელება უსურვა“. მან სოციალურ ქსელ X-ში დაწერა: „მე ვგმობ ძალადობას ნებისმიერ შემთხვევაში“.

„გააღვივო ძალადობა, ეს ნიშნავს  მოახდინო მისი პროვოცირება. დემოკრატიას ჯერ არ განუცდია ასეთი თავდასხმა“ – დაწერა ყოფილმა საგარეო საქმეთა მინისტრმა – ნატალი ლუაზომ და განცხადებას დაურთო –  „დაზარალებულების სწრაფი გამოჯანმრთელების“ სურვილი.