გამოკითხვების თანახმად, მარინ ლე პენის პარტია – ახლოსაა გამარჯვებასთან საფრანგეთში

The Telegraph   დიდი ბრიტანეთი

 მარინ ლე პენის რადიკალური მემარჯვენე პარტია   „ნაციონალური გაერთიანება “ – ლიდერობს საფრანგეთის საპარლამენტო არჩევნების პირველ ტურში ხმების 34%-ით,  იტყობინებოდნენ კვირას საზოგადოებრივი აზრის კვლევის სააგენტოები IFOP-ი, Ipsos-ი, OpinionWay და Elabe-ი

მემარცხენე კოალიცია „ახალი სახალხო ფრონტი“ იკავებს მეორე ადგილს 29%-ით. მან გადაუსწრო პრეზიდენტ მაკრონის ცენტრისტულ ბლოკს, რომელიც მესამე ადგილზეა – 20,5-23%-ით.

Elabe-ის შეფასებით, მეორე ტურში, 7 ივლისს, „ნაციონალურმა გაერთიანებამ“ და მისმა მოკავშირეებმა შეიძლება აიღონ 260-310 ადგილი პარლამენტში, მაშინ როცა, Ipsos-ი  – France Television-სთვის ჩატარებულ გამოკითხვაში, მათ – 230-280 ადგილს უწინასწარმეტყველებს. ნაციონალურ კრებაში უმრავლესობის მოსაპოვებლად, პარტიებს 289 ადგილი ესაჭიროებათ.